Rômiunut 10
10
Okperomanginermut Judit piulijaujutiksarsingilat.
1Katangutikka, ômatima kajungilârninga imaipoᴋ, Gûdelo tuksiarvigivara, Israêlib kiguvângit piulijauᴋovlugit.
2Tâpkoa kigligiutigivakka, ilungertordlutik Gûde nâlagasuarmatsuk, silaidlutigle.
3Idluarneᴋ nâmagijaujoᴋ Gûdeme illitaringinamitsuk, idluarsinasuarlarmiglo nangminermingnik, idluarnerlo nâmagijaujoᴋ Gûdeme taimâk nâlalungilât.
4Kristuse perᴋojat naggatigingmatsuk; ilûnatik tâpsomunga okpertut idluarsititauvut.
5Môsesib idluarneᴋ perᴋojanit pijoᴋ aglagutigigalloarpâ: inûb tamakkoninga nâlaktub inôgutiginiarpait. #Lev. 18:5.
6Idluarsinerle okpernermit pijoᴋ imailivoᴋ: Omatingne oᴋarniarnak: Kina ᴋilaliarniarᴋâ? (imaipoᴋ, Kristuse aᴋᴋartitsartorlugo.)
7Imâglônêt: Kina kanungarniarᴋâ itinersoarmût? (imaipoᴋ, Kristuse pijartorlugo toᴋungajunit.)
8Kanorle oᴋarᴋâ? Oᴋauseᴋ ilingnut ᴋanipoᴋ ᴋanerne ômatingnelo-iname; tamadja oᴋauseᴋ okpernermik oᴋautigijavut. #Deut. 30:12-14.
9Nâlegaᴋ Jêsuse ᴋanernut oᴋautigigungne, okperuvillo ômatikut, Gûdib toᴋungajunit tupaktingmago, piulijauniarpotit.
10Omamigut okpertoᴋ idluarsilermat, Kanermullo nalunaijaijoᴋ piulijauniarmat.
11Aglait imaingmatta: Naliat okpertoᴋ ᴋemâjariaᴋaromângilaᴋ. #Jes. 28:16; 8:14.
12Adsigêngilungimatta Jûdillo Grîᴋillo; atausênaᴋ Nâlegaringmatsuk ilûnatik, akluitoᴋ ilûnainut tuksiarvigijiminut.
13Nâlekab attinga tailugo tuksiartut piulijauniarmatta.
14Kanorle okpervigingitatik tuksiarviginajarᴋatsûk? ᴋanorle tussaumalaungitatik okperviginajarᴋatsûk? ᴋanorle tussarajarᴋât, oᴋautjaungikunîk?
15Kanorle oᴋâlaniarajarᴋât, tilijaungikunîk? Aglait imaimatta: Kuvianartoᴋsôvut ila taipkoa itigangit, ulapirsaumik oᴋâlajut ajungitomiglo oᴋautjijut. #Jes. 52:7.
16Ilûnatiungitorle oᴋautsit tussarnertut nâlakpait. Jesaise oᴋarmut: Nâlegaᴋ, kia oᴋaudjaunivut okperivagît? #Jes. 53:1.
17Okperneᴋ tagva oᴋâlanermit pivoᴋ, oᴋâlanerle Gûdib oᴋausinginit.
18Oᴋarpungale: Tamattominga tussalaungilât? Aukak; (oᴋâlajut) nippingat nunalingnut tamainut tussartauvoᴋ, oᴋausingillo silaᴋsûb issunginut pimavut. #Img. 19:5.
19Oᴋarpungale: Israêlitit tamattominga tukkisilaungilât? Môsese sivorleᴋ oᴋarpoᴋ: ilungertortitsomavapse inuᴋotigingitakka pivlugit, ningartitsomagivapselo inungnut silaitunut. #Deut. 32:21.
20Jesaiasele imâk oᴋarlune sapingilaᴋ: Apersortaujungnarpunga uvamnik aperᴋuteᴋalungitunut, nagvartaujungnarpunga uvamnik ᴋenerasuangitunut. #Jes. 65:1.
21Israêlitinulle oᴋarivoᴋ: Uvloᴋ nâvlugo aggakka issakpakka inungnut tapatojunut, arvertartunut issumamingnik apᴋome idluangitome. #Jes. 65:2.
S'ha seleccionat:
Rômiunut 10: LIHB08
Subratllat
Copia
Compara
Comparteix
Vols que els teus subratllats es desin a tots els teus dispositius? Registra't o inicia sessió
Labrador Inuttitut Heritage Bible © Canadian Bible Society, 2008.