Oblíbené biblické verše z Ioane 21

Sdílet

E pangia akera ratou, kua karanga aturā Iesu kia Simona Petero, E Simona a Iona e, te maata na toou anoano kiaku i teia? Kua tuatua maira aia, A, e te Atu; kua kite koe e, te anoano atu nei au ia koe. Kua karanga atura aia, Ka angai i taku au punua mamoe. Kua karanga akaou atura aia kiaia, ko te tu rua ïa, E Simona a Iona e, te anoano na koe iaku? Kua tuatua maira aia kiaia, A, e te Atu, kua kite koe e, te anoano atu nei au ia koe. Kua karanga atura aia, Ka tiaki i taku au mamoe. Kua karanga atura aia kiaia, ko te tu toru ïa, E Simona a Iona e, te anoano na koe iaku? Kua aue iorā Petero i te mea ka tu toru akera ona ui anga mai kiaia, Te anoano na koe iaku? E kua tuatua maira, e te Atu, kare ua e mea toe i te kitea e koe; kua kite koe e, te anoano atu nei au ia koe. Kua karanga aturā Iesu, Ka angai i taku au mamoe.

Tika, tika tikai taku e karanga atu kia koe, I toou ou anga, kua tatua koe ia koe uaorai, e kua aaere iora koe ki taau ngai i anoano ra: e kia ruaine koe, ka akatika koe i o rima, e na tetai ke koe e tākai, e apai atu ei ia koe i te ngai anoano koreia e koe ra.

Kua tuatua maira aia kia ratou, Ka tuku i te kupenga ki te pae katau i te pai na, ka rauka ïa ta kotou. Kua tuku atura ratou, e kare ua atura e maranga ia ratou kia kika i te maata o te ika.

Kua karanga aturā Simona Petero kia ratou, Te aere nei au e tautai. Kua tuatua maira ratou, Aere katoa tatou. Aere atura ratou i reira ra ki runga i te pai; kare ua a ratou mea ika i rauka i te reira po.