ᕉᒪᒥᐅᓄᑦ 10
10
1ᐃᓗᖏᕐᓱᕐᓗᖓ ᐃᓅᖃᑎᒃᑲ ᑐᒃᓯᐅᑎᕙᒃᑲ ᒎᑎᒧᑦ ᐱᐅᓕᔭᐅᖁᓪᓗᒋᑦ. 2ᓇᓗᓁᕈᓐᓇᕐᐸᒃᑲ ᐃᓗᖏᕐᓱᕐᓗᑎᒃ ᐱᔪᒪᓂᖃᕐᑐᑦ ᒎᑎᒧᑦ, ᐃᓗᖏᕐᓱᕐᓂᖓᓪᓕ ᖃᐅᔨᓯᒪᓪᓚᕆᖕᓂᕐᒥᑦ ᑐᓐᖓᕕᖃᓐᖏᓚᖅ. 3ᐃᓗᐊᕐᑑᓂᕋᕐᑕᐅᓂᖅ ᒎᑎᒥᑦ ᐱᔪᖅ ᖃᐅᔨᒪᓐᖏᓛᑦ, ᓇᖕᒥᓂᕐᒥᒃᑎᒍᓪᓕ ᐃᓗᐊᕐᑐᓕᔪᓐᖑᕋᓱᐊᕐᐳᑦ, ᐃᒻᒥᖕᓂᒃ ᑐᓂᓯᒪᓐᖏᓚᑦ ᒎᑎᐅᑉ ᐃᓗᐊᕐᑐᓕᔪᓐᖑᕐᑎᑦᓯᓂᖓᓄᑦ. 4᙭ᔅᑑᓯ ᐃᓱᓕᑎᑦᓯᖕᒪᑦ ᐱᖁᔧᑦ ᐊᑐᕐᑕᐅᓂᖏᓐᓂᒃ, ᑖᑦᓱᒧᖓ ᐅᒃᐱᕐᓂᖃᕐᑐᓕᒫᑦ ᐃᓗᐊᕐᑑᓂᕋᕐᑕᐅᖁᓪᓗᒋᑦ.
ᐱᐅᓕᔭᐅᓂᖅ ᑕᒤᓐᓄᑦ ᑐᕌᖓᕗᖅ
5 #
ᒨᓯᓯ ᐱᖓᔪᖏᑦ 18:5. ᒨᓯᓯ ᑎᑎᕋᓚᐅᕐᒪᑦ ᐃᓄᒃ ᒎᑎᒧᑦ ᐃᓗᐊᓂᕋᕐᑕᐅᔪᒪᓗᓂ ᐃᓅᓯᖃᕋᓱᐊᕐᑐᖅ ᐱᖁᔭᑎᒍᑦ, “ᑍᒤᓕᐅᕈᓂ ᒪᓕᑦᑎᐊᕋᓱᐊᕐᓂᕆᔭᓂ ᐃᓅᑦᔪᑎᒋᓂᐊᕐᐹ.” 6#ᒨᓯᓯ ᑕᓪᓕᒪᖏᑦ 30:12-14.ᐃᓗᐊᕐᓂᕋᕐᑕᐅᓗᓂᓕ ᐅᒃᐱᕐᓂᕐᒥᒃ ᑐᓐᖓᕕᓕᒃ ᐅᖃᕐᐳᖅ, ᐃᓗᒃᑯᑦ ᐃᓱᒪᓂᐊᕐᓇᒃ, “ᑭᓇ ᕿᓚᖕᒧᑦ ᖁᒻᒧᐊᖕᓂᐊᕐᐹ?” (ᐃᒫᒃ, ᙭ᔅᑑᓯ ᐊᖅᑲᕐᑎᑦᓴᕐᑐᕐᓗᒍ.) 7ᐃᒫᒡᓘᓐᓃᑦ “ᑭᓇ ᑐᖁᖓᔪᑦ ᐃᓂᖓᓄᐊᕐᓂᐊᕐᐹ?” (ᐃᒫᒃ, ᙭ᔅᑑᓯ ᑐᖁᖓᔪᓂᑦ ᐂᓗᒍ.) 8ᖃᓄᕐᓕ ᐅᖃᕐᐹ? ᐅᖃᐅᓯᐅᑉ ᖃᓂᒋᕚᑎᑦ, ᖃᓂᕐᓃᑉᐳᖅ ᐃᓗᖕᓃᓪᓗᓂᓗ (ᐃᒫᒃ, ᐅᖃᐅᓯᖅ ᐅᒃᐱᕐᓂᖅ ᐅᖃᐅᓯᕆᔭᕗᑦ); 9ᐃᒤᓕᖓᖕᒪᑦ, ᓇᖕᒥᓂᖅ ᖃᓂᒃᑯᑦ ᐅᖃᐅᓯᕆᒍᕕᐅᒃ ᔩᓱᓯ ᐊᑕᓂᐅᓂᕋᕐᓗᒍ ᐆᒻᒪᑎᒃᑯᓪᓗ ᐅᒃᐱᕐᓗᑎᑦ ᒎᑎᐅᑉ ᐆᒻᒪᕐᑎᓚᐅᕐᒪᒍ ᑐᖁᒥᑦ, ᑕᕝᕙ ᐱᐅᓕᔭᐅᓂᐊᕐᐳᑎᑦ. 10ᐆᒻᒪᑎᒃᑰᕐᑐᒥᒃ ᐅᒃᐱᕐᓂᖃᕐᑐᖅ ᐸᓯᔭᒃᓴᐅᔪᓐᓃᕐᑎᑕᐅᖕᒪᑦ, ᖃᓂᕐᒥᒍᓪᓗ ᐅᖃᐅᓯᖃᕐᑐᖅ ᑖᓐᓇ ᐱᐅᓕᔭᐅᓂᐊᕐᐳᖅ. 11#ᐂᓮᐊᓯ 28:16.ᐊᒡᓔᑦ ᐅᖃᕐᒪᑕ, “ᑖᑦᓱᒧᖓ ᐅᒃᐱᕐᑐᖅ ᑲᓐᖑᓱᒃᑎᑕᐅᓂᐊᓐᖏᓚᖅ.” 12ᐊᑦᔨᒌᖏᑦᑑᖏᒻᒪᑕ ᔫᑎᑦ ᒍᕇᑭᓪᓗ; ᐊᑕᓂᖅ ᑖᓐᓇᑦᓮᓐᓇᖅ ᐊᑕᓂᐅᖕᒪᑦ ᑕᒤᓐᓄᑦ ᓮᒻᒪᕐᑎᑦᓯᓂᕐᒥᒡᓗ ᐊᒥᒐᖏᑦᑐᒥᒃ ᑐᓂᓯᕗᖅ ᑕᒤᓐᓄᑦ ᑐᒃᓯᐊᕐᕕᒋᔨᒥᓄᑦ. 13#ᔪᐃᓕ 2:32.ᐊᒡᓔᑦ ᐅᖃᕐᒪᑕ, “ᐃᒤᑦᓱᒫᕐᐳᖅ ᐊᑕᓂᐅᑉ ᐊᑎᖓᓄᑦ ᑐᒃᓯᐊᕐᑐᑦ ᐱᐅᓕᔭᐅᔪᒫᕐᐳᑦ.”
14ᖃᓄᕐᓕ ᐃᑲᔪᕐᑕᐅᔪᒪᓗᑎᒃ ᓂᓪᓕᐊᕕᒋᒐᔭᕐᐸᑦᔫᒃ? ᐅᒃᐱᕆᓐᖏᒍᓂᑦᔪᒃ, ᖃᓄᕐᓗ ᐅᒃᐱᕆᒐᔭᕐᐸᑦᔫᒃ? ᑐᓴᓚᐅᕐᓯᒪᖏᒃᑯᓂᑦᔪᒃ, ᖃᓄᕐᓗ ᑐᓴᕋᔭᕐᐹᑦ? ᐊᔪᕆᕐᑐᕐᑕᐅᖏᓪᓗᑎᒃ. 15#ᐂᓮᐊᓯ 52:7.ᖃᓄᕐᓗ ᐊᔪᕆᕐᑐᐃᒐᔭᕐᐹᑦ ᑎᓕᔭᐅᓯᒪᖏᓪᓗᑎᒃ? ᐊᒡᓚᓂ ᑎᑎᕋᕐᓯᒪᔪᖃᕐᒪᑦ, “ᐱᐅᔪᐊᓘᕗᑦ ᐃᓯᒐᖏᑦ ᐅᖃᐅᓯᕐᓂᒃ ᑐᓴᕈᒥᓇᕐᑐᓂᒃ ᐅᖃᕆᐊᕐᑐᕐᖢᑎᒃ ᑎᑭᐅᑦᔨᔪᑦ!” 16#ᐂᓮᐊᓯ 53:1.ᑕᒪᕐᒥᒡᓕ ᐅᖃᐅᓯᕐᓂᒃ ᑐᓴᕈᒥᓇᕐᑐᓂᒃ ᓈᓚᒃᑐᐃᓐᓇᐅᓐᖏᓚᑦ; ᐂᓮᐊᓯ ᐅᖃᕐᒪᑦ, “ᐊᑕᓃᖅ, ᑭᐊ ᐅᖅᑳᐅᓯᕆᔭᕗᑦ ᐅᒃᐱᕆᕔᑦ?” 17ᑕᕝᕙ ᐅᒃᐱᕐᓂᖅ ᐱᒋᐊᕐᐳᖅ ᑐᓴᕐᑎᑕᐅᓂᒃᑯᑦ, ᑐᓴᕐᑎᑕᐅᓂᕐᓗ ᐱᒋᐊᕐᐳᖅ ᙭ᔅᑑᓯᐅᑉ ᐊᔪᕆᕐᑐᐃᑦᔪᑕᐅᓂᖓᓂᑦ.
18 #
ᐃᓐᖏᕈᑦ 19:4. ᐊᐱᕆᕗᖓᓕ, ᑐᓴᓚᐅᓐᖏᓛᑦ? ᐃᓛᒃ ᑐᓴᓪᓚᕆᒃᓯᒪᕗᑦ; ᐊᒡᓔᑦ ᐅᖃᕐᒪᑕ:
“ᓂᐱᖏᑦ ᓄᓇᕐᔪᐊᓕᒫᒧᑦ ᑎᑭᐅᑎᕗᑦ,
ᐅᖃᐅᓯᖏᓪᓗ ᓯᓚᕐᔪᐊᑉ ᐃᓱᐊᓄᑦ ᑎᑭᑉᐳᑦ.”
19 #
ᒨᓯᓯ ᑕᓪᓕᒪᖏᑦ 32:21. ᓱᓕ ᐊᐱᕆᒃᑲᓐᓂᕐᐳᖓ, ᐃᓴᕆᐊᓕᒥᐅᑦ ᑐᑭᓯᓚᐅᓐᖏᓛᑦ? ᒨᓯᓯ ᓯᕗᓪᓕᐅᓗᓂ ᑭᐅᔪᓐᓇᕐᐳᖅ ᐅᖃᕐᒪᑦ,
“ᓄᓇᖃᑎᒌᒡᔪᐊᓂᒃ ᐊᑐᕐᓗᖓ ᐃᓄᖁᑎᒃᑲ ᓯᖕᓇᑎᓐᓂᐊᕐᐸᒃᑲ;
ᓯᓔᑦᑐᓄᓪᓗ ᓄᓇᖃᑎᒌᓄᑦ ᓂᓐᖓᒃᓴᕐᑕᐅᑎᑦᓱᒪᕙᑦᓯ.”
20 #
ᐂᓮᐊᓯ 65:1. ᑕᕝᕙ ᐂᓮᐊᓯ ᓯᕘᕋᓇᓂ ᐅᖃᓚᐅᕆᕗᖅ,
“ᓇᓂᔭᐅᓯᒪᕗᖓ ᐅᕙᓐᓂᒃ ᕿᓂᖏᑦᑐᓄᑦ;
ᐅᕙᓐᓂᒃ ᑕᑯᔭᐅᑎᑉᐳᖓ ᐅᕙᓐᓂᒃ ᐊᐱᖅᑯᑎᖃᖏᑦᑐᓄᑦ.”
21 #
ᐂᓮᐊᓯ 65:2. ᐃᓴᕆᐊᓕᒥᐅᓪᓕ ᐱᑦᔪᑎᒋᓪᓗᒋᑦ ᐅᖃᕐᐳᖅ, “ᐅᓪᓗᖅ ᓈᓪᓗᒍ ᐊᒡᒐᒃᑲ ᐃᓴᒻᒥᕙᒃᑲ ᐃᓄᖕᓄᑦ ᓈᓚᒍᒪᖏᑦᑐᓄᑦ ᐊᑭᕋᕐᑐᕐᑐᓄᓪᓗ.”
S'ha seleccionat:
ᕉᒪᒥᐅᓄᑦ 10: EAIB
Subratllat
Copia
Compara
Comparteix
Vols que els teus subratllats es desin a tots els teus dispositius? Registra't o inicia sessió
Eastern Arctic Inuktitut Bible © Canadian Bible Society, 2012, 2021-2023.