Jona 2
2
1Jonalo tuksiarpoᴋ Nâlekamut Gudiminut ômajoâlûb aᴋearoanêdlune.
2Oᴋarporlo: Siorniudlarnimne Nâlegaᴋ ᴋaigarsugvigilauᴋpara, tâpsomalo tusarpânga; toᴋungajut ininganit ᴋaigarsukpunga, nippigalo tusarpat.
3Itijomut egilauramga imarbiksûb iluanut, imaᴋsuit ilumavânga; malliksoatit ᴋâᴋatartullo ilûnatik ᴋâmnôrput.
4Oᴋarpungalo: Pingujartauvunga ijîkpît sângangnit; takosaromârpungale sulle katimavingnut ivsornaitomut.
5Imaᴋsuit ilumavânga, tarniga tikidlugo aglât; itinersuit avatimnêput; ᴋerᴋojat niaᴋora nimervigivât.
6Kaᴋᴋat tungavinginut kivilauᴋpunga; nunab palangairutingita aniviksairutivânga sorairniangitomik; igville inôsera ᴋaᴋitipat asserornermit, Nâlegaᴋ Gudigalo.
7Tarniga mungolermat ilumne, Nâlegaᴋ erᴋarpara; ᴋenuneralo kiblêvoᴋ ilingnut, ivsornaitovingnut.
8Piungitunik suksaungitunik sungertûteᴋartut ᴋemaivut nâpkigijaunermingnik.
9Uvangale tunerguservigijomavagit ᴋujalidlarnermik nippeᴋarlunga, akkilêjomavungalo angerutigilauᴋtamnik. Piuliklerneᴋ Nâlekamit pivoᴋ.
10Nâlekablo ômajoâluk oᴋautivâ, tâpsomalo Jôna merriarpâ nunamut.
S'ha seleccionat:
Jona 2: LIHB08
Subratllat
Copia
Compara
Comparteix
Vols que els teus subratllats es desin a tots els teus dispositius? Registra't o inicia sessió
Labrador Inuttitut Heritage Bible © Canadian Bible Society, 2008.