TIPISALEMA 14
14
Va dyohile hinkwavo.
Eka mufambisi wa vasimi. Ya Davhida.
1Xihunguki xi te embilwini ya xona: “A ku na Xikwembu!”
Va borile; mitirho ya vona yi ni manyala;
A ku na la endlaka swinene.
2Yehovha u langutile vana va vanhu a ri etilweni,
A ta vona xana u kona la nga ni ku twisisa,
La lavaka Xikwembu.
3Hinkwavo va hambukile, va tionhile swin'we;
A ku na la endlaka swinene, hambi a ri un'we.
4Xana hinkwavo lava endlaka swo biha va pfumala ku tiva xana?
Va dya tiko ra mina kukotisa loko ku dyiwa vuswa;
A va khongeri Yehovha.
5Va ta rhurhumela hi ku chava,
Hikuva Yehovha u le xikarhi ka rixaka leri lulameke.
6Khomisani la nga ekhombyeni hi tingana eku tshembeni ka yena!
Kasi Yehovha i xichavelo xa yena.
7Loko ingi ku hlayiseka ku nga tela Israele hi le Siyoni!
Siku Yehovha a tlherisaka tiko ra yena eku bohiweni,
Yakobo u ta tsaka, Israele u ta tsakisisa.
S'ha seleccionat:
TIPISALEMA 14: TSO29
Subratllat
Copia
Compara
Comparteix
Vols que els teus subratllats es desin a tots els teus dispositius? Registra't o inicia sessió
Bible in Xitsonga 1929/2012 © Bible Society of South Africa 2012. Digital Version © Bible Society of South Africa 2012. All rights reserved. www.biblesa.co.za.