Oblíbené biblické verše z Khiav Dim 3

Sdílet

Vajtswv hais tias, “KUV YOG TUS UAS KUV YOG. Koj yuavtsum qhia rau lawv hais tias: ‘Tus uas hu ua KUV YOG, yog tus txib kuv tuaj cuag nej.’

Vajtswv teb tias, “Kuv yuav nrognraim koj, thiab thaum koj coj cov Yixalayees tawm hauv tebchaws Iziv los, nej yuav pehawm Kuv saum lub roob no. Qhov ntawd yuav ua lub cim qhia rau koj paub tias Kuv yog tus txib koj mus.”

Vajtswv hais tias, “Tsis txhob txav los ze ntxiv lawm! Ciali hle koj nkawm khau, rauqhov koj tabtom sawv ntawm thaj chaw uas dawbhuv.

Tus TSWV thiaj hais tias, “Kuv pom Kuv haivneeg uas nyob hauv tebchaws Iziv raug kev tsimtxom licas lawm, Kuv hnov lawv tej suab quaj qw thov kev pab kom lawv dim ntawm txoj kev uas lawv raug yuam ua qhev. Kuv paub tagnrho lawv tej kev txomnyem lawm, yogli ntawd, Kuv thiaj nqis los pab lawv kom dim ntawm cov neeg Iziv thiab yuav coj lawv tawm hauv tebchaws Iziv mus nyob rau lub tebchaws uas zoo ua noj ua haus thiab av dav heev; lub tebchaws uas muaj kua mis thiab zib ntab ntws nto, uas nimno cov neeg Kana-as, cov Hitis, cov Amaules, cov Pelixes, cov Hivis thiab cov Yenpus nyob.

Nyob rau qhov ntawd, tus TSWV tus timtswv tau los tshwm ua ib tug nplaimtaws rau Mauxes pom nyob hauv ib tsob ntoo. Mauxes pom nplaimtaws cig liabploog hauv tsob ntoo tuaj, tiamsis tsob ntoo tsis kubhnyiab li.

Zaumno Kuv yuav txib koj mus cuag Falaus, kom koj thiaj yuav mus tso tau Kuv haivneeg tawm tau hauv nws lub tebchaws los.”