Joel 3
3
1Ko'ã mba'e rire,
ahekuavóta che espíritu
opa yvypóra ári.#Hch 2.17-21.
Pende ra'y kuéra
che rérape oñe'ẽta,
itujáva ohecháta ikepegua,
mitã rusu avei
omba'e recháta.
2Ha avei umi tembiguái
kuimba'éva ha kuñáva ári
ahekuavóta che Espíritu
umi árape.
3Yvágape ahechaukáta
mba'e hechapyrãva,
ha yvýpe tuguy, tata
ha tatatĩ.
4Kuarahy iñypytũta
ha jasy tuguýicha pytãmbáta,#Mt 24.29; Mc 13. 24-25; Lc 21.25; Ap 6.12-13.
oguahẽvo Ñandejára ára,
tuichaitéva ha ojekyhyjeha.”
5Opa umi omomba'éva
Ñandejára réra katu
nomano mo'ãi,#Ro 10.13.
ha Ñandejára
ome'ẽ haguéicha iñe'ẽ,
Sión ha Jerusalénpe
osẽta jejopy vaígui.
Umi ha'e oiporavo vaekue.
S'ha seleccionat:
Joel 3: GPC2006
Subratllat
Copia
Compara
Comparteix
Vols que els teus subratllats es desin a tots els teus dispositius? Registra't o inicia sessió
Guarani DC Bible © Sociedad Bíblica Paraguaya, 1996.