Malaki 4
4
Shaka sha Mtuwa Mlungu shakwiza
1“Mtuwa Mlungu yakana makakala goseri kalonga, Mloli lishaka lyakwiza, lyeni liyaka handa tanuli. Yawana Mtiti na wakontola woseri hawasilwi amu na kulungula handa makota gayuma, hawalungulili tolosu.” 2Kumbiti kwa mwenga yamunguwira, uwezu wa kuwalopola hawuwalawili handa mshenji na kuwaponiziya. Hamlawi pamgulukaguluka handa mwana gwa ng'ombi yakalawa mulizizi lyakuyi. 3“Mtuwa Mlungu gwa mashonta kalonga hangu, lishaka ali hamuwatimbangi wakontola, nawomberi hawaweri handa malivu pasi na magulu genu. Nonga neni Mtuwa Mlungu gwa mashonta.”
4Mliholi lagiru lya ntumintumi gwangu Musa, amri na lagiru zyanimpanananiti aku Horebu kwajili ya wantu woseri wa Israeli.
5Guloli, haniwajegeri mbuyi Eliya pamberi pa kwiza lishaka lilii yaliwera likulu na lyakutiriziya lya Mtuwa. 6Haniyigalambuli miyoyu ya watati iweri kwa wana wawu na miyoyu ya wana iweri kwa watati wawu, hera hangu hanizi kuyikomanga isi kwa pangira.
The Bible version in the Pogoro Language. @The Word for The World International and Pogoro Language translation. All rights reserved.