मत्ती 28
28
येसु सिवलाम ज्युङडा ओटाव
मर्कुस १६:१-१०; लुका २४:१-१२; युहन्ना २०:१-१०
1ना:सिने छ्यामलो उझिन्टा छ्याम सातालो पैला डिन चिरुमिरु उज्यालो ओटाकं मरियम मग्डलिनी सोनो छुटं मरियमनि येसुलो ओखाडर र:ङने यानाव। 2घ्योव भुम्चाल ओनाव, कडालेकं घ्योव प्रभुलो टोबो ओकटंवाल स्वर्गटाम मेलं झरिडे राडे खाडरटा लुङ फैडे लुङटं उचुङसिव। 3नोलो उरुप गोङज़ा स्यानाव, ओक्वा पोम स्याव पलाङो लेव। 4नोलो ओछ्यासैये खाडर गुनेरं लग-लग यागुव होकाम सिव स्यानाव याटाव। 5होकाम स्वर्गटा कटंवालये नो मेमारंलाई हैओडोवर, “जे टाछेच्यो कडालेकं ङालाई ठा ले जे क्रुसटा टाङ्गिसिव येसुलाई जिखिमरिज़्याव। 6होके आकं माले, कडालेकं होये हैओवारो मान्टिवज़ ज्युङडा टाडे सोडेले। गराच्योके ओललाई गाडिसिव पो गर:ङच्योके। 7होकाम चानो नाडे उसिसरंलाई येसुके ज्युङडा ची टाडेले वार्डे सोर याच्योरं। होकाम येसु जे भन्डा पनि ङाडे गालीललं नारिज़्या। ङा जेलाई हैङाडाच्योज़्या जे येसुलाई गालीललं र:ङनेजेले।” 8होकाम नोरं छेव मान्टि न रेङो मान्टि लेडे खाडरलाम पुलुडे नेनाव। होकाम उसिसरंलाई पनि सोर योनाने ज़ो:ये-ज़ो:ये नेनाव। 9होकाम अम्ल्याङसानि येसुये नोरंलाई हैओडोवनि, “जेसं सान्ति ओलेकं” होकाम नोरं ओछ्योकं राडे ओखङ क्योडे ढो याडोव। 10होकाम येसुये नोरंलाई हैओडोवरं, “टाछेच्यो, नाडे ङाभाइरंलाई गालीललं गनाच्योके वार्डे हैडाच्योरं होकाम होराई ङालाई नलं र:ङनेलेर।”
चौकिडारराई यासोर
11नो मेमानि येम्ट निलिज़्याकं कोइ-कोइ चौकिडाररं सहरलं नाडे होला टाव घटनालो ओबारेलं मुख्या सेवा डोने मीरंलाई हैयाडोवरं। 12मुख्या सेवा डोने मीरं सोनो बुडा-पाकारं याडुप्सिव मान्त्रा, नोरं सल्ला डाडे सिफाइँरंलाई ऐ वार्डे भ्या पैसा यायोवरं, 13“जे ऐ वार्च्यो, गे ऐस्याडे गिलिज़्याव बेलाकं रिलं उसिसरं राडे नोलाई कुडे यालाङोची लेव। 14कैलेकं हाकिमलो ओनालं आव रो: याकेखे भने, गे हाकिमलाई सभन्डे जेलाई गेजोगैच्यो।” 15होकाम नोराई नो पैसा यारोयो, होकाम मुख्या सेवा डोने मीराई सोनो बुडा-पाका मीराई यापोयोरं अनसार हैयालेव होकाम यहुडीराई याखार्ल आजिकाल समं पनि आव रो:ज़ स्यानटैराई चलैरंये।
येसु उसिसरं लेवकं ओरो:नो
मर्कुस १६:१४-१८; लुका २४:३६-४९; युहन्ना २०:१९-२३; प्रेरित १:६-८
16येसुलो एघार जना उसिसरं गालीलला नो डान्डाटं यानाव, जोलं येसुये उसिसरंलाई नाने आग्या याडे ओनैज़्यावरं। 17नोराई येसुलाई र:ङडे ओखङटं फुलुप्सिडे ढो याडोव, कोइ-कोइराई सङ्खा याडोव। 18होकाम येसु नोराई लेवकं राडे हैओडोवरं, “स्वर्ग सोनो प्रिठीबीला स्यान्टै अढिकार ङालाई यासिवले। 19हैजैडे गनाच्योके नाडे स्यान्टै डेसला मीरंलाई जेसिस झैच्योरं, होकाम बाबु, ज़ा, सोनो चोखो आत्मालो उमिन्ट बप्तिस्मा याच्योरं। 20र:ङच्यो ङा जेलाई डोच्यो वार्डे हैङाडाच्योव स्यान्टै रो: मानिने नोरंलाई पैच्योरं। र:ङच्यो, स्यान्टै जुगु ओखेमो समं पनि एकसप्ड्या ङा जेसंज़ लेनेङाले।”
S'ha seleccionat:
मत्ती 28: NTWMK25
Subratllat
Comparteix
Compara
Copia
Vols que els teus subratllats es desin a tots els teus dispositius? Registra't o inicia sessió
The New Testament Books in Wale Magar Kham Language © The Word for the World International and Wale Magar Kham Translation Project, Nepal, 2025