ᑯᕆᓐᑎᐊᒥᐅᓄᑦ ᓯᕗᓪᓖᑦ 15
15
᙭ᔅᑑᓯᐅᑉ ᒪᑭᓐᓂᖓ
1ᒫᓐᓇᓕ ᐃᓚᒃᑳ, ᐃᖅᑬᑎᑦᓱᒪᕙᑦᓯ ᐅᖃᐅᓯᕐᓂᒃ ᑐᓴᕈᒥᓇᕐᑐᓂᒃ, ᐃᓚᓕᐅᓚᐅᕐᑕᑦᓯᓐᓂᒃ, ᐅᒃᐱᕐᓂᑦᓯᓐᓄᓪᓗ ᑐᓐᖓᕕᒋᔭᑦᓯᓐᓂᒃ. 2ᑕᒪᒃᑯᑎᒎᓇᖅ ᐱᐅᓕᔭᐅᓯᒪᒐᑦᓯ, ᐅᖃᐅᓰᑦ ᐱᓯᒤᓐᓇᕈᑦᓯᐅᒃ, ᐅᒃᐱᓕᕐᓂᓯ ᑕᒪᐅᖕᒊᓐᓈᓚᐅᖏᑉᐸᑦ.
3 #
ᐂᓮᐊᓯ 53:5-12. ᐱᔭᕆᐊᖃᓪᓚᕆᒃᑐᑦ ᑐᓂᕐᕈᓯᐊᕆᓚᐅᕐᑕᒃᑲ ᐃᓕᑦᓯᓐᓄᑦ ᐅᖃᐅᓯᕆᕙᒃᑲ, ᐃᒫᒃ ᙭ᔅᑑᓯ ᐊᔪᕐᓂᕗᑦ ᐱᑦᔪᑎᒋᓪᓗᒋᑦ ᑐᖁᓚᐅᕐᐳᖅ ᒎᑎᐅᑉ ᐅᖃᐅᓯᖏᑦ ᒪᓕᒡᓗᒋᑦ, 4#ᐃᓐᖏᕈᑦ 16:8-10; ᒫᑎᐅᓯ 12:40; ᐋᐴᓯᑕᓖᑦ 2:24-32.ᐃᓗᕕᕐᑕᐅᓚᐅᕐᐳᖅ, ᐅᓪᓗᐃᑦ ᐱᖓᔪᐊᓐᓂ ᒪᑭᓚᐅᕐᐳᖅ, ᒎᑎᐅᑉ ᐅᖃᐅᓯᖏᑦ ᒪᓕᒡᓗᒋᑦ, 5#ᓘᑲᓯ 24:34; ᒫᑎᐅᓯ 28:16,17; ᒫᑯᓯ 16:14; ᓘᑲᓯ 24:36; ᔪᐊᓇᓯ 20:19.ᓰᐸᓯᒧᓪᓗ ᓴᖅᑭᓚᐅᕐᐳᖅ, ᑭᖑᓂᖓᒍᓪᓗ ᑕᒤᓐᓄᑦ 12ᓄᑦ. 6ᐊᒻᒪ ᑭᖑᓂᖓᒍᑦ ᓴᖅᑭᓚᐅᕆᕗᖅ ᒪᓕᒃᑎᒥᓄᑦ ᐊᑕᐅᑦᓯᒃᑯᑦ 500ᓂᑦ ᐅᓄᕐᓂᕐᓴᓄᑦ, ᑖᒃᑯᐊᓕ ᓱᓕ ᐅᓄᕐᓂᕐᓮᑦ ᐃᓅᕗᑦ, ᐃᓚᖏᓪᓕ ᑐᖁᖓᓕᕐᐳᑦ. 7ᐊᒻᒪ ᔧᒥᓯᒧᑦ ᓴᖅᑭᓚᐅᕆᕗᖅ, ᑭᖑᓂᖓᒍᓪᓗ ᐋᐴᓯᑕᓕᖕᓄᑦ ᑕᒤᓐᓄᑦ.
8 #
ᐋᐴᓯᑕᓖᑦ 9:3-6. ᑭᖑᓪᓕᕐᐹᒥᒡᓕ, ᐅᕙᓐᓄᑦᑕᐅᖅ ᓴᖅᑭᓚᐅᕆᕗᖅ, ᐃᕐᓂᐊᖑᓯᒪᔫᔮᕐᑎᓪᓗᖓ ᓲᕐᓗ ᓈᒻᒪᓈᕐᓯᒪᖏᑦᑐᒃᑯᑦ. 9#ᐋᐴᓯᑕᓖᑦ 8:3.ᐋᐴᓯᑕᓕᓕᒫᖕᓂᑦ ᒥᑭᓐᓂᕐᐹᖑᒐᒪ, ᐋᐴᓯᑕᓕᖕᒥᒡᓘᓐᓃᑦ ᑍᔭᐅᔪᒃᓴᐅᖏᒻᒪᕆᒃᐳᖓ, ᒎᑎᐅᑉ ᐃᓚᒌᒃᑐᖁᑎᖏᑦ ᐊᑭᕋᕐᑐᓚᐅᕋᒃᑭᑦ. 10ᒎᑎᐅᓪᓕ ᐱᑦᓯᐊᕐᓂᖓᑕ ᐱᔪᓐᓇᕐᑎᑦᓯᓂᖓᒍᑦ ᐃᓅᓯᕆᓕᕐᑕᕋ ᒫᓐᓇ ᐃᓅᓯᕆᕙᕋ, ᐱᑦᓯᐊᕐᓂᖓᑕ ᐱᔪᓐᓇᕐᑎᑦᓯᓂᖓᓗ ᑕᒪᐅᖓᑐᐃᓐᓈᕐᓯᒪᓐᖏᓚᖅ ᐅᕙᓐᓄᑦ. ᐋᐴᓯᑕᓕᖕᓂᓪᓕ ᑕᒤᓐᓂᑦ ᐊᒃᓱᕈᕐᓇᕐᑐᑰᓂᕐᓴᐅᓯᕐᒪᕗᖓ ᐱᓇᓱᐊᕐᑎᓪᓗᖓ, ᓇᖕᒥᓂᕐᓕ ᐱᓇᓱᐊᕐᓂᓐᓅᖏᑦᑐᖅ, ᒎᑎᐅᓪᓕ ᐱᑦᓯᐊᕐᓂᖓᑕ ᐱᔪᓐᓇᕐᑎᑦᓯᓂᖓ ᐅᕙᓐᓃᑦᑐᖅ ᐱᓇᓱᐊᕐᓯᒪᕗᖅ. 11ᑍᒤᒻᒪᑦ ᐅᕙᖓᓘᓐᓃᑦ ᑍᒃᑯᐊᓘᓐᓃᑦ, ᑕᒪᑦᑕ ᐃᓕᑦᓯᓐᓄᑦ ᐊᔪᕆᕐᑐᐃᒐᑦᑕ, ᑕᒪᑐᒥᖓᓗ ᐅᒃᐱᓚᐅᕐᐳᓯ.
ᑐᖁᖓᔪᓂᑦ ᒪᑭᓐᓂᒃᓴᕗᑦ
12᙭ᔅᑑᓯᓕ ᑐᖁᒥᑦ ᒪᑭᓯᒪᓂᕋᕐᓗᒍ ᐊᔪᕆᕐᑐᐃᑦᔪᑕᐅᒃᐸᑦ, ᖃᓄᕐᓕ ᐃᓚᖏᑦ ᐅᖃᕈᓐᓇᕐᐹᑦ ᑐᖁᖓᔪᖅ ᒪᑭᕝᕕᒃᓴᖃᖏᓐᓂᕋᕐᓗᒋᑦ? 13ᑐᖁᖓᔪᓪᓕ ᒪᑭᕝᕕᒃᓴᖃᖏᑉᐸᑕ, ᙭ᔅᑑᓯᑦᑕᐅᖅ ᒪᑭᓯᒪᓐᖏᓚᖅ; 14᙭ᔅᑑᓯᓕ ᒪᑭᓯᒪᖏᑉᐸᑦ, ᐊᔪᕆᕐᑐᐃᓂᕗᑦ ᐊᑑᑎᖃᓐᖏᓚᖅ, ᐅᒃᐱᕐᓂᓯᓗ ᐊᑑᑎᖃᖏᓐᓂᕗᖅ. 15ᐊᖏᓂᕐᓴᒥᒡᓗ ᐊᒡᓛᑦ ᒎᑎᒧᑦ ᓱᓕᖏᑦᑐᒥᒃ ᑭᒡᒐᕐᑐᕋᔭᕐᐳᒍᑦ, ᐅᖃᕐᓯᒪᒐᑦᑕ ᒎᑎ ᒪᑭᑎᑦᓯᓯᒪᓂᕋᕐᓗᒍ ᙭ᔅᑑᓯᒥᒃ, ᑐᖁᖓᔪᑦ ᒪᑭᕝᕕᒃᓴᖃᖏᑉᐸᑕ ᙭ᔅᑑᓯ ᒪᑭᑎᒐᔭᓚᐅᓐᖏᓛ. 16ᑐᖁᖓᔪᑦ ᒪᑭᕝᕕᒃᓴᖃᖏᑉᐸᑕ, ᙭ᔅᑑᓯᑦᑕᐅᖅ ᒪᑭᓯᒪᖏᓐᓂᕗᖅ. 17᙭ᔅᑑᓯᓕ ᒪᑭᓯᒪᖏᑉᐸᑦ, ᐅᒃᐱᕐᓂᓯ ᓱᓕᓐᖏᓚᖅ ᓱᓕᓗ ᐊᔪᕐᓂᑦᓯᓐᓃᑉᐳᓯ. 18᙭ᔅᑑᓯᒧᓪᓗ ᐅᒃᐱᕐᓗᑎᒃ ᑐᖁᓯᒪᔪᑦ ᐊᓯᐅᓯᒪᕗᑦ. 19ᐃᓅᓂᑦᑎᓐᓂ ᑭᓯᐊᓂ ᙭ᔅᑑᓯᒥᒃ ᓂᕆᐅᒋᔭᒃᓴᖃᕈᑦᑕ, ᐃᓄᖕᓂᑦ ᑕᒤᓐᓂᑦ ᐅᒡᒍᐊᕐᓇᕐᑐᒦᓐᓂᕐᐹᖑᕗᒍᑦ.
20ᓱᓕᔪᒥᒡᓕ ᙭ᔅᑑᓯ ᑐᖁᖓᔪᓂᑦ ᒪᑭᓯᒪᕗᖅ, ᓯᕗᓪᓕᕐᐹᖑᕗᕐᓗ ᑐᖁᓯᒪᔪᓄᑦ ᑕᒤᓐᓄᑦ ᒪᓕᒐᒃᓴᐅᖁᓪᓗᒍ. 21ᓲᕐᓗᑦᑕᐅᖅ ᑐᖁ ᐱᒋᐊᕐᓯᒪᖕᒪᑦ ᐃᓄᒃᑯᑦ; ᑍᒫᒃᑕᐅᖅ ᑐᖁᖓᔪᓂᑦ ᒪᑭᕝᕕᒃᓴᖅ ᐱᒋᐊᕐᑎᑕᐅᓯᒪᒋᕗᖅ ᐃᓄᒃᑯᑦ. 22ᓲᕐᓗ ᐋᑕᒥᒃᑯᑦ ᐃᓄᓕᒫᑦ ᑐᖁᑎᑕᐅᓯᒪᖕᒪᑕ, ᑍᒫᒃᑕᐅᖅ ᙭ᔅᑑᓯᒃᑯᑦ ᐃᓄᓕᒫᑦ ᒪᑭᑎᑕᐅᔪᒫᕐᐳᑦ. 23ᑕᒪᕐᒥᒡᓕ ᐊᑐᓂᑦ ᐱᕕᒃᓴᒥᒍᑦ ᑐᖓᓕᕇᒋᐊᖃᕐᓂᕆᔭᑎᒃ ᒪᓕᒡᓗᒍ ᒪᑭᑎᑕᐅᔪᒫᕐᐳᑦ: ᙭ᔅᑑᓯ ᓯᕗᓪᓕᕐᐸᐅᓯᒪᖕᒪᑦ; ᑭᖑᓂᖓᒍᑦ ᙭ᔅᑑᓯ ᑎᑭᑉᐸᑦ ᐱᒋᔭᖏᑦ ᒪᑭᑦᓱᒫᕆᕗᑦ. 24ᑕᕝᕙ ᓯᓚᕐᔫᑉ ᐃᓱᐊ ᑎᑭᑦᓱᒫᕐᐳᖅ; ᙭ᔅᑑᓯᐅᓪᓗ ᑕᒪᕐᒥᒃ ᓵᓚᒋᓚᐅᕐᓗᒋᑦ ᐊᖓᔪᖅᑲᐅᓃᑦ ᐱᔪᓐᓇᕐᑎᑕᐅᓃᑦ ᐱᔪᓐᓇᕐᓂᐅᔪᓪᓗ, ᐊᑕᓂᐅᕕᒃ ᑐᓂᔪᒫᕐᐹ ᒎᑎᒧᑦ ᐊᑖᑕᒧᑦ. 25#ᐃᓐᖏᕈᑦ 110:1.ᐊᐅᓚᑦᓯᔭᕆᐊᖃᕐᐳᕐᓕ ᐊᑭᕋᕐᑐᕐᑎᖏᑦ ᑕᒪᕐᒥᒃ ᐃᑎᒐᖏᑕ ᐊᑖᓄᑦ ᐱᑎᑕᐅᓚᐅᖏᓐᓂᖏᓐᓂ. 26ᐊᑭᕋᕐᑐᕐᑎᐅᑉ ᑭᖑᓪᓕᕐᐹᖓ ᓵᓚᐅᔭᕆᐊᖃᕐᑐᖅ ᑕᕝᕙ ᑐᖁ. 27#ᐃᓐᖏᕈᑦ 8:6.“ᒎᑎᐅᑉ ᓱᓇᓕᒫᑦ ᐃᑎᒐᖏᑕ ᐊᑖᓄᑦ ᐱᑎᑉᐰᑦ.”#15:27 ᐃᓐᖏᕈᑦ 8:6 ᓇᓗᓇᖏᑦᓯᐊᕐᐳᖅ ᐅᓇ ᐅᖃᐅᓯᐅᑎᓪᓗᒍ “ᓱᓇᓕᒫᑦ,” ᒎᑎ ᐱᖃᓯᐅᑦᔭᐅᖏᒻᒪᑦ, ᙭ᔅᑑᓯᐅᑉ ᐃᑎᒐᖏᑕ ᐊᑖᓄᑦ ᐱᑎᑦᓯᒐᒥ. 28ᒎᑎ ᑍᒫᒃ ᐱᑎᑦᓯᒍᓂ, ᑕᕝᕙ ᐃᕐᓂᖅ ᒎᑎᐅᑉ ᐊᑖᓄᑦ ᓇᖕᒥᓂᖅ ᐱᑎᓐᓂᐊᕆᕗᖅ, ᑖᑦᓱᒪ ᐊᑖᓄᑦ ᐱᑎᑦᓯᓯᒪᔪᒧᑦ, ᒎᑎ ᓱᓇᓕᒫᓄᑦ ᐊᐅᓚᑦᓯᔨᐅᓕᖁᓪᓗᒍ.
29ᑐᖁᖓᔪᑦ ᒪᑭᕝᕕᒃᓴᖃᖏᑉᐸᑕ, ᖃᓄᖅ ᐱᒐᔭᕐᐸᑦ ᐹᑉᑎᑕᐅᔪᑦ ᑐᖁᖓᔪᑦ ᐱᑦᔪᑎᒋᓪᓗᒋᑦ? ᓱᖕᒪᓪᓗ ᐃᓄᐃᑦ ᐹᑉᑎᑕᐅᒐᔭᕐᐹᑦ ᑐᖁᖓᔪᑦ ᐱᑦᔪᑎᒋᓪᓗᒋᑦ? 30ᓱᖕᒪᓪᓕ ᐃᑲᕐᕋᑕᒫᑦ ᑲᑉᐱᐊᓇᕐᑐᒦᑉᐸᒃᐱᑖ? 31ᐃᓚᒃᑳ ᓇᓗᓁᕐᓯᓕᕐᐳᖓ, ᓂᕐᑐᕈᑎᒋᒐᑦᓯ ᙭ᔅᑑᓯ ᔩᓱᓯᒥ ᐊᑕᓂᑦᑎᓐᓂ, ᖃᐅᑕᒫᑦ ᑐᖁᒧᑦ ᐊᑐᐃᓐᓇᐅᖏᓐᓇᕐᐳᖓ! 32#ᐂᓮᐊᓯ 22:13.ᑐᖁᖓᔪᓪᓕ ᒪᑭᕝᕕᒃᓴᖃᖏᑉᐸᑕ, ᓱᓇᒥᒡᓕ ᑍᒪ ᐱᕙᓪᓕᕈᑎᖃᕐᐳᖔ? ᐃᓄᑐᐃᓐᓇᐅᑉ ᐃᓕᖅᑯᓯᖓᒍᑦ, ᐆᒪᔪᑎᑐᑦ ᐃᕐᓯᓇᕐᑐᑎᑐᑦ ᐃᓕᖅᑯᓯᓕᖕᓂᒃ ᐅᓇᑕᓚᐅᕋᒪ ᐃᐱᓲᓯᒥ, ᐅᖃᐅᓯᕐᑕᖃᕐᒪᑦ, “ᓂᕆᓕᕐᑕ ᐃᒥᕐᓗᑕᓗ ᖃᐅᒃᐸᑦ ᑐᖁᓛᕋᑦᑕ.”#15:32 ᐂᓮᐊᓯᑦ 22:13
33ᑕᒻᒪᕐᑎᑕᐅᓂᐊᕋᓯ: “ᐱᐅᖏᑦᑐᓕᔪᓂᒃ ᐃᓚᖃᖃᑦᑕᕐᓂᖅ ᐃᓕᖅᑯᓯᑦᓯᐊᕙᖕᒥᒃ ᐊᓯᕈᐃᕗᖅ.” 34ᐃᓱᒪᑖᑦᓯᐊᓚᐅᕆᑦᓯ, ᐊᔪᕐᑐᓕᔪᓐᓃᕐᓗᓯᓗ. ᐃᓚᖏᑦ ᒎᑎᒥᒃ ᖃᐅᔨᒪᖏᒻᒪᑕ. ᑍᒤᓕᕗᖓ ᑲᓐᖑᓱᒃᑎᑕᐅᖁᓪᓗᓯ.
ᑎᒥᐅᑉ ᒪᑭᓐᓂᖓ
35ᐊᐱᕆᔪᖃᕋᔭᕐᐸᓪᓕ, “ᖃᓄᖅ ᑐᖁᖓᔪᑦ ᒪᑭᑦᓱᒫᕐᐹᑦ? ᖃᓄᐃᑦᑐᒥᒡᓗ ᑎᒥᑖᕈᒫᕐᐹᑦ?” 36ᓯᓔᑦᑐᐊᓘᕗᓯ! ᐱᕈᕐᓯᐊᒃᓴᑦ ᓄᓇᒧᑦ ᑲᓐᖓᕐᓲᑎᒋᔭᓯ ᐆᒻᒪᕐᓂᐊᓐᖏᓚᑦ ᑭᓯᐊᓂ ᑐᖁᓚᐅᕐᓗᑎᒃ ᐆᒻᒪᕋᔭᕐᐳᑦ. 37ᐱᕈᕐᓯᐊᒃᓴᒥᒃ ᓄᓇᒧᑦ ᑲᓐᖓᕐᓱᐃᔭᕌᖓᑦᓯ ᐱᕈᕐᓯᒪᑲᐅᑎᒋᔪᒥᒃ ᐃᓕᓯᕙᖏᓐᓇᑦᓯ, ᐱᕈᕐᓯᐊᒃᓴᑐᐃᓐᓇᕐᒥᒡᓕ ᐃᓕᓯᕙᒃᐳᓯ, ᐃᒻᒪᖄ ᓂᐊᖂᔭᒃᓴᒥᒃ ᐊᓯᐊᓂᒡᓘᓐᓃᑦ. 38ᒎᑎᐅᓪᓕ ᐱᕈᕐᓯᐊᖅ ᑎᒥᑖᕐᑎᑉᐹ ᐃᓱᒪᒥᓂᒃ; ᐱᕈᕐᓯᐊᒃᓮᓪᓗ ᐊᑐᓂᑦ ᐊᑦᔨᒌᖏᑦᑐᓂᒃ ᑕᐅᑦᑐᖃᕐᑎᓪᓗᒋᑦ ᐱᕈᕐᑎᑉᐰᑦ.
39ᑎᒥᖃᕐᑐᓕᒫᑦ ᐊᑦᔨᒌᖏᒻᒪᑕ; ᐃᓄᐃᑦ ᐊᑦᔨᒌᒥᒃ ᑎᒥᖃᕐᐳᑦ, ᐅᒫᔪᐃᑦ ᐊᑦᔨᒋᓐᖏᑕᖓᓂᒃ ᑎᒥᖃᕐᐳᑦ, ᑎᖕᒥᐊᓪᓗ ᐊᑦᔨᒋᓐᖏᑕᖓᓂᒃ ᑎᒥᖃᕐᐳᑦ, ᐃᖃᓗᐃᓪᓗ ᐊᑦᔨᒋᓐᖏᑕᖓᓂᒃ ᑎᒥᖃᕆᓪᓗᑎᒃ.
40ᕿᓚᖕᒥᐅᑦ ᐊᑦᔨᒋᓐᖏᑕᖓᓂᒃ ᑎᒥᖃᕐᐳᑦ ᓄᓇᒥᐅᓪᓗ ᐊᑦᔨᒋᓐᖏᑕᖓᓂᒃ ᑎᒥᖃᕆᓪᓗᑎᒃ; ᕿᓚᖕᒥᐅᑦ ᑎᒥᖏᑦ ᐃᒻᒥᒍᑦ ᑕᑯᒥᓇᕐᓂᖃᕐᐳᑦ, ᓄᓇᒥᐅᓪᓗ ᑎᒥᖏᑦ ᐊᓯᐊᓂᒃ ᑕᑯᒥᓇᕐᓂᖃᕆᓪᓗᑎᒃ. 41ᓯᕿᓂᖅ ᐃᒻᒥᒍᑦ ᑕᑯᒥᓇᕐᓂᖃᕐᒪᑦ, ᑕᖅᑭᕐᓗ ᐃᒻᒥᒍᑦ ᑕᑯᒥᓇᕐᓂᖃᕆᓪᓗᓂ, ᐅᓪᓗᕆᐊᓪᓗ ᐃᒻᒥᒍᑦ ᑕᑯᒥᓇᕐᓂᖃᕆᓪᓗᑎᒃ; ᐅᓪᓗᕆᐊᓪᓗ ᐊᒡᓛᑦ ᐊᑐᓂᑦ ᐊᑦᔨᒌᖏᑦᑐᓂᒃ ᑕᑯᒥᓇᕐᓂᖃᕆᓪᓗᑎᒃ.
42ᑍᒤᑦᓱᒫᕐᐳᑦᑕᐅᖅ ᑐᖁᖓᔪᑦ ᒪᑭᓕᕈᑎᒃ. ᑎᒥ ᐃᓕᔭᐅᕗᖅ ᓄᓇᒧᑦ ᐱᑐᖄᓘᓕᓱᖑᓪᓗᓂ, ᒪᑭᓕᕈᓂ ᐱᑐᖃᕈᕈᓁᓕᔪᒫᕐᐳᖅ. 43ᑕᑯᒥᓇᖏᑦᑐᖅ ᐃᓕᔭᐅᓕᕐᐳᖅ, ᑕᑯᒥᓇᕐᑐᕐᔪᐊᖑᓕᕐᓗᓂᓗ ᒪᑭᑦᓱᒫᕐᐳᖅ. ᓴᓐᖐᑦᑐᓪᓗᓂ ᐃᓕᔭᐅᓕᕐᐳᖅ, ᐱᔪᓐᓇᕐᓂᖃᓕᕐᓗᓂᓗ ᒪᑭᑦᓱᒫᕐᐳᖅ. 44ᓄᓇᒧᑦ ᐃᓕᔭᐅᒐᒥ ᐃᓄᑐᐃᓐᓇᐅᑉ ᑎᒥᒋᕚ; ᒪᑭᒃᑯᓂᓕ ᐊᓂᕐᓂᐅᓗᓂ ᑎᒥᐅᓕᕈᒫᕐᐳᖅ. ᐃᓄᑐᐃᓐᓇᐅᑉ ᑎᒥᖓᓂᒃ ᐱᑕᖃᕐᐸᑦ, ᐊᓂᕐᓂᕐᒥᑦᑕᐅᖅ ᑎᒥᒥᒃ ᐱᑕᖃᕆᕗᖅ. 45#ᒨᓯᓯ ᓯᕗᓪᓖᑦ 2:7.ᐃᒫᒃ ᑎᑎᕋᕐᓯᒪᖕᒪᑦ, “ᐋᑕᒥ ᓯᕗᓪᓕᖅ ᐆᒻᒪᕐᑎᑕᐅᓚᐅᕐᐳᖅ ᑎᒥᖃᕐᓗᓂ”; ᐋᑕᒥᓕ ᑭᖑᓪᓕᖅ ᐊᓂᕐᓂᒃᑯᑦ ᐃᓅᓯᕐᑖᕐᑎᑦᓯᕗᖅ. 46ᐊᓂᕐᓂᒃᑯᑦ ᐃᓅᓯᖅ ᐱᒋᐊᖅᑳᕐᓯᒪᓐᖏᓚᖅ ᐃᓅᓪᓕ ᑎᒥᖓ, ᑭᖑᕐᖓᒍᑦ ᐊᓂᕐᓂᒃᑯᑦ ᐃᓅᓯᖅ. 47ᐃᓄᒃ ᓯᕗᓪᓕᖅ ᓄᓇᕐᔪᐊᒥᑦ ᐱᓯᒪᕗᖅ, ᐃᑦᔪᒥᑦ#15:47 ᓯᕐᒥᒥᑦ ᐱᓪᓗᓂ; ᐃᓄᒡᓕ ᑭᖑᓪᓕᖅ ᕿᓚᖕᒥᑦ ᐱᓯᒪᕗᖅ. 48ᓄᓇᒥᐅᑍᑦ ᐃᑦᔪᒥᑦ#15:48 ᓯᕐᒥᒥᑦ ᓴᓇᔭᐅᓯᒪᔪᒥᒃ ᐊᑦᔨᖃᕐᐳᑦ; ᕿᓚᖕᒥᐅᑍᓪᓗ ᕿᓚᖕᒥᑦ ᐱᓯᒪᔪᒥᒃ ᐊᑦᔨᖃᕆᕗᑦ. 49ᓲᕐᓗᑦᑕᐅᖅ ᐃᑦᔪᒥᑦ#15:49 ᐃᑦᔪᒥᑦ ᐅᕝᕙᓗ ᓄᓇᒥᑦ ᓴᓇᔭᐅᓯᒪᔪᖅ ᐊᑦᔨᒋᒐᑦᑎᒍ, ᑍᒫᒃᑕᐅᖅ ᕿᓚᖕᒥᑦ ᐱᓯᒪᔪᖅ ᐊᑦᔨᒋᔪᒫᕆᕙᕗᑦ.
50ᓇᓗᓁᕐᓯᕕᒋᕙᑦᓯ ᐃᓚᒃᑳ, ᑎᒥ ᐊᐅᖃᕐᑐᖅ ᑭᖑᕐᖑᑦᔨᔪᓐᓇᖏᒻᒪᑦ ᒎᑎᐅᑉ ᐊᑕᓂᐅᕕᖓᓂᒃ, ᓱᕈᔭᑦᑐᕐᓗ ᑭᖑᕐᖑᑦᔨᔪᓐᓇᖏᓐᓂᕗᖅ ᓱᕈᕈᓐᓇᖏᑦᑐᒥᒃ.
51 #
1 ᑎᓴᓗᓁ 4:15-17. ᑕᑯᒋᑦ ᓇᓗᓇᕐᑐᒥᒃ ᐅᖃᐅᑎᕙᑦᓯ; ᑕᒪᑦᑕ ᑐᖁᓂᐊᓐᖏᓚᒍᑦ, ᑕᒪᑦᑕᓕ ᐊᓯᑦᔨᕐᑕᐅᔪᒪᕐᐳᒍᑦ, 52ᐃᔨᐅᑉ ᓯᑯᓐᖏᓪᓚᖕᓂᖓᑐᑦ ᕿᓚᒻᒥᐅᑎᒋᔪᒥᒃ, ᑎᑦᑐᓚᐅᑦ ᑭᖑᓪᓕᕐᐹᖅ ᓂᓪᓕᕐᐸᑦ. ᑎᑦᑐᓚᐅᑦ ᓂᓪᓕᑐᐊᕐᐸᑦ, ᑐᖁᖓᔪᑦ ᒪᑭᑦᓱᒫᕐᐳᑦ ᓱᕈᔭᑦᑑᔪᓐᓃᕐᓗᑎᒃ, ᐅᕙᒍᓪᓗ ᑕᒪᑦᑕ ᐊᓯᑦᔨᕐᑕᐅᔪᒫᕐᐳᒍᑦ. 53ᓱᕈᔭᑦᑐᖅ#15:53 ᓱᕈᔭᑦᑐᖅ - ᓱᒃᑯᕈᐊᕐᑐᖅ ᐊᒻᒪᓗ ᓱᕈᔪᐃᑦᑐᒥᒃ - ᓱᒃᑯᖃᔭᖏᑐᒥᒃ ᐊᑎᓯᔭᕆᐊᖃᕐᒪᑦ ᓱᕈᔪᐃᑦᑐᒥᒃ; ᑐᖁᔭᑦᑐᕐᓗ ᐊᑎᓯᔭᕆᐊᖃᕆᕗᖅ ᑐᖁᔪᓐᓇᖏᑦᑐᒥᒃ. 54#ᐂᓮᐊᓯ 25:8.ᓱᕈᔭᑦᑐᕐᓕ ᓱᕈᔪᐃᑦᑐᒥᒃ ᐊᑎᓯᑎᑕᐅᒃᐸᑦ, ᑐᖁᔭᑦᑐᕐᓗ ᑐᖁᓱᐃᑦᑐᒥᒃ ᐊᑎᓯᑎᑕᐅᒃᐸᑦ, ᑕᕝᕙ ᑎᑎᕋᕐᓯᒪᔪᑦ ᓇᓪᓕᐅᑎᔪᒫᕐᐳᑦ ᐃᒤᓕᔪᑦ:
“ᑐᖁ ᐄᔭᐅᕗᖅ ᓵᓚᖃᕐᓂᕐᒧᑦ.”
55 #
ᕼᐆᓯᐊ 13:14. “ᑐᖂ, ᓇᐅᒡᓕ ᓵᓚᖃᕐᓃᑦ?
ᑐᖂ, ᓇᐅᒡᓕ ᐋᓐᓂᐊᑎᑦᓯᓃᑦ?”
56ᑐᖂᑉ ᐊᓐᓂᐊᑎᑦᓯᓂᖓ ᐱᔪᓐᓇᐅᑎᖃᕐᒪᑦ ᐊᔪᕐᓂᕐᒥᒃ, ᐊᔪᕐᓂᕐᓗ ᐱᔪᓐᓇᐅᑎᑖᕐᒪᑦ ᐱᖁᔭᓂᑦ, 57ᒎᑎᓕ ᖁᔭᒋᔭᐅᓕ, ᓵᓚᖃᕐᑎᒻᒪᑎᒍᑦ ᐊᑕᓂᑦᑎᒍᑦ ᔩᓱᓯ ᙭ᔅᑑᓯᒃᑯᑦ.
58ᑍᒤᒻᒪᑦ ᐃᓚᒃᑳ, ᓱᕐᕋᔪᐃᑦᑑᓗᓯ ᓇᖏᕆᑦᓯ, ᓱᓇᑐᐃᓐᓇᕐᒧᑦ ᐊᐅᓚᑕᐅᓕᕐᑍᓕᓗᓯ, ᐃᓕᑦᓯᓐᓂᒃ ᑍᒪᓐᖓᑦ ᑐᓂᓯᒪᓗᓯ ᐊᑕᓂᐅᑉ ᐱᓇᓱᐊᕐᓂᖓᓄᑦ, ᖃᐅᔨᒪᒐᑦᓯ ᐱᓇᓱᐊᕐᓂᓯ ᐊᑕᓂᕐᒥ ᑕᒪᐅᖓᑐᐃᓐᓈᕐᑐᖃᕐᓂᐊᖏᒻᒪᑕ.
S'ha seleccionat:
ᑯᕆᓐᑎᐊᒥᐅᓄᑦ ᓯᕗᓪᓖᑦ 15: EAIB
Subratllat
Copia
Compara
Comparteix
Vols que els teus subratllats es desin a tots els teus dispositius? Registra't o inicia sessió
Eastern Arctic Inuktitut Bible © Canadian Bible Society, 2012, 2021-2023.