Salmos 127

127

1Cherˊmahꜗ saꜙ kya̱a̱hˊ beꜘ kihꜗ DSAˉJØ̱Ø̱Hˈ jnänˋ

ja̱a̱ˉ hi̱ˉ jmeeꜙ ko̱o̱ˉ hneꜗ,

niꜙ miihˉ saꜙ jmääꜗ taˊ kihˈ hi̱ˉ chooꜗ hneꜗ ja̱ˉ.

Cherˊmahꜗ saꜙ kya̱a̱hˊ beꜘ kihꜗ DSAˉJØ̱Ø̱Hˈ jnänˋ

hi̱ˉ tä̱ä̱hˊ høøꜙ läꜙka̱a̱ˉ jeeˊ jwɨɨˉ,

heeˉ jmääꜗ heˉ tä̱ä̱yhˊ høøyꜙ ja̱ˉ.

2Haˉ jmääꜗ kyahꜗ heˉ noohˉ tiih˜ mahꜗ gwɨ̱ɨ̱hˉ maˉhlooꜘ.

Haˉ jmääꜗ heˉ jmäähꜙ hñaahꜗ taˊ gaꜙngëëꜘ jwë̱ë̱ˈ

haˉ jeeˊ le̱hꜙ heˉ kuhˈ.

Jëëhꜘ Dio jnänˋ, ñeˉ bihꜗ heˉ naˉ llaˉkya̱a̱ꜗ jneˊ.

Kihꜗ hi̱ˉ hnääyꜗ, kwaꜙ bihꜗ jwëˈ te̱e̱yhˉ dsëyꜗ.

3Läꜙjë̱ë̱ꜙ jo̱o̱ꜘsɨɨhˊ dsaˉ, heˉ laˊ kwa̱a̱˜ baˊ DSAˉJØ̱Ø̱Hˈ jnänˋ.

Haˉ ko̱hꜘ saꜙ cha̱a̱ˉ dsaˉ lluꜗ heˉ dsaˉläˉcha̱a̱ˉ gyʉ̱ʉ̱ˉ kya̱a̱yꜗ.

4Kihꜗ ja̱a̱ˉ dsaˉ kwa̱a̱ˉ, chihˉ kya̱a̱yꜗ la̱a̱ꜗ

läꜙko̱o̱ˉ flecha kihꜗ hi̱ˉ te̱e̱˜ jeeˊ hniiˉ.

5Lluꜗ laꜗ kihꜗ dsaˉñʉʉhˉ hi̱ˉ cha̱a̱ˉ jwë̱ë̱ꜘ chihˉ kya̱a̱ꜗ.

Laꜗ kiyhꜗ läꜙko̱hꜘ heˉ cho̱o̱yhˉ chaˉmiihˉ flecha.

Waˊraˉ gaꜙllooyꜗ nëˊtaˊ saꜙ jä̱yꜗ oˉhihꜙ

waˊraˉ gaꜙhnɨɨꜗ hi̱ˉ naˉhøøhˊ kiyhˈ.

S'ha seleccionat:

Salmos 127: chz

Subratllat

Copia

Compara

Comparteix

Vols que els teus subratllats es desin a tots els teus dispositius? Registra't o inicia sessió

Versets bíblics populars de
Salmos 127