LUKA 14
14
Yesu kotbo dutbo vo la tdakpe enga
1Ga kpakpa kpoa na kpakpa na momota bayudawo, wo embala tbo Yesu ya tonza tete ka ga kpoa ka gavo ka bafalisayi wo nga hun-zoo, tda bafalisayi wo hé ye la kpetda nga giye lango. 2Tda gavo kpoa me dabino mogbu ye no mela koni ngô. 3Yesu yinga bafalisayi wola wagomene na mobeko ka Moyize tboni: “Etde nga kotbo vo la kpakpa na momota bayudawo to le?” 4Wo dokpa tda Yesu iti ta voni, tda me kotbo, tda mego tonza tete kaye. 5Singanga Yesu hinga wo: “Tda zetiyo, no la kpakpa na momota bayudawo, no tdekaye to ngombe kaye no metè tonza bû tda meto botoye kiékié le na?” 6Tda wo tdenga dula gende tbeye so.
Gogomene la nga dola gugutbale la nga pomene.
7Tdakpeno Yesu hé vonino wo embala tbeye nga hun-zoo, wo banda nga gi dada na titili pa meza, megbo sapu waki: 8Tdakpeno wo embala tbowo tonza dada na fete ka wa samo, kale doto zu dada ko. Tdakpeno vono metdia tdo la titili no wo embala tbeye? 9Tdakpeno vono me tdia tdo la titili bo no meto bu, vono me embala tbiyo tbisi gbo, meto do ngamo, tda meto popomoye tbo, ho dada kamo tbovo waki. Tda kamo ya mo dopa kiti no ela titili tbale, no eto hatbo nomo. 10Tdakpeno wo embala tbo to fete, ya mo doto dada na singanga, kwale, tdakpeno vo nome embala tbo meto do, meto gbotbo, yakupinya, ya ngô mbembeyi, tda moto dola titili to tdavowo. 11Kwale, wonino woto hatawo la titili le Moome to towo go zipo, wonino woto hatawo la titili Moome to dulawo gototo. 12Tda Yesu gbotbo vono me embala tbeye: “Tdakpeno mo embala tbovo kame do hun mene na tbayi ngamo too la mokolo, tda kale mo embala tbo ga yakupimo ko, la tadimo ko la wa nginza ko nowo dadali la tdo. Kwale woto endoga mbalatbo tda woto dula zuzu kamo no mome tbowo. 13Tdakpeno motdé fete, embala tbo wakiyawo, la wa ofotdawo, wa gbono wo, la wonino kpawo gbo. 14Tda mome wani, moto sii la saki, kwale nga voniwo la kpekpeke nga dule tbale, tdakpena kokoto to kulu Moome to dula zuzuni tbo maye.”
Sapu ka wayelewo
(Mt. 22:1-10)
15Tda ga kpoa ka vo zetawo no wo doto nga hun zoo, tdakpeno me zé gbongoni wani, me gbotbeye: Saki ka vono meto hun zoo to gaga ka Moome! 16Tda Yesu gbotbeye tboni: “Ga kpakpa kpoa, gavo kpoa metde dada na ga fete tda me edabi mbala gbo vowo ngbe.” 17Tdakpekpe nanga hun-zoo etde, metima wabili kaye nga gbonganga tbo vo: Nome embala tbowo: “Yo do tonza fete, kwale zoo etdetaye nzia. 18Wo kpekele wobanda ngagbo dongo no etde nga donzo wo tboni wodo tonza feteni so, novo na ngambeyi gbo, matdo nga sé tdato no etde tboni maya kama hé ye, ma popomonya tbo engango kanya. 19Vona na tbisi gbotbo wabili, limbisa noma ma tdonga se ngombe na momoko viye la wowolo viye, tda matoya tatane nga héwo tboni tda woto hun-zoo tdekwa.” 20Gaga gbo: Ma tdonga nsà wose, tda mato tdenga tdia le. 21Tda wabili go, me gbonganga tbo gavo kaye. Gbongo no wogbo. Tda wa motete me zé gbongoni tdame sila katbu. Ya kiékié to kpaze kamo gbonganga tbo wakia wo, lawa gbono, la wonino kpawo gbo, opa wa ofotda wo. 22Wabili gbo: Gavo, mame wanino motima noma tda ga dada wo ba. 23Tda gavo gbotbo wabili kaye: “Ya tdakpaze la to gangba mo gbo tbo vowo tipa tonza tete kanya ka esi. 24Tda ma gbotbiyo, vo kpoa zeta vowo noma embala tbowo la ngambeyi, meto hun-zoo tonza fete kanya le.”
Nga do tdenzeli ka Yesu tdé tboni mo ho mene kpekelegbo
25Ga kpakpa kpoa, vogbé woya dada kpoa la Yesu, So tdongbà na Yelusaleme tda me zingataye tda megbo: 26Moye nga do wamotima kanya, etde tbo moye noma nga tdia damo la wazumo, la wose kamo, la tdekamo wo, opa tadimo wo nga opa kulu kamo kpoa. Wani le moto do tdenzeli kanya le. 27Vono mese nga be wangana kaye nga donzo nya le, metde nga do wamotima kanya so. 28Tda, zetiyo novono meye nga motete na etaze, ngambeyi kame mon tete, meto doto nga tdenge nzoye: tbo tete waki to tde nginza mapa? Tda meto hé tbo yi la nginza mapa no etotde la bili waki. 29Kwale, singa meme doteteni, no me eme nga moteteni ka enzia so nga tdola nginza tbale, vowo gbo no woto heye tda woto moye, 30Woto gbo tboni, yo hé vo waki nome banda nga motete tda me buto ndundulu so! 31Dada kpoa, tdakpeno ga gavo ya nga gomongele la soda kaye koto nzokpa laga kwa gavo nomela soda kayewo koto nzokpa vo tbisi, meto doto nga tdenge nzoye tboni matde nga gomongele laye to le. 32Tdakpeno meto hé tboni wakpo kayi ba môn, meto tima vowo tbeye, nga gbotbo wotde zetawo. 33Dada kpoa, vono meye nga do wamotima kanya me ita nino gbo no mele.
Hé ndakisa na tô
(Mk. 9:50)
34Tô ema zumene. Tdakpeno, mimi kaye to nzia, etodo mapa nga gbotboni wodu la mimi kaye na? 35Etotde kawo oye tonza gbiye. Novono meye nga zé, hoye kame zé!
S'ha seleccionat:
LUKA 14: GIX
Subratllat
Copia
Compara
Comparteix
Vols que els teus subratllats es desin a tots els teus dispositius? Registra't o inicia sessió
Gilima Bible by Beyond Translation is licensed under Creative Commons Attribution-ShareAlike 4.0 License.