ᐋᐴᓯᑕᓖᑦ ᐱᓂᐊᕐᓂᖏᑦ 19
19
ᐸᐅᓗᓯᐅᑉ ᐃᐱᓲᓯᒦᓐᓂᖓ
1ᐊᐴᓗᓯ ᑯᕆᓐᑎᒦᑎᓪᓗᒍ, ᐸᐅᓗᓯ ᐃᐱᓲᓯᒧᐊᕐᐳᖅ ᓄᓇᒃᑯᑦ ᑐᕅᓐᓇᕐᓗᓂ. ᑕᕝᕙᓂᓗ ᐃᓕᓐᓂᐊᕐᑎᓂᒃ ᑲᑎᓯᕗᖅ. 2ᐅᖃᐅᑎᓪᓗᒋᑦ, “ᐅᒃᐱᓕᕋᑦᓯ ᐊᓂᕐᓂᖅ ᐃᑦᔪᕐᓁᑦᑐᖅ ᐱᓯᒪᓕᕐᐱᓯᐅᒃ?”
ᑖᒃᑯᐊ ᑭᐅᕗᑦ, “ᐊᓂᕐᓂᖅ ᐃᑦᔪᕐᓁᑦᑐᒥᒃ ᐱᑕᖃᕐᒪᖔᓪᓘᓐᓃᑦ ᑐᓴᓚᐅᕐᓯᒪᓐᖏᓚᒍᑦ.”
3ᐸᐅᓗᓯᐅᑉ ᐅᖃᐅᑎᕔᑦ, “ᖃᓄᕐᓕ ᐹᑉᑎᑕᐅᓯᒪᕕᓰ?”
ᑖᒃᑯᐊ ᑭᐅᕚᑦ, “ᔪᐊᓇᓯᐅᑉ ᐹᑉᑎᑦᓯᑦᔪᑖᓄᑦ.”
4 #
ᒫᑎᐅᓯ 3:11; ᒫᑯᓯ 1:4,7,8; ᓘᑲᓯ 3:4,16; ᔪᐊᓇᓯ 1:26,27. ᐸᐅᓗᓯ ᐅᖃᕐᐳᖅ, “ᔪᐊᓇᓯᐅᑉ ᐹᑉᑎᑦᓯᑦᔪᑖ ᐊᑐᓚᐅᕐᐳᖅ ᐃᓄᖕᓄᑦ ᐱᐅᖏᑦᑐᓕᓂᕐᒥᖕᓂᒃ ᖃᕿᐊᓕᕈᒪᔪᓄᑦ; ᐅᖃᐅᑎᓪᓗᒋᓪᓗ ᐃᓄᐃᑦ ᐅᒃᐱᖁᓪᓗᒋᑦ ᑭᖑᓂᕐᒥᒍᑦ ᕾᓂᐊᕐᑐᒧᑦ, ᑕᕝᕙ ᔩᓱᓯᒧᑦ.”
5ᑖᒃᑯᐊ ᑕᒪᑐᒥᖓ ᑐᓴᕋᒥᒃ, ᐹᑉᑎᑕᐅᓕᕐᐳᑦ ᐊᑕᓂᐅᑉ ᔩᓱᓯᐅᑉ ᐊᑎᖓᓄᑦ. 6ᐸᐅᓗᓯᐅᑉ ᐸᑎᒻᒥᖕᒪᒋᑦ, ᐊᓂᕐᓂᐅᑉ ᐃᑦᔪᕐᓁᑦᑑᑉ ᐊᖅᑲᕐᕕᒋᕔᑦ; ᐅᖃᓪᓚᓕᕐᐳᑦ ᐅᖃᐅᓯᕐᓄᑦ ᑐᓴᕐᖓᕐᑕᓄᑦ, ᒎᑎᐅᑉ ᐅᖃᖁᔭᖏᓐᓂᒃ ᐅᖃᓪᓚᓕᕐᓗᑎᒃ. 7ᑖᒃᑯᐊ ᑲᑎᓪᓗᒋᑦ ᐊᖑᑎᑦ 12 ᖃᓂᒋᔭᖓᓃᓚᐅᕐᐳᑦ.
8ᐸᐅᓗᓯ ᔫᑎᑦ ᐅᒃᐱᕐᓂᕐᒧᑦ ᑲᑎᒪᕕᖓᓐᓄᐊᕐᐳᖅ, ᑕᖅᑭᓂᒃ ᐱᖓᓱᓂ ᑕᑉᕙᓃᓕᕐᓗᓂ, ᐃᓄᐃᑦ ᐅᖃᖃᑎᒋᖃᑦᑕᕐᐰᑦ ᓯᕘᕋᓇᓂ, ᑐᑭᓯᑎᓐᓇᓱᐊᕐᓗᒋᑦ ᒎᑎᐅᑉ ᐊᑕᓂᐅᕕᖓᓂᒃ; 9ᐃᓚᖏᓪᓕ ᓯᑎᔪᐊᓘᖕᒪᑕ ᐅᒃᐱᕈᒪᖏᒻᒪᑕᓗ, ᐊᑕᓂᕐᒧᑦ ᒪᓕᒃᑎᐅᓂᖅ ᐱᐅᖏᑦᑐᐊᓘᓂᕋᕐᓗᒍ ᐅᖃᐅᓯᕆᖃᑦᑕᒪᑦᔪᒃ ᐃᓄᖕᓄᑦ, ᐸᐅᓗᓯᐅᑉ ᕿᒪᒃᐰᑦ, ᐃᓕᓐᓂᐊᕐᑐᑦ ᐃᓚᒋᓪᓗᒋᑦ, ᖃᐅᑕᒫᑦ ᐅᖃᖃᑎᒋᓕᕐᐰᑦ ᐃᓕᓐᓂᐊᕐᕕᖕᒥ ᑍᕋᓅᓯᒥᒃ ᐊᑎᓕᖕᒥ. 10ᑍᒤᓕᐅᖃᑕᓚᐅᕐᐳᑦ ᐊᕐᕌᒎᖕᓂᒃ ᒪᕐᕉᖕᓂᒃ, ᑍᒤᒻᒪᑦ ᐂᓯᐊᒥ ᓄᓇᖃᕐᑐᓕᒫᑦ ᐊᑕᓂᐅᑉ ᐅᖃᐅᑕᐅᓂᖓᓂᒃ ᑐᓴᐅᒪᓕᕐᐳᑦ, ᔫᑎᑦ ᒍᕇᑭᓪᓗ.
ᓰᕙᐅᑉ ᐃᕐᓂᖏᑦ
11ᒎᑎ ᑲᒪᓇᕐᑐᕐᔪᐊᓂᒃ ᐱᓇᓱᐊᓚᐅᕐᐳᖅ ᐸᐅᓗᓯ ᐊᖅᑯᑎᒋᓪᓗᒍ, 12ᐊᒡᓛᓪᓘᓐᓃᑦ ᖁᖓᓯᕈᑏᑦ#19:12 ᖁᖓᓯᕈᑏᑦ ᐃᓛᓐᓂᑦ ᑲᒃᑭᐅᑏᑦ ᐅᕙᓗ ᓇᓴᕈᕚᑦ ᐅᕙᓗ ᖁᖓᓰᓕᑍᑦ ᐊᓪᓚᕈᑏᓪᓘᓐᓃᑦ ᐸᐅᓗᓯᐅᑉ ᑎᒥᖓᓄᑦ ᐊᒃᑐᕐᓯᒪᔪᑦ ᖃᓂᒪᔪᓄᐊᕈᑦᔭᐅᔭᕌᖓᑕ, ᑕᕝᕙ ᖃᓂᒻᒪᓰᑦ ᐊᓂᕗᑦ, ᐊᓂᕐᓂᕐᓗᐃᓪᓗ ᐊᓂᕗᑦ ᑖᒃᑯᓇᓐᖓᑦ. 13ᐃᓚᖏᑦ ᔫᑎᑦ ᐊᓂᕐᓂᕐᓗᖕᓂᒃ ᐊᓂᑎᑦᓯᕙᒃᑐᑦ ᐊᑕᓂᐅᑉ ᔩᓱᓯᐅᑉ ᐊᑎᖓᓂᒃᑕᐅᖅ ᐊᑐᕋᓱᐊᓕᕐᐳᑦ ᐅᖃᕐᓗᑎᒃ, “ᐊᓂᖁᕙᑦᓯ ᔩᓱᓯᐅᑉ ᐊᑎᖓᓂ, ᐸᐅᓗᓯᐅᑉ ᐊᔪᕆᕐᑐᐃᑦᔪᑎᒋᔭᖓᓂ.” 14ᔫᑎᑦ ᑐᓂᕐᕈᓯᕐᑎᑦᓯᔨᖏᑕ ᐊᖓᔪᖅᑳᖓᑦᑕ ᓰᕙᒥᒃ ᐊᑎᓕᐅᑉ ᐃᕐᓂᖏᑦ 7 ᑍᒤᓕᐅᕋᓱᐊᓚᐅᕐᐳᑦ.
15ᐊᓂᕐᓂᕐᓘᓪᓕ ᑭᐅᕔᑦ, “ᔩᓱᓯ ᖃᐅᔨᒪᕙᕋ, ᐸᐅᓗᓯᓗᑦᑕᐅᖅ ᖃᐅᔨᒪᒋᕙᕋ; ᐃᓕᑦᓯᓕ ᑭᓇᒃᑰᕕᓰ?”
16ᐃᓅᑉ ᐊᓂᕐᓂᕐᓗᖕᒥᒃ ᐃᓗᒻᒥᕐᑕᐅᓯᒪᔫᑉ ᑖᒃᑯᐊ ᐅᐸᒃᑐᕐᐰᑦ, ᓵᓚᒋᓪᓗᒋᑦ, ᐃᒡᓗᒥᑦ ᕿᒫᕗᑦ, ᐊᓐᓄᕌᖏᑦ ᐊᓕᒃᑐᕐᓯᒪᓪᓗᑎᒃ ᑭᓪᓕᐊᓯᒪᓪᓗᑎᒡᓗ. 17ᑕᒪᓐᓇ ᑐᓴᐅᒪᔭᐅᓕᕐᐳᖅ ᐃᐱᓲᓯᒥᐅᓕᒫᓄᑦ, ᔫᑎᓂᑦ ᒍᕇᑭᓂᓪᓗ; ᑕᒪᕐᒥᒃ ᓯᕘᕋᓂᕐᒥᒃ ᐃᓗᒻᒥᕐᑕᐅᕗᑦ; ᔩᓱᓯᐅᑉ ᐊᑎᖓ ᐊᖏᓂᕐᓴᒥᒃ ᐅᐱᒋᔭᐅᑦᓯᐊᓕᕐᐳᖅ. 18ᐊᒥᓱᑦ ᐅᒃᐱᓕᕐᑐᑦ ᕾᕗᑦ, ᑕᒻᒪᕐᓯᒪᓂᕆᓚᐅᕐᑕᒥᖕᓂᒃ ᐅᖃᐅᓯᖃᕐᓗᑎᒃ, ᐱᓂᐊᕐᓗᖕᓂᕆᓚᐅᕐᑕᒥᖕᓂᒡᓗ ᓴᖅᑭᑎᑦᓯᓪᓗᑎᒃ. 19ᐊᒥᓱᑦ ᐊᖓᒃᑰᓚᐅᕐᑐᑦ, ᐅᖃᓕᒫᒐᕐᓂᒃ ᐊᖓᒃᑰᑦᔪᑎᒥᖕᓂᒃ ᕾᑦᓯᕗᑦ ᐃᑭᓪᓗᒋᑦ ᐃᓄᐃᑦ ᑕᒃᑯᐊᓂ; ᐊᖓᒃᑰᑦᔪᑎᑦ ᐃᑭᑕᐅᔪᑦ ᐊᑭᖏᑦ ᖃᐅᔨᓇᓱᐊᕋᒥᑦᔪᒃ ᑲᑎᓪᓗᒋᑦ ᐊᑭᖃᓚᐅᕐᐳᑦ 50,000ᓂᒃ ᓯᐅᓪᕕᕆᓂᒃ. 20ᑍᒫᒃ ᐊᑕᓂᐅᑉ ᐅᖃᐅᑕᐅᓂᖓ ᐱᔪᓐᓇᕐᓂᕐᒥᒃ ᓴᖅᑭᑎᑦᓯᓪᓗᓂ ᐱᕙᓪᓕᐊᕗᖅ ᓇᒧᑐᐃᓐᓇᖅ.
ᐃᐱᓲᓯᒥ ᐅᐃᒪᔮᕐᑐᑦ
21ᑕᒪᒃᑯᐊ ᐱᓚᐅᕐᑎᓪᓗᒋᑦ, ᐸᐅᓗᓯ ᐊᓂᕐᓂᒃᑯᑦ ᐃᓱᒪᑖᕐᐳᖅ ᒫᓯᑑᓂᐊᒃᑰᕐᓗᓂ ᐊᑬᐊᒃᑯᓪᓗ ᔨᕉᓴᓕᒻᒧᐊᕈᒪᓪᓗᓂ, ᐅᖃᕐᐳᖅ, “ᑍᑲᓃᓚᐅᕐᓗᖓ, ᕉᒪᒧᐊᕆᐊᖃᕆᕗᖓ.” 22ᑍᒤᒻᒪᑦ ᑎᓕᓯᕗᖅ ᐃᑲᔪᕐᑎᒥᓂᒃ ᒪᕐᕉᖕᓂᒃ, ᑎᒧᑎᒥᒃ ᐃᕌᔅᑕᓯᒥᒡᓗ ᒫᓯᑑᓂᐊᒧᑦ, ᓇᖕᒥᓂᕐᓕ ᐂᓯᐊᒦᒃᑲᓐᓂᕐᐳᖅ.
23ᑍᑦᓱᒪᓂ ᐃᐱᓲᓯᒥ ᐃᓗᐊᖏᑦᔪᑎᒃᓴᖃᒻᒪᕆᓕᕐᐳᑦ ᐊᑕᓂᕐᒧᑦ ᒪᓕᒡᑎᐅᓂᖅ ᐱᓪᓗᒍ. 24ᑎᒥᑐᕆᐊᓯ ᓯᐅᓪᕙᓕᕆᔨ ᑐᒃᓯᐊᕐᕕᓐᖑᐊᓕᐅᕐᐸᒃᑐᖅ ᓯᐅᓪᕕᕆᓂᒃ ᒎᑎᓐᖑᐊᒧᑦ ᐋᕐᑎᒥᓯᒧᑦ ᑐᒃᓯᐊᕐᕕᖏᑕ ᐊᑦᔨᖏᓐᓂᒃ, ᓴᓇᔨᖁᑎᖏᓐᓄᓪᓗ ᑮᓇᐅᔭᓕᐅᕐᑎᑦᓯᒻᒪᕆᓚᐅᕐᐳᖅ. 25ᓴᓇᔨᖁᑎᓂ ᐊᓯᖏᓪᓗ ᑍᒫᒃᑕᐅᖅ ᐱᓇᓱᐊᕐᑐᑦ ᑲᑎᖁᕔᑦ, ᐅᖃᐅᑎᓪᓗᒋᓪᓗ, “ᐃᓚᒃᑳ ᖃᐅᔨᒪᕗᓯ ᓴᓇᕙᒃᑕᑦᑎᓐᓄᑦ ᐊᔪᕐᓴᕈᓐᓃᕐᑎᑕᐅᒐᑦᑕ. 26ᖃᐅᔨᒪᕗᓯ ᑐᓴᐅᒪᓕᕐᓗᓯᓗ ᐸᐅᓗᓯ ᖃᓄᐃᓕᐅᖃᑦᑕᕐᓂᖓᓂᒃ ᐃᐱᓲᓯᒥᑐᐃᓐᓇᐅᖏᑦᑐᖅ, ᐂᓯᐊᒥᓗ ᓇᓂᑐᐃᓐᓇᖅ ᑖᓐᓇ ᐸᐅᓗᓯ ᐅᒃᐱᕈᓐᓃᕐᑎᑦᓯᓇᓱᐊᕐᒪᑦ ᐃᓄᖕᓂᒃ ᐊᒥᓱᓂᒃ, ᐅᖃᕐᓗᓂ, ‘ᒎᑏᑦ ᐊᒡᒐᓄᑦ ᓴᓇᓯᒪᔪᑦ ᒎᑎᐅᖏᓐᓂᕋᕐᖢᓂᒋᑦ.’ 27ᑍᒪᓕ ᓇᖏᐊᕐᓇᕐᑐᒦᓕᕐᐳᒍᑦ, ᐱᓇᓱᐊᒐᕗᑦ ᐱᓪᓗᒋᑐᐃᓐᓇᐅᖏᑦᑐᖅ, ᒎᑎᑦᑎᓐᓄᑦ ᐋᕐᑎᒥᓯᒧᑦ ᑐᒃᓯᐊᕐᕕᕗᑦ ᓱᓇᐅᔪᓐᓃᕐᑎᑕᐅᓂᐊᓕᕐᐳᖅ, ᐋᕐᑎᒥᓯᓗ ᐊᓯᕈᕐᑕᐅᒐᔭᕆᐊᖓᓂᒃ, ᑖᓐᓇ ᑐᒃᓯᐊᕐᕕᒋᔭᐅᕙᖕᒪᑦ ᐂᓯᐊᒥ ᓇᓂᑐᐃᓐᓇᕐᓗ ᓄᓇᖃᕐᑐᓂ.”
28ᐃᓄᐃᑦ ᑖᒃᑯᐊ ᑕᒪᑐᒥᖓ ᑐᓴᕋᒥᒃ ᓂᓐᖓᒃᑐᐊᓘᕗᑦ, ᕾᒐᓛᓕᕐᓗᑎᒡᓗ, “ᐃᐱᓲᓯᒥᐅᑦ ᐋᕐᑎᒥᓯᖓᑦ ᐊᔪᖏᑦᑐᕐᔪᐊᖑᕗᖅ!” 29ᓄᓇᓕᖕᓂ ᑕᕝᕙᓂ ᐅᐃᒪᔮᓕᕐᐸᓪᓕᐊᕗᑦ; ᑎᒍᓯᓪᓗᑎᒡᓗ ᒊᐊᓯᒥᒃ ᐊᕆᔅᑕᑰᓯᒥᒡᓗ, ᐸᐅᓗᓯᐅᑉ ᐃᓚᒋᕙᒃᑕᖏᖕᓂᒃ ᒫᓯᑑᓂᐊᒥᐅᑖᖕᓂᒃ, ᐃᓄᐃᑦ ᑕᐱᕇᓕᓪᓗᑎᒃ ᑕᑯᓐᓈᕐᕕᖕᒧᐊᕈᑎᕔᑦ. 30ᐸᐅᓗᓯᓕ ᓇᖕᒥᓂᖅ ᑕᕝᕗᓐᖓᕈᒪᒐᓗᐊᕐᐳᖅ, ᐃᓂᕐᑎᕐᓯᒪᔭᐅᕗᕐᓕ ᐃᓕᓐᓂᐊᕐᑎᓄᑦ; 31ᓄᓇᓖᓪᓗ ᐊᐅᓚᑦᓯᔨᖏᑕ ᐃᓚᖏᑦ ᐸᐅᓗᓯᐅᑉ ᐃᓚᓐᓈᕆᔭᖏᑦ, ᐅᖃᕐᑎᑦᓯᒋᕗᑦ ᑕᑯᓐᓈᕐᕕᖕᒧᐊᖁᔨᓇᑎᒃ ᐸᐅᓗᓯᒥᒃ. 32ᑲᑎᒪᔪᓪᓕ ᐅᐃᒪᔮᕐᑐᐊᓘᓕᕐᐳᑦ, ᐃᓚᖏᑦ ᐃᒫᒃ ᐅᖃᐅᓯᖃᕐᓗᑎᒃ, ᐃᓚᖏᓪᓗ ᐊᓯᐊᓂᒃ ᐅᖃᐅᓯᖃᕐᐳᑦ, ᐅᓄᕐᓂᕐᓮᓪᓗ ᖃᐅᔨᒪᓐᖏᓚᑦ ᓱᖕᒪᑦ ᑲᑎᓯᒪᖕᒪᖔᕐᒥᒃ. 33ᐃᓚᖏᓪᓗ ᐃᓱᒪᖃᓕᕐᐳᑦ ᐊᓕᒃᓴᓐᑐᕐ ᑍᒤᑎᑦᓯᓇᓱᒋᔭᐅᓪᓗᓂ, ᔫᑎᑦ ᓵᒥᖕᓅᕈᑎᖕᒪᔪᒃ. ᐊᓕᒃᓵᓐᑐᕐᓕ ᓄᓗᕋᕐᐳᖅ ᓂᐸᖏᖁᔨᓪᓗᓂ, ᐃᒻᒥᓂᒃ ᓴᐳᑎᓇᓱᐊᕈᒪᒧᑦ. 34ᐃᓄᐃᓪᓕ ᖃᐅᔨᒐᒥᒃ ᐊᓕᒃᓵᓐᑐᕐ ᔫᑎᐅᖕᒪᑦ, ᑖᑦᓱᒥᖓᑦᓮᓐᓇᖅ ᕾᒐᓛᓕᕐᐳᑦ ᐃᑲᕐᕌᖕᓂᒃ ᒪᕐᕉᖕᓂᒃ “ᐃᐱᓲᓯᒥᐅᑦ ᐋᕐᑎᒥᓯᖓᑦ ᐊᔪᖏᑦᑐᕐᔪᐊᖑᕗᖅ!”
35ᓄᓇᓖᓪᓗ ᐊᖓᔪᖅᑳᖓᑦᑕ ᐃᓄᐃᑦ ᓂᐸᖏᕐᑎᓐᓇᒥᒋᑦ ᐅᖃᐅᑎᕔᑦ, “ᐃᐱᓲᓯᒥᐅᖑᔪᓯ, ᖃᐅᔨᒪᔪᐃᓐᓇᐅᒐᑦᓯ ᐃᐱᓲᓯ ᑐᒃᓯᐊᕐᕕᖃᕐᕕᐅᖕᒪᑦ ᐋᕐᑎᒥᓯᒧᑦ, ᒎᑎᒋᔭᐅᔪᖅ ᐅᔭᕋᒃ ᕿᓚᖕᒥᑦ ᑲᑕᓚᐅᕐᓯᒪᔪᖅ. 36ᐊᑯᓐᓇᑦᑎᓐᓂ ᑍᒤᓚᐅᖏᓐᓂᕋᕐᓗᒍ ᐅᖃᕈᓐᓇᕐᑐᖃᖏᒻᒪᑦ, ᑍᒤᒻᒪᑦ ᕿᑲᕐᓯᓕᕆᑦᓯ ᐅᐃᒪᔮᕈᓐᓃᕐᓗᓯ. 37ᐅᑯᐊ ᐊᖑᑏᑦ ᐅᕗᓐᖓᐅᑎᔭᓯ ᐅᖃᕐᓂᕐᓘᑎᖃᕐᓯᒪᖏᒻᒪᑕ ᒥᑕᐅᑎᖃᕐᓯᒪᓇᑎᒡᓗ ᒎᑎᑦᑎᓐᓂᒃ. 38ᑎᒥᑐᕆᐊᓯ ᓴᓇᔨᖁᑎᖏᓪᓗ ᐸᓯᑎᒃᓴᖃᕈᑎᒃ ᑭᓇᑐᐃᓐᓇᕐᒧᑦ, ᐃᖅᑲᕐᑐᐃᕕᕗᑦ ᑕᕝᕙ ᒪᑐᐃᖓᕗᑦ, ᑍᒪ ᑍᑲᓂ ᐃᖅᑲᕐᑐᐃᑎᑦᓯᔪᓐᓇᕐᐳᑦ, 39ᓱᓕ ᐱᔪᒪᔭᖃᒃᑲᓐᓂᕈᑦᓯ, ᓄᓇᓖᑦ ᑲᑎᒪᔨᖏᓐᓄᑦ ᐋᖅᑭᒃᑕᐅᔪᓐᓇᕐᐳᑦ. 40ᐅᓪᓗᒥᓕ ᐱᓂᐊᕐᓂᕗᑦ ᒪᓕᒡᓗᒍ ᐱᕋᔭᒃᑐᐊᓘᓂᑦᑎᓐᓂᒃ ᐸᓯᔭᐅᔪᓐᓇᓕᕋᑦᑕ, ᐱᑦᔪᑎᒃᓴᖃᒻᒪᕆᖏᓐᓇᑦᑕ ᑍᒤᓕᐅᖁᓪᓗᑕ.” 41ᑍᒫᒃ ᐅᖃᐅᑎᔭᕇᕋᒥᒋᑦ ᐊᖏᕐᕋᖁᓕᕐᐰᑦ.
S'ha seleccionat:
ᐋᐴᓯᑕᓖᑦ ᐱᓂᐊᕐᓂᖏᑦ 19: EAIB
Subratllat
Copia
Compara
Comparteix
Vols que els teus subratllats es desin a tots els teus dispositius? Registra't o inicia sessió
Eastern Arctic Inuktitut Bible © Canadian Bible Society, 2012, 2021-2023.