Oblíbené biblické verše z Pilipae 2

Sdílet

Na omu ke suꞌuri da nga mei ola huni haꞌapainaꞌaꞌomu na huni toohaꞌiniꞌomu haahie. Taꞌe omu ke haꞌamwai-mweiꞌaꞌomu, na omu ke loꞌongaꞌinie uri ngaeta mwala kire roroꞌa liutaa aamiu. Omu ke suꞌuri loꞌongaꞌi mola i sulie nga taa omu saetoꞌo aana maraamiu, taꞌe omu ke loꞌongaꞌi noꞌone i sulie nga taa e diana hunie ngaeta mwala.

Tolahamiu na ahutana loꞌongaꞌinge iꞌomu ke mani sada oto mala loꞌongaꞌinge na tolahana a Kraes.

Aana ingeie e pwani neꞌi God oto uure mai, taꞌe e kaꞌa sare tola hiitoꞌo ike aana mei neꞌisaenga ngeena i sapena, uri ingeie e sada mola peꞌie a God. Oto ingeie maraana e toliꞌaasie ahutana walu ola huni haataꞌinie painanga ingeie ngeena, na e si toolea tolaha ni koni-konihe i sapena aana e neꞌi iinoni, na e iiꞌo oto mola mala ngaeta iinoni aana walumalau ie. E haꞌamwai-mweiꞌaa maraana, oto e tola i sulie neꞌisaenga a God lai hule oto aana maelana i lengine poꞌu-poꞌu.

Aena aana a God ni ko esu i lalo aamiu urine, huni haꞌamwaꞌe-mwaꞌeꞌomu, na hunie omu ke sai tola i sulie tolahana maraana.

Aena ngeena, nge a God e si tahelaꞌinie oto loꞌu liutaa hunie leu ni haꞌamaꞌunge i Lengi, na e niie satai ola ngeena hunie nge e lai peine loꞌu liutaa aana taꞌena nga sata. Na hunie haꞌamaꞌunge aana satana a Jisas, ahutana mo ola mauri taꞌau i Lengi na mo iini mei aano, na oto aana hanue mo iini e mae oto, kire kei meni pouruuru i naꞌona. Na ahutada kire kei meni houleꞌinie oto uri a Jisas Kraes ingeie Aalaha haahie taꞌena nga ola. Na kire kei meni haꞌamanikuluꞌaa satana God Aamaka.

Taꞌe-taꞌena nga ola omu ko euꞌesuie, omu ke auꞌesu oodo-oodo oto mola aana, mwaanie upwanga na haitelilinge haahiꞌi. Na hunie omu ke iiꞌo oodotaꞌi, na tolahamiu ke diana aana omu neꞌi mwela maaꞌi a God oto, maꞌalana omu ko oꞌoꞌo ue i matolana mo iinoni ni oorahaꞌaa na tolahada e popoliꞌiliꞌi. Ikire, kire iiꞌo i laona rodohono, na iꞌomu oto raa-raa hunire

Aena urine, maeni eesiku, mala omu lae kaꞌu peꞌi tola i sulie a God aana omu rongo hunie walaku maholo ineu ue peꞌiꞌomu, omu ke hele susuleꞌi aani lulu i sulilana walaku oto urine, oto liutaa aana maholo mala ienini nge nou kaꞌa iiꞌo ike peꞌiꞌomu. Aana e roroꞌa toꞌohuu uri omu ke mani meꞌuteꞌinie a God hunie omu ke asu aꞌailaꞌa huni haꞌa-oaie leune a God e aehotaa, aana e haꞌa-uuriꞌomu mwaanie haꞌamotaahinge.