TAGARAHA IATA NA APOSOTOLO 6
6
Na mane gi pi ka tamanira na aposotolo
1Ta na matena i muri, matena na enoni, ga tongesuri, ka ama ni tataka nga, na Siu, ga tamasi igê na tamasinga i Helasi, ma na Siu, ga tamasi igê na tamasinga i pasita, ka hemangari. Na Siu, ga tamasi igê na tamasinga i Helasi, ka vi, vi na gete i pasita, ga nâ, ka tavoa ma na kere haga, i pe ararira, vi ge ngêngê renigi i na ara ni tangiani. 2Tahema na aposotolo tangahuru matarerua ka unira me haku na enoni hato, ga tongesuri, ma ka vi: “I bara tangagami, vi gami ateate renia na tamasinga iana God, se vi gami bâsurigi nikâ na haga. Na ateateha ki arâ hagenago. 3Tahema goaku, i koro, kamu atera na mane gi pi i berarogami, na mane mu girarara, vi ga takotako mataha, ma ki angarira na Higona Apu, ma igami kami page hagêgurira, ka bâbâsurigi na haga. 4Manga ngekana, igami kami girara, mi page hagarotu ma kami ateate tare renia na Taroha Koro.”
5Na enoni hato, ga tongesuri, ka visia, vi na tamasinga iata na aposotolo ki koro. Tahema ngaira ka atera na mane igê agê o Setepano, na mane i nganganihaga igê na tongesuriha ma na Higona Apu ki angaria, mo Pilipo, mo Poroko, mo Nikanore, mo Timone, mo Pamena, mo Nikola i Antioko. Ngaia ki na mane i pe Siu, ma ki bani têa na rotu iata na Siu. 6Na enoni, ga tongesuri, ka hagabângenira na mane ngegê tangara na aposotolo, ma ngaira ka nunginungi, ma ka têbuhira.
7Ma ka ama ni tataka nga na enoni, ga tongesuria na viteana God. Na enoni i Jerusaleme, ga tongesuri, ka tataka ngavê, ma ka rako era nikâ na mane ni vogasiha, ga têa na tongesuriha.
Ga rakua o Setepano
8O Setepano ki katogi na mena raha ma na tagaraha raha i pasita na enoni igê na raramohana God, renia God ki tamania bâraha. 9Ma tani na mane ka hagapepea. Na mane ngegê ngaira ka rotu igê na ruma ni sukuru, ga hêtana vi “Mane Aharupa”. Ngaira ka na Siu tenia i Sairini ma i Alesanteria. Ngaira ma na Siu getera tenia i Silisia mi Asia ka haganega ka tamasi pusia o Setepano. 10Ma na Higona Apu ki tamania o Setepano, ki tamasi bâkoro era. Tahema ngaira ki asa, vi ge aramia bê aporo rârâ o Setepano, matena i tamasi. 11Ngekana ngaira ka vurira tani na mane, hanana vi ga tamasi, ka vivi, “Igami kami rongoa, vi ngaia ki tamasi erasia o Moise, ma ki tamasi erasia God nikâ!” 12Igê na tarana ngekana ngaira ka hagamangarira igê na enoni ma na meraha, ma na mane ni hagesuringa na Rotu. Ngaira ka râ tanga o Setepano, ma ka tarobusia, ma ka torea tangara na mane igê na Kaunselo. 13Ma hemuri ngaira ka merabanu me tani na mane, hanana vi ga hagahagaparu renia o Setepano. Ngaira ka vi: “Bâ, o vani akê ki tamasi tare pusia na Ruma ni Rotu iaka, na ruma iana God, ma pusigi nikâ na Ramata iana o Moise. 14Suria mi rongoa i vi, vi o Jesu ni Nasarete ki page hogea na Ruma ni Rotu, ma ki page urusigi na tauha, i bani vategia o Moise!” 15Ngaira hato, ga oga igê na Kaunselo, ka bore rapurapu renia o Setepano, ma ka bâsia na maana, i bâ manga na maana na angelo.
S'ha seleccionat:
TAGARAHA IATA NA APOSOTOLO 6: KCB
Subratllat
Copia
Compara
Comparteix
Vols que els teus subratllats es desin a tots els teus dispositius? Registra't o inicia sessió
© 2011 Bible Society of the South Pacific
TAGARAHA IATA NA APOSOTOLO 6
6
Na mane gi pi ka tamanira na aposotolo
1Ta na matena i muri, matena na enoni, ga tongesuri, ka ama ni tataka nga, na Siu, ga tamasi igê na tamasinga i Helasi, ma na Siu, ga tamasi igê na tamasinga i pasita, ka hemangari. Na Siu, ga tamasi igê na tamasinga i Helasi, ka vi, vi na gete i pasita, ga nâ, ka tavoa ma na kere haga, i pe ararira, vi ge ngêngê renigi i na ara ni tangiani. 2Tahema na aposotolo tangahuru matarerua ka unira me haku na enoni hato, ga tongesuri, ma ka vi: “I bara tangagami, vi gami ateate renia na tamasinga iana God, se vi gami bâsurigi nikâ na haga. Na ateateha ki arâ hagenago. 3Tahema goaku, i koro, kamu atera na mane gi pi i berarogami, na mane mu girarara, vi ga takotako mataha, ma ki angarira na Higona Apu, ma igami kami page hagêgurira, ka bâbâsurigi na haga. 4Manga ngekana, igami kami girara, mi page hagarotu ma kami ateate tare renia na Taroha Koro.”
5Na enoni hato, ga tongesuri, ka visia, vi na tamasinga iata na aposotolo ki koro. Tahema ngaira ka atera na mane igê agê o Setepano, na mane i nganganihaga igê na tongesuriha ma na Higona Apu ki angaria, mo Pilipo, mo Poroko, mo Nikanore, mo Timone, mo Pamena, mo Nikola i Antioko. Ngaia ki na mane i pe Siu, ma ki bani têa na rotu iata na Siu. 6Na enoni, ga tongesuri, ka hagabângenira na mane ngegê tangara na aposotolo, ma ngaira ka nunginungi, ma ka têbuhira.
7Ma ka ama ni tataka nga na enoni, ga tongesuria na viteana God. Na enoni i Jerusaleme, ga tongesuri, ka tataka ngavê, ma ka rako era nikâ na mane ni vogasiha, ga têa na tongesuriha.
Ga rakua o Setepano
8O Setepano ki katogi na mena raha ma na tagaraha raha i pasita na enoni igê na raramohana God, renia God ki tamania bâraha. 9Ma tani na mane ka hagapepea. Na mane ngegê ngaira ka rotu igê na ruma ni sukuru, ga hêtana vi “Mane Aharupa”. Ngaira ka na Siu tenia i Sairini ma i Alesanteria. Ngaira ma na Siu getera tenia i Silisia mi Asia ka haganega ka tamasi pusia o Setepano. 10Ma na Higona Apu ki tamania o Setepano, ki tamasi bâkoro era. Tahema ngaira ki asa, vi ge aramia bê aporo rârâ o Setepano, matena i tamasi. 11Ngekana ngaira ka vurira tani na mane, hanana vi ga tamasi, ka vivi, “Igami kami rongoa, vi ngaia ki tamasi erasia o Moise, ma ki tamasi erasia God nikâ!” 12Igê na tarana ngekana ngaira ka hagamangarira igê na enoni ma na meraha, ma na mane ni hagesuringa na Rotu. Ngaira ka râ tanga o Setepano, ma ka tarobusia, ma ka torea tangara na mane igê na Kaunselo. 13Ma hemuri ngaira ka merabanu me tani na mane, hanana vi ga hagahagaparu renia o Setepano. Ngaira ka vi: “Bâ, o vani akê ki tamasi tare pusia na Ruma ni Rotu iaka, na ruma iana God, ma pusigi nikâ na Ramata iana o Moise. 14Suria mi rongoa i vi, vi o Jesu ni Nasarete ki page hogea na Ruma ni Rotu, ma ki page urusigi na tauha, i bani vategia o Moise!” 15Ngaira hato, ga oga igê na Kaunselo, ka bore rapurapu renia o Setepano, ma ka bâsia na maana, i bâ manga na maana na angelo.
S'ha seleccionat:
:
Subratllat
Copia
Compara
Comparteix
Vols que els teus subratllats es desin a tots els teus dispositius? Registra't o inicia sessió
© 2011 Bible Society of the South Pacific