Job 4
4
Amigondeccui'ccu condasecco'fa'cho
1Tsonsi fa'e Job amigo, Elifazja su:
2¿Ña quema iñajampañasi iyicca'yeya'bi ti qui?
Nane oshambi gi afambe dyaiye.
3Queja tsain'bio a'ima atesiamba
oshambi'choama'qque quiñaen.
4Amppi'choma qui fuite cuintsu ccase ccutsuye.
Toya ccutsu'choma qui angacan amppisa'ne.
5¿Tsa'ma ja'ño que'qque vana'jemba ti qui ñoquimbi?
Nane quenga pporosi qui injama'cho shaca.
6Queja ñotsse tsomba ñoa'me Chigama pañamba shondo'suta
¿mingapa qui tise've in'jamba opatsse cansembi?
7Asi'ttaemba ñotsse in'janjan:
Ni fae egave atesumbi'choaja injanga vanamba pambi.
8Ña camba in'jan'cho tsu:
Majan in'jangae tsincon'da tsu tsama jonqquia'caen
tsa'caen ti'tsse egave taiya.
9Chigaja tsama iyicca'yepa tsangae nanimba
ufaqquia'caen ufa sefaeña.
S'ha seleccionat:
Job 4: con
Subratllat
Copia
Compara
Comparteix
Vols que els teus subratllats es desin a tots els teus dispositius? Registra't o inicia sessió
© 1998, Wycliffe Bible Translators, Inc. All rights reserved.