Psalms 27
27
PSALM XXVII.
The Lord himlane’s baith houss an’ ha’ till David; airts him weel an’ hauds him livin: an’ siclike is he ay, till a’ wha lippen till himsel.
Ane o’ David’s.
1The Lord is my light#Ps 84:11; Isaiah 60:19, 20; Micah 7:8 an’ my lown; o’ wham sal I be fley’d? The Lord is the stoop#Ps 118:6, 14 o’ my life, o’ wham sal I hae dread?
2Till eat my flesh whan ill-doers wan heigh; faes o’ my ain, an’ ill-willers eke; they stacher’d themsels, an’ cam laigh.
3Tho’ ane host#Ps 3:6 war raiket fornenst me, my heart suld be steerit nane; tho’ war suld wauken again me, till this I wad lippen mylane.
4Ae thing frae the Lord hae I sought;#Ps 26:8 an’ the like I maun warsle to win: till bide i’ the houss o’ the Lord, a’ days o’ my life to rin; till glow’r on the skance#Ps 90:17#27:4 Heb. lo’esome light. o’ the Lord, an’ till spier in his ain halie hame.
5For mysel in his howff he sal hap, i’ the day o’ dule an’ dree:#Ps 31:20; 83:3; 91:1 he sal biel’ me ben i’ his biggin then; on a craig he sal set me fu’ hie.
6Syne sae sal my head,#Ps 3:3 abune my faes, be lifted fu’ heigh roun a’; an’ gifts#27:6 Heb. slachtirins, or slachtirs. o’ glee in his houss I maun gie; till the Lord I maun lilt an’ blaw.
7Hearken, Lord, till my skreigh, an’ be gude till me; an’ speak hame till me, ay whan I cry.
8Quo’ my heart till yersel, Seek ye my face:#Ps 24:6; 105:4 yer face, Lord, seek maun I.#27:8 Right sae stans the Hebrew o’ this hail verse: David wad fain the Lord sought him, bot he maun e’en seek the Lord himsel ferst.
9Hide-na yer face frae me;#Ps 69:17 ding-na yer loon in wuth awa: my stoop are ye; forget-na me; nor mislippen me, God o’ my heal-ha’din a’.
10Tho’ my faither an’ mither loot me mylane,#Isaiah 49:15 the Lord himsel has me uptaen.
11Yer ain gate guide me, Lord; #Ps 25:4; 86:11; 119:33 an’ the road that’s soun’, for my ill-willers’ sake, weise me wi’ kind accord.
12O lippen me nane till my ill-willers’ braith:#Ps 35:25 for threepers o’ lies again me heis; an’ the giber#27:12 Heb. wha blaws out. that ettles skaith!
13O the gude o’ the Lord, i’ the lan’ o’ the live,#Ps 56:13; 116:9; 142:5 gin I had-na lippen’d till see!
14Bide ay on the Lord himlane; #Ps 31:24; 130:5; Isaiah 25:9 be bauld, an’ yer heart sal thrive: e’en sae, on the Lord bide ye!
S'ha seleccionat:
Psalms 27: SCOWAD
Subratllat
Comparteix
Compara
Copia
Vols que els teus subratllats es desin a tots els teus dispositius? Registra't o inicia sessió
Published as The Psalms: frae Hebrew intil Scottis in 1871.