Oblíbené biblické verše z Dyan 21

Sdílet

Di kafngela kmaan man Dyisas di ku Simon Fiter, “Simon, tingà Dyan, too bong nawam deg mdatah fa di kalbong nawa dademem deg?” Na manan, “Hae Amu, gadeam bong nawagu ge.” Na man Dyisas, “Ku bong nawam deg nifatam dad ngà bilibiligu.” Na smalek Dyisas lêman, “Simon, tingà Dyan, too bong dé nawam deg?” Na tmimel Fiter, manan, “Hae Amu, gadeam bong nawagu ge.” Na man Dyisas, “Toom nifat dad bilibiligu.” Na lêman smalek Dyisas di gatlun dulê, “Simon, tingà Dyan, glut bong nawam deg?” Na too mlidù Fiter, du tatlu dulê smalek Dyisas ku too bong nawan kenen. Taman man Fiter di ku Dyisas, “E Amu, gadeam sa kdee, na gadeam sa bong nawagu ge.” Na man Dyisas di kenen, “Toom nifat dad bilibiligu.

Tulengu ge kaglutan, di lamam fa lamnok, ge sa gmaling i ktom, na fakay ge magu balù nè kayeam gusalum, bay ku tatua ge tatiam alò bantal i sigalam, na mahal dad to gmaling ge, na nebela ge di laam kayè gusalu.”

Na manan di dale, “Ftatekyu fukutyu gsen di kwanan i aweng, na nun gwèyu.” Na taman ftatekla fukutla lêman, na di kadyolla dun làla gagan mket dun du too dee nalaf gwèla.

Na man Simon Fiter di dale, “Mdà agu mukut nalaf.” Na man i dademen, “Magin gami ge.” Na mdà ale maweng, na mukut ale tayud butang, bay landè gwèla.