TAGARAHA IATA NA APOSOTOLO 7
7
Na ateateha iana o Setepano
1Na mane ni vogasiha i teha ki hagatea o Setepano, ki vi: “I monari ngekê?” 2Mo Setepano ki arami, ki vi: “Goaku, ma mu meraha! Mu rongoê! God raramohaga hunia ki vora tanga na êvarika o Abaramo, matena i gâga mênga i Mesopotamia, ma ki mamênga, vi ge arâ ke gâga i Garana. 3Ma ngaia ki vi tanga o Abaramo, ki vi, ‘Go panira na raraha iamu, ma na mako iamu, ma ko arâ tanga na agua, gê page hagabâsigo renia.’ 4Tahema ngaia ki pania i Galatea, ma ki râ ki oga i Garana. Ma hemuri ki kahu me o vaemana o Abaramo, God ki vi tanga, ki râ tanga na agua i hagatê mu oga igê i ngekê. 5Ma God ki mareha ngavê, vi ge vatea rârâ o Abaramo ta keregua na mako, hanana vi ge nahunia marena. Ma God ki surua, vi page vatera o Abaramo ma na raraha i muri na mako hagenani ka nahunia. O Abaramo ki mamênga, vi ge apara kare, matena God i surua na tarana ngekana tanga. 6God ki tamasi tanga vikê, ki vi: ‘Na raraha iamu ka page mamahuara i na agua iata na enoni getera. Ma i ngekana ngaira ka page voravora re igê na kare rakuraku, ma na enoni igê na agua ngekana ka page hagatutunguhira surigi na harisi tangarê ge he.’ 7Ma God ki vi nikâ, ‘Inê kê page hagaitangira na enoni, ga hagatotongo, hanana i ararira. Ma hemuri na raraha iana ka page huhura tenia na agua ngekana, ma ka page rahesiê igê na agua ikê.’ 8Ma hemuri God ki suruheri henia o Abaramo, ma ki vi tanga, vi manga na mane ga taua na suruheri iana, ka retegi na gavoni na varata. Tahema o Abaramo ki retea na gavona na varana o Isako, matena i vora ma ki hato huria na wiki gi tage. Mo Isako ki retea na gavona na varana o Jakobo, mo Jakobo ki retegi na gavoni na varata o karena tangahuru matarerua, na êvarika raha i nago vê.
9“Na êvarika raha i nago vê ka hengaria o Josepo na hitangita, ma ka hagavuringenia, ki vora na kare rakuraku i Esipito. Ma God ki tamania tare, 10ma ki hagatahia igê na ara ni aeratana hato. God ki tamania nikâ o Josepo, matena i râ me i pasina o Parao, na maneraha i Esipito. Tahema o Parao ki hagêguria o Josepo, ki araha, ma ki bâsuria na agua hagenani, ma ki bâsurigi nikâ na nahuninga iana o Parao. 11Ma hemuri ki kahu râ me na magêha raha i Esipito hagenani ma i Kanani, ma na enoni ka hatamia bâraha na mamasiaganiha. Ma na ngêra ki tara hagetage tenira na êvarika. 12Tahema, matena o Jakobo ki rongo, vi na ngauha ki gâga i Esipito, ngaia ki hagatorangenira na êvarika, ka kahu râ i ngekana. 13Ma igê na ruata na râha iata o Josepo ki hagagirarara o veogana renia marena, mo Parao ki kahu girarara, vi ngaira ka na goana o Josepo. 14Ngekana o Josepo ki kasi tamasinga tanga o Jakobo o vaemana, ki vi, ‘Igo ma na ahemata iamu ki ararigamu, mu arâ me i Esipito.’ Ngaira hato ka vora na tangahuru gi pi matara gi rima. 15Ma hemuri o Jakobo ma na ahemata iana ka so i Esipito. Ma ngaia ma na êvarika getera ka me i ngekana. 16Ma na gahuata ka toregi râ i Sekemi, ma ka bagigi igê na ano, o Abaramo i bani vuria renigi na haga tenira na raraha iana o Hamore.
17“Matena God ki sugia ma noga, vi ge hagamonaria na bani suruha iana tanga o Abaramo, na goaka i nago i Esipito ka rako era noga. 18Ma hemuri ta na maneraha getea ki haganega ki marungia i Esipito, ma ngaia ki pe girara o Josepo. 19Ngaia ki hagahagaparura na goaka, ma ki hagamamasiagara na êvarika, ma ki tugurira, ka kasira na kareta haoru i metara, ka meme. 20I na matena ngekana o Moise ki vora. Ngaia ki na kare i bâkoro era. Na enana karu marupea i ruma surigi na hageha gi oru. 21Ma na matena garu kasia hura, ka karena o Parao ki têa, ma ki tanua renia vi na karena marena. 22Ma ka hagesuria renigi na ara ni giraraha iata na Ai ni Esipito, ma ngaia ki teha igê na tamasinga ma igê na tagaraha koro.
23“Bevoana o Moise i tangahuru ge he na harisi iana, ngaia ki takusia, vi arâ ma ki bâsira na goana na Isiraelita. 24Ngekana ngaia ki râ, ma ki tamania na goana, ma ki usumia na mane ni Esipito, ma ki nahuia ki me. 25(Ngaia ki vi ma, vi na goana ka girara, vi God kani hagatorangenia, ki hagatahira ka aharupa, ma hete ngaira ka pe girara.) 26Igê na tangiana i muri ngaia ki bâsirerua na Isiraelita gi rua, garu heariha. Ma ngaia ki uhungia, vi rêra pusirerua, karu hekorokoro aporo. Ma ngaia ki vi, ‘Muru rongo, vegamurua! Igamurua na raraha gi tage. Tanu hega kani muru hemeronge?” 27Ma na mane, i haganega na hearihatana, ki purisia o Moise. Ma ngaia ki hagatea, ki vi, ‘O ti kani kasigo, ko araha tangagami, hanana vigo surigami? 28Igo ko obania vari, vi go nanahuiê nogaku, manga i nanora go nahuia na mane ni Esipito ea?’ 29Matena o Moise ki rongo vikana, ngaia ki gava tenia Esipito, ma ki râ ki oga i Mitiani. Ma i ngekana ngaia ki apararerua igê na kare mane gi rua.
30“Matena ga hato na harisi tangahuru ge he, na angelo ki vora me tanga o Moise igê na roborobo, i noro renia na gi. Na tarana ngekana ki vora me igê na bagamasusu raha hagarangia na Hungana i Sinai. 31O Moise ki bâsia, ki kone, ma ki ura râ hagarangia, ki hahariria. Ma ngaia ki rongoa na ringena na Araha, i vi: 32‘Inê na God iata na êvarimu, na God iata o Abaramo, mo Isako mo Jakobo.’ O Moise ki tata, ma ki magu, ma ki tu bê so ma. 33Ma na Araha ki vi tanga, ki vi: ‘Gu tarasigi râ na santele iamu, renia na agua, go ura igê, ngekê ki na mako, i apuna. 34Inê kê bani bâsia, ma kê bani girara na mamasiaganiha raha era iata na kariaku, ga oga i Esipito. Inê kê bani rongora, ga gegege, ma kê râ me kê hagatahira. Râ me, ma be hagatorangenigo i Esipito.’
35“Ngaia o Moise nogana na Isiraelita ka usitenia. Ngaira ka hagatea, ka vi, ‘O ti kani kasigo, ko araha tangagami, hanana vigo surigami?’ God ngaia nga kani hagatorangenia ngaia nogana, ki araha tangara, ma ki hagatahira, matena na angelo i tamasi tanga igê na roborobo, i noro. 36Ngaia ki torera hura na enoni tenia i Esipito, matena i katogi na mena ma na tagaraha raha i ngekana, ma igê na Asi Memera, ma igê na bagamasusu raha surigi na harisi tangahuru ge he. 37Ngaia o Moise nogana ki visia tangara na Isiraelita, vi, ‘God ki page hagatorangenia tangagamu ta na poropete, tagenana ma manga i hagatorangeniê inê. Na poropete ngekê ki page vora me tenia na hagosi ninuni iami.’ 38Ngaia o Moise nogana ki oga henira na Isiraelita, ga haku i na bagamasusu raha. Ngaia ki oga i ngekana henira na êvarika, ma henia na angelo, i tamasi tanga igê na Hungana i Sinai. Ma God ki vatea na tamasinga, ga girara ga gâga tare ma, hanana i hagatarêngenigi tangagia.
39“Ma na êvarika ka usi, vi ge rongoa o Moise. Ngaira ka panegenia râ, ma ka vi, vi obania, vi ga aporo i Esipito. 40Tahema ka vi tanga o Aroni, ka vi: ‘Gu tagarahigi tangagami tani na ninuni na ataro, hanana ge bêngenigami. O Moise ki toregia me tenia i Esipito, ma igami kami pe hagarea, vi ngaia kani i he.’ 41Ma ngekana ngaira ka tagarahia na nununa na ataro, ki bâ manga na karena na puruka mane, ma ka susu tanga, ka magoto, ka vogasia na marâ, ga bani tagarahia so ngaira mareta. 42Ma God ki kasi renira, ma ki panira, hanana vi ga rahesigi na higu i vavearo, suria na tamasinga i na Buka iata na poropete ki vi:
‘Ai ni Isiraele!
Matena mu oga igê na bagamasusu raha
surigi na harisi tangahuru ge he
igamu ki mareha,
vi gamu susu tangê inê.
43Megamu nogami kamu tugia na nununa na ataro Moloko
ma na nununa na higu iana na ataro iami Repana.
Ngairerua na ataro mu bani tagarahirerua,
hanana vi gamu rahesirerua.
Tahema inê kê page hagamarumungenira na merongami,
ka henahuraugamu tanga i Babilone.’
44“Na êvarika ka merâ na ruma na gahu iana God. Ma igê na tarana ngekana ngaira ka girara, vi God ki gâga henira igê na bagamasusu raha. Ga bani tagarahia na ruma na gahu manga i bani visia God tanga o Moise ki tagarahia suria na nununa na ruma, God i bani hagabâsia o Moise renia. 45Ma hemuri na êvarika ka hagatarêngenia na ruma na gahu haganega tenira o vaemata, ma ka merâ, matena ga takua o Josua, ma ka rêa na mako iata na ara ni varo ninuni, God ki paira tarata. Ma na ruma na gahu ki oga i ngekana, mataro me na matena i oga igê o Tavite. 46O Tavite ki na mane koro. Tahema God ki takuia. Mo Tavite ki nungia God, ki hagamarumungenia, ki torea na ruma tanga na God iana o Jakobo. 47Ma nga noga ma o Solomone kani torea na ruma tanga, mo Tavite ki mareha.
48“Ma God raramohaga hunia ki pe oga igê na ruma, na ani na enoni ga torea, suria na poropete ki vi:
49‘Na Araha ki vi:
na vavearo ki na âgâga iaku,
ma na ano ki na êgêga iaku.
Na ani ta na ruma kanimu takusia,
vi gamu torea tangê?
I he nga na agua tangê,
vi gê mamaro igê?
50Na marâ hato ngegana
inê kê bani hagavoragi mareku.’
51“Mu togeaga bâraha! Ma kamu ahuroto! Mu guguruga bâraha tanga God! Igamu kamu manga na êvarimi, suria igamu nogami kamu usi, vi gamu rongoa na tamasinga iana na Higona Apu! 52Na êvarimi ka merongasira na ara ni poropete hato. Ngaira ka pe tihia tani. Ngaira ka nahuira na mane tora tamasinga iana God ma ka bani tamasi me i nago noga renia na râha me iana na Kariana, i matarotaro ma ki oto. Ma i ngekê igamu kamu bani hagavuringenia ma kamu bani hagamesia. 53Igamu nga nga na enoni mu têa na Ramata iana God, ki hagatorara na angelo, ka torea me tangagia, megamu ki mareha, vi gamu râ suria!”
Na Siu ka ariha hunia o Setepano
54Matena na enoni igê na Kaunselo ka karinga o Setepano, ngaira ka mangariaga bâraha tanga, ka kurukuru rivo. 55Ma na Higona Apu ki angaria o Setepano. Mo Setepano ki atakê i vavearo, ma ki bâsia na arahanga iana God, ma ki bâsia o Jesu, i araha henia God. 56Ngaia ki vi: “Bâ, inê kê bâsia na vavearo, i tahataha, ma kê bâsia o Karena Enoni, i araha henia God!”
57Ngaira ka herota, ma ka herepusigi na karingata, ma ka parama ngaira hato, ma ka bugubugu renia. 58Ngaira ka paia tenia na hinua raha ma ka ariha hunia renigi na hê ki me. Na mane, ga tamasi pusia o Setepano igê na kotiha, ka tasigi na tuguni raha iata, ma ka hagatora na mane haoru, o Saulo na atana, ki bâsurigi. 59Ngaira ka ama ni ariha hunia nga, matena o Setepano ki nunginungi tanga na Araha, ki vi: “Araha Jesu, ê nungigo, ko tavoa na ataroku!” 60Ngaia ki susure, ma ki ngere raha, ki vi: “Araha, gu bonotenia na tasi iata ngekê!” I vi hato vikana, ma ki me.
S'ha seleccionat:
TAGARAHA IATA NA APOSOTOLO 7: KCB
Subratllat
Copia
Compara
Comparteix
Vols que els teus subratllats es desin a tots els teus dispositius? Registra't o inicia sessió
© 2011 Bible Society of the South Pacific
TAGARAHA IATA NA APOSOTOLO 7
7
Na ateateha iana o Setepano
1Na mane ni vogasiha i teha ki hagatea o Setepano, ki vi: “I monari ngekê?” 2Mo Setepano ki arami, ki vi: “Goaku, ma mu meraha! Mu rongoê! God raramohaga hunia ki vora tanga na êvarika o Abaramo, matena i gâga mênga i Mesopotamia, ma ki mamênga, vi ge arâ ke gâga i Garana. 3Ma ngaia ki vi tanga o Abaramo, ki vi, ‘Go panira na raraha iamu, ma na mako iamu, ma ko arâ tanga na agua, gê page hagabâsigo renia.’ 4Tahema ngaia ki pania i Galatea, ma ki râ ki oga i Garana. Ma hemuri ki kahu me o vaemana o Abaramo, God ki vi tanga, ki râ tanga na agua i hagatê mu oga igê i ngekê. 5Ma God ki mareha ngavê, vi ge vatea rârâ o Abaramo ta keregua na mako, hanana vi ge nahunia marena. Ma God ki surua, vi page vatera o Abaramo ma na raraha i muri na mako hagenani ka nahunia. O Abaramo ki mamênga, vi ge apara kare, matena God i surua na tarana ngekana tanga. 6God ki tamasi tanga vikê, ki vi: ‘Na raraha iamu ka page mamahuara i na agua iata na enoni getera. Ma i ngekana ngaira ka page voravora re igê na kare rakuraku, ma na enoni igê na agua ngekana ka page hagatutunguhira surigi na harisi tangarê ge he.’ 7Ma God ki vi nikâ, ‘Inê kê page hagaitangira na enoni, ga hagatotongo, hanana i ararira. Ma hemuri na raraha iana ka page huhura tenia na agua ngekana, ma ka page rahesiê igê na agua ikê.’ 8Ma hemuri God ki suruheri henia o Abaramo, ma ki vi tanga, vi manga na mane ga taua na suruheri iana, ka retegi na gavoni na varata. Tahema o Abaramo ki retea na gavona na varana o Isako, matena i vora ma ki hato huria na wiki gi tage. Mo Isako ki retea na gavona na varana o Jakobo, mo Jakobo ki retegi na gavoni na varata o karena tangahuru matarerua, na êvarika raha i nago vê.
9“Na êvarika raha i nago vê ka hengaria o Josepo na hitangita, ma ka hagavuringenia, ki vora na kare rakuraku i Esipito. Ma God ki tamania tare, 10ma ki hagatahia igê na ara ni aeratana hato. God ki tamania nikâ o Josepo, matena i râ me i pasina o Parao, na maneraha i Esipito. Tahema o Parao ki hagêguria o Josepo, ki araha, ma ki bâsuria na agua hagenani, ma ki bâsurigi nikâ na nahuninga iana o Parao. 11Ma hemuri ki kahu râ me na magêha raha i Esipito hagenani ma i Kanani, ma na enoni ka hatamia bâraha na mamasiaganiha. Ma na ngêra ki tara hagetage tenira na êvarika. 12Tahema, matena o Jakobo ki rongo, vi na ngauha ki gâga i Esipito, ngaia ki hagatorangenira na êvarika, ka kahu râ i ngekana. 13Ma igê na ruata na râha iata o Josepo ki hagagirarara o veogana renia marena, mo Parao ki kahu girarara, vi ngaira ka na goana o Josepo. 14Ngekana o Josepo ki kasi tamasinga tanga o Jakobo o vaemana, ki vi, ‘Igo ma na ahemata iamu ki ararigamu, mu arâ me i Esipito.’ Ngaira hato ka vora na tangahuru gi pi matara gi rima. 15Ma hemuri o Jakobo ma na ahemata iana ka so i Esipito. Ma ngaia ma na êvarika getera ka me i ngekana. 16Ma na gahuata ka toregi râ i Sekemi, ma ka bagigi igê na ano, o Abaramo i bani vuria renigi na haga tenira na raraha iana o Hamore.
17“Matena God ki sugia ma noga, vi ge hagamonaria na bani suruha iana tanga o Abaramo, na goaka i nago i Esipito ka rako era noga. 18Ma hemuri ta na maneraha getea ki haganega ki marungia i Esipito, ma ngaia ki pe girara o Josepo. 19Ngaia ki hagahagaparura na goaka, ma ki hagamamasiagara na êvarika, ma ki tugurira, ka kasira na kareta haoru i metara, ka meme. 20I na matena ngekana o Moise ki vora. Ngaia ki na kare i bâkoro era. Na enana karu marupea i ruma surigi na hageha gi oru. 21Ma na matena garu kasia hura, ka karena o Parao ki têa, ma ki tanua renia vi na karena marena. 22Ma ka hagesuria renigi na ara ni giraraha iata na Ai ni Esipito, ma ngaia ki teha igê na tamasinga ma igê na tagaraha koro.
23“Bevoana o Moise i tangahuru ge he na harisi iana, ngaia ki takusia, vi arâ ma ki bâsira na goana na Isiraelita. 24Ngekana ngaia ki râ, ma ki tamania na goana, ma ki usumia na mane ni Esipito, ma ki nahuia ki me. 25(Ngaia ki vi ma, vi na goana ka girara, vi God kani hagatorangenia, ki hagatahira ka aharupa, ma hete ngaira ka pe girara.) 26Igê na tangiana i muri ngaia ki bâsirerua na Isiraelita gi rua, garu heariha. Ma ngaia ki uhungia, vi rêra pusirerua, karu hekorokoro aporo. Ma ngaia ki vi, ‘Muru rongo, vegamurua! Igamurua na raraha gi tage. Tanu hega kani muru hemeronge?” 27Ma na mane, i haganega na hearihatana, ki purisia o Moise. Ma ngaia ki hagatea, ki vi, ‘O ti kani kasigo, ko araha tangagami, hanana vigo surigami? 28Igo ko obania vari, vi go nanahuiê nogaku, manga i nanora go nahuia na mane ni Esipito ea?’ 29Matena o Moise ki rongo vikana, ngaia ki gava tenia Esipito, ma ki râ ki oga i Mitiani. Ma i ngekana ngaia ki apararerua igê na kare mane gi rua.
30“Matena ga hato na harisi tangahuru ge he, na angelo ki vora me tanga o Moise igê na roborobo, i noro renia na gi. Na tarana ngekana ki vora me igê na bagamasusu raha hagarangia na Hungana i Sinai. 31O Moise ki bâsia, ki kone, ma ki ura râ hagarangia, ki hahariria. Ma ngaia ki rongoa na ringena na Araha, i vi: 32‘Inê na God iata na êvarimu, na God iata o Abaramo, mo Isako mo Jakobo.’ O Moise ki tata, ma ki magu, ma ki tu bê so ma. 33Ma na Araha ki vi tanga, ki vi: ‘Gu tarasigi râ na santele iamu, renia na agua, go ura igê, ngekê ki na mako, i apuna. 34Inê kê bani bâsia, ma kê bani girara na mamasiaganiha raha era iata na kariaku, ga oga i Esipito. Inê kê bani rongora, ga gegege, ma kê râ me kê hagatahira. Râ me, ma be hagatorangenigo i Esipito.’
35“Ngaia o Moise nogana na Isiraelita ka usitenia. Ngaira ka hagatea, ka vi, ‘O ti kani kasigo, ko araha tangagami, hanana vigo surigami?’ God ngaia nga kani hagatorangenia ngaia nogana, ki araha tangara, ma ki hagatahira, matena na angelo i tamasi tanga igê na roborobo, i noro. 36Ngaia ki torera hura na enoni tenia i Esipito, matena i katogi na mena ma na tagaraha raha i ngekana, ma igê na Asi Memera, ma igê na bagamasusu raha surigi na harisi tangahuru ge he. 37Ngaia o Moise nogana ki visia tangara na Isiraelita, vi, ‘God ki page hagatorangenia tangagamu ta na poropete, tagenana ma manga i hagatorangeniê inê. Na poropete ngekê ki page vora me tenia na hagosi ninuni iami.’ 38Ngaia o Moise nogana ki oga henira na Isiraelita, ga haku i na bagamasusu raha. Ngaia ki oga i ngekana henira na êvarika, ma henia na angelo, i tamasi tanga igê na Hungana i Sinai. Ma God ki vatea na tamasinga, ga girara ga gâga tare ma, hanana i hagatarêngenigi tangagia.
39“Ma na êvarika ka usi, vi ge rongoa o Moise. Ngaira ka panegenia râ, ma ka vi, vi obania, vi ga aporo i Esipito. 40Tahema ka vi tanga o Aroni, ka vi: ‘Gu tagarahigi tangagami tani na ninuni na ataro, hanana ge bêngenigami. O Moise ki toregia me tenia i Esipito, ma igami kami pe hagarea, vi ngaia kani i he.’ 41Ma ngekana ngaira ka tagarahia na nununa na ataro, ki bâ manga na karena na puruka mane, ma ka susu tanga, ka magoto, ka vogasia na marâ, ga bani tagarahia so ngaira mareta. 42Ma God ki kasi renira, ma ki panira, hanana vi ga rahesigi na higu i vavearo, suria na tamasinga i na Buka iata na poropete ki vi:
‘Ai ni Isiraele!
Matena mu oga igê na bagamasusu raha
surigi na harisi tangahuru ge he
igamu ki mareha,
vi gamu susu tangê inê.
43Megamu nogami kamu tugia na nununa na ataro Moloko
ma na nununa na higu iana na ataro iami Repana.
Ngairerua na ataro mu bani tagarahirerua,
hanana vi gamu rahesirerua.
Tahema inê kê page hagamarumungenira na merongami,
ka henahuraugamu tanga i Babilone.’
44“Na êvarika ka merâ na ruma na gahu iana God. Ma igê na tarana ngekana ngaira ka girara, vi God ki gâga henira igê na bagamasusu raha. Ga bani tagarahia na ruma na gahu manga i bani visia God tanga o Moise ki tagarahia suria na nununa na ruma, God i bani hagabâsia o Moise renia. 45Ma hemuri na êvarika ka hagatarêngenia na ruma na gahu haganega tenira o vaemata, ma ka merâ, matena ga takua o Josua, ma ka rêa na mako iata na ara ni varo ninuni, God ki paira tarata. Ma na ruma na gahu ki oga i ngekana, mataro me na matena i oga igê o Tavite. 46O Tavite ki na mane koro. Tahema God ki takuia. Mo Tavite ki nungia God, ki hagamarumungenia, ki torea na ruma tanga na God iana o Jakobo. 47Ma nga noga ma o Solomone kani torea na ruma tanga, mo Tavite ki mareha.
48“Ma God raramohaga hunia ki pe oga igê na ruma, na ani na enoni ga torea, suria na poropete ki vi:
49‘Na Araha ki vi:
na vavearo ki na âgâga iaku,
ma na ano ki na êgêga iaku.
Na ani ta na ruma kanimu takusia,
vi gamu torea tangê?
I he nga na agua tangê,
vi gê mamaro igê?
50Na marâ hato ngegana
inê kê bani hagavoragi mareku.’
51“Mu togeaga bâraha! Ma kamu ahuroto! Mu guguruga bâraha tanga God! Igamu kamu manga na êvarimi, suria igamu nogami kamu usi, vi gamu rongoa na tamasinga iana na Higona Apu! 52Na êvarimi ka merongasira na ara ni poropete hato. Ngaira ka pe tihia tani. Ngaira ka nahuira na mane tora tamasinga iana God ma ka bani tamasi me i nago noga renia na râha me iana na Kariana, i matarotaro ma ki oto. Ma i ngekê igamu kamu bani hagavuringenia ma kamu bani hagamesia. 53Igamu nga nga na enoni mu têa na Ramata iana God, ki hagatorara na angelo, ka torea me tangagia, megamu ki mareha, vi gamu râ suria!”
Na Siu ka ariha hunia o Setepano
54Matena na enoni igê na Kaunselo ka karinga o Setepano, ngaira ka mangariaga bâraha tanga, ka kurukuru rivo. 55Ma na Higona Apu ki angaria o Setepano. Mo Setepano ki atakê i vavearo, ma ki bâsia na arahanga iana God, ma ki bâsia o Jesu, i araha henia God. 56Ngaia ki vi: “Bâ, inê kê bâsia na vavearo, i tahataha, ma kê bâsia o Karena Enoni, i araha henia God!”
57Ngaira ka herota, ma ka herepusigi na karingata, ma ka parama ngaira hato, ma ka bugubugu renia. 58Ngaira ka paia tenia na hinua raha ma ka ariha hunia renigi na hê ki me. Na mane, ga tamasi pusia o Setepano igê na kotiha, ka tasigi na tuguni raha iata, ma ka hagatora na mane haoru, o Saulo na atana, ki bâsurigi. 59Ngaira ka ama ni ariha hunia nga, matena o Setepano ki nunginungi tanga na Araha, ki vi: “Araha Jesu, ê nungigo, ko tavoa na ataroku!” 60Ngaia ki susure, ma ki ngere raha, ki vi: “Araha, gu bonotenia na tasi iata ngekê!” I vi hato vikana, ma ki me.
S'ha seleccionat:
:
Subratllat
Copia
Compara
Comparteix
Vols que els teus subratllats es desin a tots els teus dispositius? Registra't o inicia sessió
© 2011 Bible Society of the South Pacific