Salmos 13

Salmo 13

Sukan kakan‑ta'vi o nuu Su'si ma ja na chindee ña'a ya ora ndó'o néni o ma

1Iya Tátnuni, ¿na saa‑ka kii ko ndunaa ña'a ni

te koo jika ni nuu sa a?

¿Na saa‑ka kivi ni ma kuni ña'a sa ja iyo ni ji'in sa a?

2¿Na saa‑ka kii ndo'o neni ini anua sa ya,

ja kúxii ini i ndi‑kivi ndi‑kivi a?

¿Na saa‑ka kii kundee suchi ñatuu kúnimani nuu sa ya

ja xndo'o xneni ña'a i?

3Su'si maa sa, Iya Tátnuni, konde'ya ña'a ni,

te ndakone'e ni ja jikan‑ta'vi sa nuu ni a.

Ndaxtnuu ni ñu'u maa ni a nuu sa,

sukan‑va'a má kûu sa.

4Vaa nú ña'a, te suchi ñatuu kúnimani nuu sa ma, te ka'an i,

“Ni kundee o nuu i.”

Te ndaka ñayii ñatuu ka kunimani nuu sa ma,

te jin kutachi xen‑xeen i ja ni kendeka sa ma.

5Kovaa saña chi kúkanu ini ña'a sa ja kútoo ña'a ni,

te ini anua sa ya, kúsii ini xeen i

ja maa ni sa'a ja kaku sa nuu ja u'vi ma.

6Kata sa nuu Iya Tátnuni ma,

vaa maa ya ni sa'a ja vii ja va'a ja kuu sa ya.

S'ha seleccionat:

Salmos 13: xtm

Subratllat

Comparteix

Compara

Copia

Vols que els teus subratllats es desin a tots els teus dispositius? Registra't o inicia sessió

Versets bíblics populars de
Salmos 13