Luka BUPANDULUZHI
BUPANDULUZHI
Makani Mabotu a kalemba Luka ndibuka lyomwi mu mabuka ali one ayanwa mu Cipangano Cipiya lelyo lipandulula bumi bwaa Jeso Kilisito. Ibuka limwi ulimwi lilatewa ati Makani Mabotu. Aza mabuka akalembwa u Matayo u Maako u Luka ulimwi u Johani, Jeso kafwile kale u kubuka ku bafwu. Luka wiina kulemba bulyo bumi bwaka Jeso, pele wakalemba u shintu nshibakacita ba shiciiya baka Jeso amane kufwa u kubuka mwibuka litewa ati Incito sha Baapositolo. Kwiina muntu uuzhi kabotu mwaka ngulyakalembwa u busena nkulyakalembelwa ibuka lya Makani Mabotu ngaakalemba Luka. Pele ba shaabupampu balahumina ati lyakalembwa mu mwaka wa 70 AD.
Wakalemba ibuka leli ngu Luka wakaakuli mushilishi wamu cipatela. Bulembe bwe buka ububandike bulatondezha ati uwakalilemba kayiile cini cini. Luka kazanda kwaamba alembe bupanduluzhi buzwile bwa bumi bwaka Jeso, u kupandulula shintu mbuli mbushakaakucilizhenye nishakaakucitika, kwaamba ati bantu bayane bubotu ciindi nibabala ibuka leli. (Luka 1:1-3) Luka katali mu Juda (Bakolose 4:10-14) Ibuka leli wakalilemba kwaamba ati u bantu batali ba Juda bateelele. Ceci cilabonwa munzila yakuti ulapandulula tunshiyanshiya twaci Juda (Luka 1:8).
Ibuka lya Makani Mabotu ngaakalemba Luka lilikozhene u mabuka a Matayo u Maako nkaambo oonse alapandulula shintu shikozhene munzhila ili yomwi. Akati kamabuka otatwe aza, Luka ulapa bupanduluzhi buzwile ku makani akuzhalwa kwaka Johani Mupapatizhi. Ulimwi Luka ulaambisha makani akulekelela (shaandaano 3:3; 11:4; 17:3-4; 23:34; 24:47) u kukomba (shaandaano 3:21; 5:16; 6:12; 11:1-12; 22:32).
Mitwi ya Makani
Bupanduluzhi bwa Makani Mabotu ulimwi ucakapa kwaamba alembe 1:1-4
Kuzhalwa kwaka Jeso u kulibambila kwakwe kumulimo 1:5—4:13
Luka ulaamba shipanzha shikando shimwi sha Makani Mabotu 4:14—9:50.
Luka ulapandulula lwendo lwaka Jeso kuhwa ku Galilaya kuya ku Jelusalemu 9:51—19:27
Luka ulapandulula sha nsunda ya mamanino ku Jelusalemu 19:28—23:56
Luka ulapandulula makani a kubuka u kulibonya u kuya kwizeulu kwa Mwami 24:1-53
S'ha seleccionat:
Luka BUPANDULUZHI: ILL
Subratllat
Comparteix
Copia
Vols que els teus subratllats es desin a tots els teus dispositius? Registra't o inicia sessió
Ila New Testament © Bible Society of Zambia, 2015.