Oblíbené biblické verše z Pilipae 3

Sdílet

Maeni eesiku, nou saie taane uri nou kaꞌa haꞌamangoa ue hurunge ie, taꞌe taꞌa-taꞌa leu nou esuie oto, nge nou meni toliꞌaasie mola ahutana walu ola i puriku mango, na no ko lae-lae oodo mola hunie nga taa ue i naꞌoku. Oto no ko huru aꞌailaꞌa hunie uri ne ke hele aana waaite taꞌau i Lengi, nge a God e soieu hunie ne ke hele aana i tehulaꞌana a Jisas Kraes.

Oto saeku mola hunie ne ke saie a Kraes, na ne ke toꞌo aana nanamanga aana taꞌelaꞌinge ingeie i laona mauringe haalu ineu ie. Nou sare sapesalu noꞌone mala ingeie, na ne ke lae oto i sulie tala nge e lae i sulie hule aana maelana. Nou sare teꞌurine aana nou norutoꞌo aana a God uri ingeie kei taꞌeau noꞌone mwaanie maenga.

Na e kaꞌa ike taꞌe mola mo ola ie. Ineu nou loꞌongaꞌinie uri ahutana oto taꞌe-taꞌena nga ola nou esuiꞌi oto i naꞌo, toliꞌaasileni kei lae mango, hunie ne ke hele aana mo tohungei ola diana aana tolahana Aalaha ineu a Jisas Kraes. Oto aena aana no ko lulu i sulie oto a Kraes, no ko toliꞌaasie oto ahutana walu ola mango i eelitehu

Taꞌe ahutana mo ola ienini nge nou holaꞌi loꞌo-loꞌongaꞌinie uri ikire oto mo ola diana, no ko si lio saie mola uri ikire, kire kaꞌa roroꞌa ike, mala lulu i sulilana a Kraes.