Genesis 34
34
Okhwonoonibwa khaDina khwamalilwa eshikwoli
1Ne Dina, omukhaaana waYakobo, owa Lea yeebula, yarula natsia okhukoonya abakhaana beshibala eshio. 2Naye Shekhemu, omwana waHamori omuHiwi, omukhulundu weshibala, yamulola, namubukula, nakona ninaye, namwonoonia. 3Omwoyokwe nikuhanda khuDina omwana waYakobo, namuheela omukhaana oyo, nasungana ninaye amakhuwa amalayi. 4Mana Shekhemu naboolela Hamori samwana mbu Ukhweele omukhaana uno. 5Mana Yakobo nahulila shinga olwa yali namusasiye Dina omwanawe; abasianibe bali nibali nende emirukochie mubwayilo; kho Yakobo naholeela okhuula olwa bali nibacheleele. 6Naye Hamori samwana Shekhemu yarula natsia ewa Yakobo yali, mbu basungana ninaye. 7Mana abaana baYakobo olwa bahulilakhwo, bachelela nibarula mubwayilo abasaatsa abo nibahuka, oburima nibubahamba; okhuba yali nakholile eshifwabwi muIsiraeli khulwa okhuba nende omukhaana waYakobo; nelikhuwa elo shilikhoyeele ta.
8Naye Hamori nasungana ninabo, ari Omwoyo kwomwana wanje Shekhemu kwikomba omukhaana weenywe; nimuchamile, mumubashile; 9khandi muteeshaninjie nineefwe; mukhubashile abakhaana beenywe, nimukhwa abakhaana beefwe. 10Khandi mulamenya nineefwe; neshibala shino shilabeetsanga shinga shieenywe; mumenyemwo nimukholelamwo obukhala, nimwinyoolela emiandu mwo. 11Shekhemu naye nasunjila samwana omukhaana nende abasiani babwe ari Mu'fuchiilile, mana eshia namusunjile shiosi, nemuheelesie. 12Kata nimundaka ikhwe eyifwana yirie, nende ebiheetso ebifwana birie, nembinie shinga olwa namumboolele; habula mbu mumbeelesie omukhaana abe omukhasi wanje.
13Abasiani baYakobo nibakalusia Shekhemu nende Hamori samwana khulwa obukaatii; nibaboola, shichila yali nasasiye Dina omukhaana wabwe; 14nibabasunjila bari Shikhunyala okhukhola likhuwa lino ta, okhubakha omukhaana weefwe khumundu omusinde; okhuba likhuwa lino liakhaba lietsisoni khwifwe; 15habula nimuba nimukhola muri nanwa khulamufuchiilila; nimuba shinga ifwe olwa khuli, mbu buli musaatsa mwinywe ashebwe; 16kho mana khulakhweelelananga nineenywe, nikhumenya halala nineenywe, nikhuba abandu balala. 17Ne nimuba nimuloba okhukhuhulila, nimurashebwa ta, khulabukula omukhaana weefwe nikhuhwaho.
18Amakhuwa kabwe nikachamisia Hamori, nende Shekhemu omwana waHamori. 19Ne omusooliili oyo shiyashinda okhukhola likhuwa elo ta, okhuba yali niyasangaalila omukhaana waYakobo; ne yali owoluyali okhushila bosi abomunzu yasamwana. 20Kho Hamori nende Shekhemu omwanawe nibeetsa niboola muluyia Iwelitaala liabwe, nibasungana nende abasaatsa belitaala liabwe, bari 21Abandu bano bali nomulembe nineefwe; kho bamenye mushibala nibakholelamwo obukhala; shichila lole, eshibala shino neshikhongo eshibahela; khukhweelelanenje ninabo. 22Nikhuba nikhukhola khuri nanwa, abasaatsa abo balafuchiilila okhumenya nineefwe, khube abandu balala, ne butswa ta; mbu buli musaatsa mwifwe ashebwe, shinga bo olwa bashebungwa. 23Tsing'ombe tsiabwe nende emiandu chiabwe nende emiruko chiabwe chiosi, shibiakhaba ebieefwe? Khubafuchiilile butswa, mana balamenya nineefwe. 24Nibabahulila banga Hamori nende Shekhemu omwanawe, bosi ababiranga muluyia Iwelitaala; shia omusaatsa yesi nashebwa, bosi ababiranga muluyia Iwelitaalalie.
25Mana khunyanga yakhataru, olwa bali nibashitsuunwa, babili abokhubaana baYakobo, mbu Simeoni nende Lawi, abasiani babwe Dina, nibabukula shia omundu olukangalwe, nibarulila khwitaala elo nende injinia, nibeera abeshisaatsa bosi. 26Nibeera Hamori nende Shekhemu omwanawe netsinganga, nibabukula Dina munzu waShekhemu, nibarula. 27Abaana baYakobo nibabeetsela abali nibeerilwe, nibayaaya litaala, okhuba bali nibasasiye omuldlaana wabwe. 28Babukula ebiayo biabwe nende tsing'ombe tsiabwe nende tsisishili tsiabwe, nende buli shiosi eshiali mwitaala, nende buli shiosi eshiali mubwayilo; 29nende obuyinda bwabwe bwosi, nende abayia babwe bosi nende abakhasi babwe, babahamba, nokhuyaaya biosi ebiali mutsinzu. 30Mana Yakobo naboolela Simeoni nende Lawi mbu Munyasiye, nimuchila nimbunya obubolo mubeene eshibala shino, mubaKanaani nende abaPerizi; nasi, olwa abandu banje barali abanji ta, nabakhung'aanile nibakhupa; nesishibwe, isie nende inzu yanje. 31Nabo nibasunga bari Anyala okhukhola omukhaana weefwe shinga omutamba noho?
S'ha seleccionat:
Genesis 34: OUV
Subratllat
Comparteix
Copia
Vols que els teus subratllats es desin a tots els teus dispositius? Registra't o inicia sessió
Oluluyia Union Version © Bible Society of Kenya 1975