Heb 8
8
Li ak' xyuwa'il aj tij
1A'an a'in li xyi chixjunil li yooko chi xyeeb'al: wank jun qatz'aqal xyuwa'il aj tij kama' li xqach'olob'. A'an koxk'ojlaaq sa' choxa sa' xnim uq' li xk'ojarib'aal li Nimajwal Yos, 2yo chi k'anjelak sa' li santil Na'ajej ut sa' li tz'aqal Muheb'aal, a' li kixk'ojob' li Qaawa' ut ink'a' yal junaq winq.
3Xb'aan naq chixjunileb' li xyuwa'il aj tij xaqab'anb'ileb' re yeechi'ink ut mayejak: chi jo'kan tento ajwi' naq li Jesus wank k'aru tixmayeja. 4Wi ta a'in wank sa' ruuchich'och', chi moko cho'q aj tij taak'anjelaq raj, xb'aan naq ak wankeb' li neke'yeechi'ink mayej jo' naxye li xChaq'rab' laj Moisés. 5Eb' a'in yookeb' chi k'anjelak chiru li yal xmu ut xjalam u li k'aru wank sa' choxa, jo' kik'utb'esiik chaq chiru laj Moisés naq kixtikib' xyiib'ankil li loq'laj Muheb'aal: “K'e reetal -chan li Yos-, chab'aanu chixjunil jo' tz'aqal xk'utb'esiik chaq chawu sa' li tzuul”.#8,5 Ex 25,40.
Li Kriist na'okenk chirix li ak' Sumwank
6A'ut anaqwan li Kriist kireechani jun k'anjel q'axal chaab'il, xb'aan naq na'okenk chirix jun Sumwank li q'axal chik chaab'il, k'ojob'anb'il sa' xb'een xyeechi'om li Qaawa' li q'axal loq'. 7Wi ta li xb'een Sumwank ak tz'aqal re ru, maak'a' raj chik aj e xsik'b'al junaq xkab'. 8Ab'an li Yos kixye reheb' li tenamit a'an re xq'usb'aleb':
“K'ehomaq reetal, chalkeb' re li kutan
tink'ojob' wi' jun ak' Sumwank rik'ineb' laj Israel ut laj Judá:
9ink'a' jo' li Sumwank kink'ojob' rik'ineb' li xna' xyuwa'eb',
naq keb'inch'ilo chaq chi ruq'eb'
ut kiwisiheb' chaq sa' li tenamit Ejiipt.
Eb' a'an ink'a' ke'xpaab' linSumwank rik'ineb';
jo'kan naq laa'in ajwi' ink'a' chik kink'oxlaheb',
chan li Qaawa'.
10A'an a'in li Sumwank
li tink'ojob' rik'ineb' li ralal xk'ajol laj Israel moqon,
chirixeb' li kutan a'an, chan li Qaawa':
Tink'eheb' linchaq'rab' sa' li xk'a'uxeb',
ut tintz'iib'a sa' xch'ooleb'.
Laa'inaq li xYoseb' ut a'anaqeb' lintenamit.
11Ink'a' chik aajel ru naq junaq tixtij li rech tenamitul
malaj li rech'alal rik'in xyeeb'al:
«Chanawaq ru li Qaawa'!».
Xb'aan naq chixjunileb' te'nawoq wu, jo' kok' jo' ninq.
12Laa'in tinkuy li xmaakeb'
ut ink'a' chik tjultiko'q we li xmaa'usilaleb'”.#8,8-12 Jr 31,31-34.
13Naq li Yos kixye “ak'”, kixch'olob' naq li xb'een Sumwank maak'a' chik na'ok wi'; ut li k'aru q'eel ut tiklajenaq najter, yal sachk aj chik re.
S'ha seleccionat:
Heb 8: QQC
Subratllat
Copia
Compara
Comparteix
Vols que els teus subratllats es desin a tots els teus dispositius? Registra't o inicia sessió
Q'eqchi DC Bible © Bible Society in Guatemala, 2005.