Oblíbené biblické verše z Luk 4

Sdílet

“Korowii Domadɛɛɡe la ir n nɛ, dɛ lee mɛ ŋɔ ń ba bol Amanesoma baɡle nyaara, dɛ́ ŋɔ nɛra baa laɡ ba yoma, ne nɛra baa do ba dea be ŋɔ ba Lɛɛ balɔ, dɛ́ ɡel nyoŋa sibie pili ba won dɛɛ na, dɛ́ lɛ nɛra baa dɛ ɛɛ ba hɔhɔrɔwa la le ba dɔma nɔn ta, asɛ dɛ ɡel nɛra bwa jemɛ kɛ tɔpere Korowii aa dɛ ba o nɛra Lɛɛ la telo.”

Anee Yeesu ŋɔ o be ŋɔ, “Korowii Tɔn baɡlɔ ŋɔ, ‘Dɛɛ duu N Naa Korowii dɛɛ tomɛ o ɡbo.’ ”

Anee Yeesu chaŋo ŋɔ, “Korowii Tɔn baɡlɔ ŋɔ, ‘Kondikwaa ɡbo laa dɛɛ tɛ nɛn mkpa.’ ”

Yeesu aa le o Korowii nee sɔe la bɔr Jɔɔdan Moo ta dɛɛ kaa dem la, Korowii Domadɛɛɡe la ir o nɛ, dɛ kpɔɔ kaa pua hɛŋle ɡbo harɛ ta, asɛ o ka do bela tɔpera fifraanaarɛ.

Anee Yeesu chaŋo ŋɔ, “Korowii Tɔn baɡlɔ ŋɔ, ‘Bɛ N Naa Korowii daah na.’ ”

Bɔnsam aa daah Yeesu ŋwɛnɛ bɛlbwa ta kɛ ó fe ɛ wechɔɡa dɛ kahonɛ la, o ɡelo dɛ kaa tama mɔɔ.

Asɛ Bɔnsam berɛ kpɔɔ ka chɔŋɛ bobɛl waa do kɛŋɔ bwejen bɛl doa, dɛ baɡlo harɛ nɔ ta bela bwa kora dii aa lole ɡale o sie ta, dɛ ŋɔ o be ŋɔ, “Dɛ he kpɔ duure tɛ mɛ naa, mɛɛ kpɔ a kpeɡri ne a kondɔɔh bwaa tɛɛ, dɛkalkɛŋɔ a bwa sekwaraa lɔ n nɔn ta. Nɛn maa dɛ nyin laanee n kpɔ dɛɛ tɛ. Dɛ he kpɔ duure tɛ mɛ naa, a bwa dɛ ba he kwaa ɛɛ, he di a kpeɡri.” Anee Yeesu ŋɔ o be ŋɔ, “Korowii Tɔn baɡlɔ ŋɔ, ‘Dɛɛ duu N Naa Korowii dɛɛ tomɛ o ɡbo.’ ”

Belaa Bɔnsam kpɔɔ kaa bwɛjen Jerusalam, dɛ kpɔɔ ka cheɡ Korowii Dea la nyundujaɡla, asɛ dɛ ŋɔ o be ŋɔ, “Dɛ henee Korowii Bie la kpela aa, che bonɔ dɛ́ jah le harɛ, dɛkalkɛ Korowii Tɔn baɡlɔ ŋɔ, ‘Korowii ɛɛ ɡeloo o nyundua toroma ɛɛ nyiŋi he nɛɛ kɛrɛdɛ. Baa lawɛɛ haa wola nakpala kwaraa lɔ.’ ” Anee Yeesu chaŋo ŋɔ, “Korowii Tɔn baɡlɔ ŋɔ, ‘Bɛ N Naa Korowii daah na.’ ”