मत्ती 7
7
उरुलाई माडोसैने
लुका ६:३७,३८,४१,४२
1“उरुरंलाई डोसि टाठहरैच्योरं, होकाम जे पनि डोसि टाने जेमले। 2कडालेकं जे उरुरंलाई कैजैडे जेडोसैरंये हैजैडेज़ जे पनि डोसि टानेजेले। जो झैडे जे जेफोये जे पनि हैजैडेज़ फोडे डैनेजेले।#मर्कुस ४:२४ 3नभाइलो उमिलङला लिज़्याव खा कडि नर:ङज़्याव, नङ नमिलंङला मोन्डा उलिज़्याव ठा माले? 4नङ नमिलंङलंज़ मोन्डा यालेखेभने नभाइलाई कैजैडे हैनडोडु, ‘नमिलंङला खा ङाहाइड्यान हैनंडो?’ 5ए कैफटि, ङा:डे नमिलंङला मोन्डा हाइ, होकाम नभाइलो उमिलङला खा चावसं र:ङडे हाइने नले। 6चोखो लेव बस्त का:रंलाई टायाच्योरं। जेमोतीरं वोराई याङा:कं टाख्याच्यो, मानि नोराई याखङये सिरंके होकाम वोल्डे जेलाई छुपिच्योरंके।”
नि:च्यो, खिमच्यो होकाम डैनेजेले
लुका ११:९-१३
7नि:च्यो जेलाई परमेस्वरये यानेले, खिमच्यो डैनेजेले, घच-घच झैच्यो जेलागिटं फैसिनेले। 8कडालेकं जोये नि:व, होलाई परमेस्वरये योव, जोये खिमो, होये डोयो, जोये घच-घच झोयो, होलो ओलागिटं झला फैसिनेले। 9जेलाम काङ्का मी ची टाकेडं, ओज़ाये बरे उनी:कं होलाई लुङ योवके? 10सै ङा: उनी:कं नोलाई गुल योवके? 11हैजैडे जे माचाव मीरं टाडे पनि जेज़ारंलाई चाव बस्त याने जेसनये भने, स्वर्गटा लेने जेबाबुये ओल्स नि:नेरंलाई खाडंङ चाव बस्त योवरंके? 12मीराई जेलाई खैटाव चाव गडाच्योरंकं वार्ने जेसुन्चिये, जे पनि होरंलाई हैटाव चावज़ डोच्योरं, कडालेकं मोसालो ओन्याम सोनो अगमबक्ताराई यापैज़्याव खास रो: आवज़।
साङगोरो सोनो घ्योव झला
लुका १३:२४
13“साङगोरो झलालाम पसिच्यो, कडालेकं नास टानेडे नाने झला घ्योव, सोनो सजिलो टाये, होकाम आवलाम पसिनेरं बनै भ्या लेरं। 14कडालेकं जीबनलं केने झला साङगोरो टाये होकाम येम अप्ठारो टाये, नोये जीबन लेवङं केव, होकाम नो येम डैनेरं ठोकोज़ाज़ टारंये।”
टोबो सिङ सोनो ओसै
लुका ६:४३-४४; १३:२५-२७
15“झुठा अगमबक्तारासं जोगिडे लेच्यो, नोराई जे लेवकं भेडारं मान्टि झैसिडे रारंये, होसोनो उज्युङलाम छे-छे ङप्सिव ब्वाङसारं स्यानाव टारंये। 16जे नोरंलाई याडोव याये:नटाम सरे:नेरंजेले। कडा ज़ुलो ओघार्ट अङ्गुर सैये डोरो? न ज़ुलो उसिङटं डी सैये। 17हैजैडे स्यान्टै चाव सिङटं चावज़ सैये। होसोनो माचाव सिङटं माचावज़ सैये। 18चाव सिङटं माचाव सै मासैये, न माचाव सिङटं चाव सै सैये। 19चाव मासैने स्यान्टै सिङरंलाई पल्डे ढलैसिये, होकाम मे:लं ख्यासिये। 20ऐझैडे नो अगमबक्तारंलाई याडोव ये:नटाम सरे:नेरंजेले।”
21“ङालाई याया:ये ‘ए प्रभु, ए प्रभु’ हैवार्ने स्यान्टैरं परमेस्वरलो ओराज्यलं मानारं। स्वर्गटा लेने ङाबाबुलो उयुङला रो: ठैने मीयेयाज़ नावडोयो। 22होबेलाकं बनै भ्या मीराई ङालाई हैडानेलेरं, ‘ए प्रभु, ए प्रभु, कडा गे नमिन्ट अगमबानी गेपाङो माङ्क डोरो? नमिन्ट ज़्या:रं गेखेपोयोरं माङ्क डोरो? होकाम नमिनङाम बनै सक्तिला ये:न गेडोव माङ्कडोरो?’ 23होबेलाकं ङा नोरंलाई हैडोनेरंङाले, ए माचाव ये:न डोनेरं, ङा जेलाई ङाम्सरेच्योये। आकाम होडे नाच्यो।”
ज़ी:म झैने नेबऱ्याङ मीनि
लुका ६:४७-४९
24“डस्साज़, ङा हैङावारो आव रो: ठैडे मानिने मी के उज़ी:म पहरलो ओटर्ट झैने उबुड्डि लेव मी स्यानाव टाये। 25नमं वाडे, भलं ओराव, बतासं उचलिव होकाम हो ज़ी:मलाई उहुटोयो, हैटानि पनि नो ज़ी:म माढलिये। कडालेकं नो पहर टर्ट झैसिव लेव। 26जोये आव ङापाङ ठैडे पनि हो अनसार माडोव, होलाई टोबो मुर्ख मीसं डान्जिसिये, जोये उज़ी:म बलौटं टर्ट ओझोयो। 27नमं ओवाव, होकाम भलं ओराव, बतासं उचलिव होकाम नो ज़ी:मलाई उहुटोयो, होकाम नो ज़ी:म उढलिव, होकाम नो ज़ी:म बरबाड ओटाव।” 28येसुये आव रो: पाङडे ओखेमो पान्त्रा बनै भ्या मीराई होये ओपोयो ठैडे अचम्ब याटाव। 29कडालेकं येसुये होरंलाई न्याम पैने मीराई मान्टि माङ्क, बुरु अढिकार डोयो मी मान्टि लेडे ओपैज़्यावरं।
S'ha seleccionat:
मत्ती 7: NTWMK25
Subratllat
Comparteix
Compara
Copia
Vols que els teus subratllats es desin a tots els teus dispositius? Registra't o inicia sessió
The New Testament Books in Wale Magar Kham Language © The Word for the World International and Wale Magar Kham Translation Project, Nepal, 2025