मती 19
19
सेड़ो फाड़वा ने बारामा हिक
(मरकुस 10:1–12)
1ई वाती केवा बाद ईसु गलील हू यहुदिया परदेस ने यरदन नदी ने पेली हाड़े आजो। 2एक मुटी पीढ़ विय वणा वाहे थाई गई, जिय वणाय बिमारी हू होज किदअ त।
3वणाय परकवा ने हारू थुड़ाक फरीसी वणा कनी आजा नी केजू, “हूं थाई हके के कणु बी आपड़े बयीरी ने कणी बी वजहू सेड़ो फाड़वो सई हे?”
4उतर आलतो थकण ईसुई केजू, “हूं तमय सासतर मा नीं पणजू के, दनिया बणावणा वालाय सरूआत मा, ‘आदमी नी बयीरी बणावजअ?’ 5नी फेर बी केजू, ‘अणी वजहू आदमी आपड़े आई बाप ने सुड़ीनी पोता ने बयीरी हाते रेहीं नी व बे जणअ एक सरीर थाहीं।’ 6एवअ व बे नीं, पण एक सरीर हे। तणी जणाय परमेसवर ने जुडजा हे, वणाय मनका अलग नीं करी।”
7 #
मती 5:31
वणय वणा हू केजू, “पसे मुसाय ऐवो हय हुकम आलजो के, विने सेड़ो फाड़वा ने कागदू लकीनी सुड़ी दिवान?”
8ईसुई वणहू केजू, “मुसाए तमारे मन ने काठु करवा ने वजहू तमय आपड़े बयीरी सुड़वानो हुकम आलजो, पण सरूआत मा एवू नीं तु। 9#मती 5:32; 1 कुरि 7:10,11नी मुँ तमय हू कऊँ हूँ के, कणु सिनाली ने अलावा कणी बिजी वजहू आपड़े बयीरी ने सुड़ीनी बिजी हू पन्णी जाए ते, वी सिनाली करे हे।”
10अणी वात माते सेलाय वणा हू केजू, “अगर एक आदमी ने बयीरी हाते एवो रिसतो वे ते पन्णेवूस हाऊ नीं हे।”
11पसे ईसुई वणहू केजू, “हर कणु यो उपदेस मानी नीं हके, बस वस अणा उपदेसे मानी हके हे जणे यू दान मलजू हे। 12केमके थुड़ाक एवअ हे, जी आपड़े आई ने पेट मा हूस नपुंसक पेदा थाजा हे नी थुड़ाक एवअ हे जी मनका नपुंसक बणावी दिदा हे। नी थुड़ाक एवअ हे जी हरग ने राज ने वजहू नीं पणवान ने फेसलो किदो। जी अणा वसन ने मानी हके वा अणाय माने।”
सुरय आसिरवाद आलवू
(मरकुस 10:13–16; लूका 18:15–17)
13पसे थुड़क मनका सुरय ईसु कनी लाजअ, ताकि वी वणे सुरय आसिरवाद आले नी वणने हारू परातना करे। पण सेला वणय वलगवा लागा। 14अणी वात माते ईसुई आग्या आलीनी केजू, “सुरय मय कनी आवणा दिओ, अणय नकी रूको, केमके हरग ने राज एवअनुस हे।”
15नी पसे ईसुई सुरअ माते आत मेलवा बाद, वी विय हू जातो रेजो।
एक धनवान मनक ने सवाल
(मरकुस 10:17–31; लूका 18:18–30)
16विय एक आदमी ईसु कनी आजो नी केजू, “हे गरू, अनन्त जीवन पावा ने हारू मय केवू हाऊ काम करवू जुजे?”
17ईसुई वणाहू केजू, “हाऊ हूं हे, अणा बारामा मय हू हय पुसी रेजो हे? केमके मुटो ते बस परमेसवरूस हे, फेर बी अगर तु अमर जीवन मा जावा साहे ते तु विने हुकम ने पाळण कर।”
18वणाय ईसु हू पुसयू, “किओ हुकम?”
तेरे पसे ईसुई केजू, “अतया नकी करो, सिनाली नकी करो, सुरी नकी करो, जुटी गवाई नकी आलो, 19आपड़े आई बाप ने कदर करो नी जेम तु आपड़े पोता हू परेम करे हे इमुस तु आपड़े पड़ोसी हू बी परेम कर।”
20वणाय ईसु हू केजू, “मुँ ई हेती वाती ते मानतो आजो हूँ, एवअ मय मा कणी वात ने कमी हे?”
21ईसुई वणाहू केजू, “अगर तु पाको बणवा साहे ते जी कई तय कनी हे, जाईनी वणाय गरीब मा वाटी दे, ताकि तय हरग मा हासु धन मलहीं। नी आवीनी मारे वाहे थाई जा।”
22पण वणा मुटजाड़ाय यू हबलजू ते वी कईक दुकी थाईनी जातो रेजो, केमके वी कईक धनवान तो।
23ईसुई आपड़े सेलो हू केजू, “मुँ तमय हासु कऊँ हूँ के, एक धनवान ने हरग ने राज मा जावू कईक काठु हे। 24हा, मुँ तमय हू कऊँ हूँ के, परमेसवर ने राज मा कणाक पुजी वाला ने जावा हू एक ऊट ने हुई ने नाका मा हू निकली जावू सरल हे।”
25यू हबलीनी सेला कईक सकित थाईनी केजू, “ते फेर किने वसाव थाई हके हे?”
26ईसुई वणने हाड़े जुतो थकण केजू, “मनका हू ते यू नीं थाई हके हे पण परमेसवर हू हेतु थाई हके हे।”
27उतर मा पतरसे वणाहू केजू, “जू, अमअ ते हेतुस सुड़ीनी तारे वाहे थाई गिया ह, ते अमय हूं मलहीं?”
28 #
मती 25:31;
लूका 22:30
ईसुई वणहू केजू, “मुँ तमय हू हासु कऊँ हूँ के, नवा जुग मा जेरे मुँ मनक ने सुरो मारे मईमामय ने आसन माते बेहीं, तेरे तमय बी जी मारे वाहे हिड़ो हो बारा आसन माते बेहिनी इज़रायेल ने बारा अटक ने न्याव करवा ने अदिकार थाहीं। 29नी मारे नाम ने हारू जणाय बी सगा पाई बेन या आई बाप या घेर बार या सुरअ या खेतर सुड़ी दिदा हे व हो गुणा वदार पाहीं। नी हरग मा अनन्त जीवन ने हकदार थाहीं। 30#मती 20:16; लूका 13:30पण कईक जिया अबार पेला हे वा वाहे थाई जाहीं, नी कईक जी वाहला हे पेलका थाई जाहीं।”
S'ha seleccionat:
मती 19: WBR
Subratllat
Comparteix
Compara
Copia
Vols que els teus subratllats es desin a tots els teus dispositius? Registra't o inicia sessió
© 2023 NLCI
CC BY-NC-ND 4.0