ᑯᕆᓐᑎᐊᒥᐅᓄᑦ ᓯᕗᓪᓖᑦ 5
5
ᓈᒻᒪᖏᑦᑐᑦ ᐃᓕᖅᑯᓯᐅᔪᑦ ᐅᒃᐱᕐᑑᖃᑎᒌᓂ
1 #
ᒨᓯᓯ ᑕᓪᓕᒪᖏᑦ 22:30. ᐅᖃᐅᓯᐅᓪᓚᕆᒃᓯᒪᖕᒪᑦ ᓄᓕᐊᕐᓂᑰᕐᑐᒥᒃ ᐊᑐᒐᒃᓴᐅᖏᑦᑐᒥᒃ ᐃᓗᐊᖏᑦᔪᑎᖃᕐᓂᕋᕐᑕᐅᑎᓪᓗᓯ, ᐅᒃᐱᖏᑦᑑᒐᓗᐊᓂᑦ ᐱᐅᓯᕆᔭᐅᓲᖑᖏᑦᑐᒥᒃ; ᐃᓕᑦᓯᓐᓂᒎᖅ ᐊᑖᑕᒥ ᓄᓕᐊᖓᓂᒃ ᓄᓕᐊᖃᖃᑕᐅᔪᖃᖃᑦᑕᓕᕐᒪᑦ. 2ᐱᐅᔪᕆᕗᓯ! ᕿᒃᓵᒍᑎᒋᔭᕆᐊᖃᒃᖏᓚᓯᐅᒃ? ᑍᓐᓇ ᑍᒤᓕᐅᕐᑐᖅ ᐃᓚᒋᔪᓐᓃᕐᓯᐅᒃ. 3ᑎᒥᒃᑯᑦ ᓇᔪᖏᒃᑲᓗᐊᕐᓗᓯ ᐊᓂᕐᓂᒃᑯᓪᓕ ᐃᓚᒋᕙᑦᓯ, ᓇᔪᕐᓗᓯ ᓲᕐᓗ ᑍᓐᓇ ᑍᒤᓕᐅᕐᑐᖅ ᐃᖅᑲᕐᑐᕐᑕᐅᓂᕐᒧᑦ ᑐᓂᔭᕇᕐᐸᕋ. 4ᑲᑎᒪᓕᕌᒐᑦᓯ ᐊᑕᓂᑦᑕ ᔩᓱᓯᐅᑉ ᐊᑎᖓᓂ ᐃᓚᒋᕙᒃᐸᑦᓯ ᐊᓂᕐᓂᒃᑯᑦ, ᐊᑕᓂᑦᑕᓗ ᔩᓱᓯᐅᑉ ᐱᔪᓐᓇᕐᓂᖓᓄᑦ ᓇᔪᕐᑕᐅᓂᑦᑎᓐᓄᑦ, 5ᐊᖑᑦ ᑍᓐᓇ ᑍᒤᓕᐅᕐᑐᖅ ᓵᑖᓇᓯᒧᑦ ᑐᓂᓕᕐᓯᐅᒃ ᑎᒥᖓ ᐊᓯᕈᕐᑕᐅᓂᐊᕐᒪᑦ, ᑕᕐᓂᖓᓕ ᐱᐅᓕᔭᐅᖁᓪᓗᒍ ᐊᑕᓂᐅᑉ ᔩᓱᓯᐅᑉ ᐅᓪᓗᒃᓴᖓᓂ.
6 #
ᒐᓔᑎ 5:9. ᐱᐅᓱᒋᓂᓯ ᓈᒻᒪᖏᒻᒪᑦ. ᖃᐅᔨᒪᓐᖏᓚᓰ ᐳᕙᓪᓚᕐᓯᐊᒃᓴᐅᑉ ᒥᑭᑦᔫᑉ ᓂᐊᖂᔭᒃᓴᓕᒫᖅ ᐳᕙᓪᓚᕐᑎᑉᐸᓐᖕᒪᒍ? 7#ᒨᓯᓯ ᐂᑉᐸᖏᑦ 12:5.ᐳᕙᓪᓚᕐᓯᐊᒃᓴᑐᖃᖅ ᐊᔪᕐᓂᕐᒦᑦᔪᑎᒋᓚᐅᕐᑕᓯ ᐲᔭᓕᕐᓯᐅᒃ ᓄᑖᒥᒃ ᓂᐊᖂᔭᒃᓴᐅᓂᐊᕋᑦᓯ ᐳᕙᓪᓚᖅᑯᑎᖃᖏᑦᑐᒥᒃ, ᖃᐅᔨᒪᕗᖓ ᐳᕙᓪᓚᖅᑯᑎᖃᖏᑦᑑᒐᑦᓯ. ᖄᖏᕐᑕᐅᕕᖕᒥ ᓇᓪᓕᐅᓐᓂᕐᓯᐅᕐᓂᕗᑦ ᐱᔭᕇᕐᓯᒪᓕᕐᒪᑦ, ᓄᕐᕋᐅᔮᕐᑐᖁᑎᕗᑦ ᙭ᔅᑑᓯ ᑐᓂᕐᕈᑕᐅᔭᕇᕐᓯᒪᓕᕐᒪᑦ. 8#ᒨᓯᓯ ᐂᑉᐸᖏᑦ 13:7; ᒨᓯᓯ ᑕᓪᓕᒪᖏᑦ 16:3.ᑍᒤᒻᒪᑦ ᓇᓪᓕᐅᓐᓂᕐᓯᐅᕐᓂᖅ ᐊᑐᓕᕐᓚᕗᑦ, ᐳᕙᓚᕐᓯᐊᒃᓴᑐᖃᖅ ᐊᔪᕐᓂᕐᒦᑦᔪᑎᒋᔭᕗᑦ ᐱᐅᖏᑦᑐᓕᓂᖅ ᐊᑐᖏᓪᓗᒍ, ᐳᕙᓪᓚᖅᑯᑎᖃᖏᑦᑐᒥᒡᓕ ᓂᐊᖂᔭᕐᒥᒃ ᐃᑦᔪᕐᓁᑦᑐᒥᒃ ᓱᓕᑦᓯᐊᕐᓂᕐᒥᒡᓗ ᐱᖔᓕᕐᑕ.
9ᑎᑎᕋᕐᕕᒋᓚᐅᕆᕙᑦᓯ ᐃᓚᖃᖁᓇᓯ ᓄᓕᐊᕐᓂᕐᒥᒃ ᐊᑐᕐᓂᕐᓗᒃᐸᒃᑐᒥᒃ; 10ᐅᖃᐅᓯᖃᓚᐅᓐᖏᓚᖓᓕ ᐅᒃᐱᖏᑦᑐᓂᒃ ᓄᓕᐊᕐᓂᕐᒥᒃ ᐊᑐᕐᓂᕐᓗᒃᐸᒃᑐᓂᒃ, ᐱᔪᒪᓂᕐᔪᐊᒧᓪᓗ ᐊᐅᓚᑕᐅᔪᓂᒃ, ᑎᒡᓕᑐᔪᓂᒡᓘᓐᓃᑦ, ᒎᑎᓐᖑᐊᓄᓪᓘᓐᓃᑦ ᑐᒃᓯᐊᕐᕕᖃᕐᑐᓂᒃ, ᑕᒪᒃᑯᓂᖓ ᐅᖃᐅᓯᖃᓚᐅᕈᒪ ᓯᓚᕐᔪᐊᕐᒥᒃ ᕿᒤᓪᓚᕆᒃᓗᓯ ᑭᓯᐊᓂᐅᒐᔭᕐᐳᖅ. 11ᐃᒫᒡᓕ ᐅᖃᕋᓱᐊᓚᐅᕐᐳᖓ ᐃᓚᖃᖁᓇᓯ ᐅᒃᐱᕐᑑᖃᑕᐅᓂᕋᕐᑐᒥᒃ ᓄᓕᐊᕐᓂᕐᒥᒡᓗ ᐊᑐᕐᓂᕐᓗᒃᑎᐅᔪᒥᒃ, ᐱᔪᒪᓂᕐᔪᐊᒧᓪᓗ ᐊᐅᓚᑕᐅᓲᖑᔪᒥᒃ, ᒎᑎᓐᖑᐊᓄᓪᓗ ᑐᒃᓯᐊᕐᑎᐅᔪᒥᒃ, ᐅᖃᕐᓂᕐᓗᒃᑎᐅᓪᓗᓂ, ᐋᖓᔮᕐᑎᐅᔪᒥᒃ, ᑎᒡᓕᒃᑎᐅᓲᖑᔪᒥᒡᓗ. ᑍᒤᑦᑐᑦ ᐊᒡᓛᑦ ᓂᕆᖃᑎᒋᔭᒃᓴᕆᓐᖏᓚᓯ.
12 #
ᒨᓯᓯ ᑕᓪᓕᒪᖏᑦ 13:5; 17:7. ᐃᓱᒪᓇᓐᖏᓚᕐᓘᓐᓃᑦ ᐅᒃᐱᕐᑑᖃᑎᒌᑦ ᐃᓚᒋᓐᖏᑕᖓᓐᓂᒃ ᐃᖅᑲᕐᑐᐃᓇᓱᐊᕈᒪ, ᒎᑎᐅᓪᓕ ᐃᖅᑲᕐᑐᕈᒫᕐᒪᒋᑦ. ᐅᒃᐱᕐᑑᖃᑎᒌᓄᑦ ᐃᓚᒋᔭᐅᔪᓂᒃ ᐃᖅᑲᕐᑐᐃᔪᒃᓴᐅᓐᖏᓚᓰ? 13ᐊᒡᓔᑦ ᐅᖃᕐᒪᑕ, “ᐃᓄᒃ ᐊᔪᕐᑐᓕᔪᖅ ᐃᓚᒌᖕᓂᑦᓯᓐᓂᑦ ᐊᓂᑎᓯᐅᒃ.”
S'ha seleccionat:
ᑯᕆᓐᑎᐊᒥᐅᓄᑦ ᓯᕗᓪᓖᑦ 5: EAIB
Subratllat
Copia
Compara
Comparteix
Vols que els teus subratllats es desin a tots els teus dispositius? Registra't o inicia sessió
Eastern Arctic Inuktitut Bible © Canadian Bible Society, 2012, 2021-2023.