Saggaria 13
13
1Uvlorme tâpsomane Dâvidekunut Jerusalemiunullo puilavik matoêrtaujomârpok ajortoêrutiksak ivsornairutiksarlo.
2Pijomârporlo uvlorme tâpsomane, oᴋarpok Nâlegak Zebaot, kipisijomârama gudingoat atinginik nunamit, erᴋaumajaujungnairomârpullo; nalautaijullo anernerlo ivsornartok aulartitsomârpakka nunamit.
3Pijomârporlo, nalautaijoᴋalerpat sulle, atâtangata anânangatalo ernertalauktûk tâpsominga oᴋautijomârpâk: Inôjuksaungilatit; saglonernik oᴋâlagavit Nâlekab atingane; atâtangatalo anânangatalo ernertârtûk tâpsominga kapijomârpâk, nalautailerpat.
4Pijomârporlo uvlorme tâpsomane, nalautaijut ilûnatik takotitjutitik kangusûtigijomarmagit, nalautaijarangamik, ulingmiglo merᴋolingmik atisilulângilat uivêrikleromavlutik;
5Oᴋalârporle: Nalautaijôlungilanga, perorsêvilerijôvungale; inûb pisiaringmanga inôsungnimnit.
6Tâpsomungalo oᴋartoᴋaromârpok: Ikkit ukkoa aggangnêtut suvât? Kiolârporlo: Makkoninga ikkilertaulauᴋpunga ilanârijama iglungane.
7Saviksoak tupalerit, mianersijiga pâvigilugo, angullo inôᴋatigijara, oᴋarpok Nâlegak Zebaot, mianersijoᴋ annauleruk, saukallo siamartitaulârput; aggakkalo sâtitsomârpakka piarangnut.
8Pijomârporlo nuname ilûnâne, oᴋarpok Nâlegak, avgoâk maggûk kipijaujomarmatta toᴋolutiglo, pingajuingille amiakôjomârput.
9Pingajuingillo ikomakôrtitsomârpakka, sujungaititsomârpakkalo, sorlo silbere sujungaititaungmat, nautsertoromârpakkalo, sorlo golde nautsertortaungmat: atera ᴋaigarsugvigijomârpât, tusaromârpakkalo; oᴋaromârpunga: Tamadja inuᴋotigijakka; tâpkoalo oᴋaromârput: Nâlegak Gudigivara.
S'ha seleccionat:
Saggaria 13: LIHB08
Subratllat
Copia
Compara
Comparteix
Vols que els teus subratllats es desin a tots els teus dispositius? Registra't o inicia sessió
Labrador Inuttitut Heritage Bible © Canadian Bible Society, 2008.