اول تیموتائوس 1
1
1پولُسی طرفی جا گه اَمِه نِجات دَهَنده خِدایی حِکمی هَمرا، و اَمِه اِمید مَسیحْ عیسی، مَسیحْ عیسایی رَسولِ؛
2تیموتائوسی سِه، می حَیقی ریکا ایمونی دِلِه:
فیض و رَحمَت و صِلح و سلامتی خِدای پیر و اَمِه خِداوند مَسیحْ عیسایی طرفی جا شِمِنِه بیِه.
هِشدار دِردِرو مَلِّمِنی خَوَری
3هَمونجور گه وختی مقدونیه ای مَنطقِه دِ شیوِمِه، تیجا خواهِش هاکِردِمِه، یَکَش دییَر اَی تیجا خوایمِه گه اَفِسُسی شهری دِلِه بَمونی تا بعضیارِه دَستور هادی گه هیچ جورواجورِ تعلیمی نَدِن. 4و شِرِه آسنی و شجرهنامههایی گه تُوم نَوونِه ای سِه وقف نَکِنِن، هَین چیا، عوضِ هَینگه خِدایی کارِ گه ایمونی راهی دِلِه دَرِه پِش بَوِرِه، جَر و بحثی باعث وونِنِه گه هیچ ثمری نارنِه. 5اَمِه منظور هَین دستوری جا مِحبَتِ، مِحبتی گه پاکِ دِل و خِبِ وجدان و خالِصِ ایمونی جا اِنِه. 6بعضیا هَین چیایی جا رو دَگردانینِه، بیخِدی گَبایی دِمال شی راهِ گِم هاکِردِنِه 7خواینِنِه شَریعَتی مَلِّمِن بَوون، بی هَینگه دِنِّن چی گِنِنِه یا چی ای جا هَینجور مِطمَئِن گَب زَنِنِه.
8اِسا، اَما دِمّی گه شریعَت خِبِ، اگه کَسی اونِه دِرِس کار بَزنِه. 9و دِمّی گه شریعت، صالِح آدمنی سِه نیِه، بلگی اونانیسِه گه قانونِ اِشکِنِنِه و نافرمونِنِه، بیدینِن و گِناهکارِنی سِه، اونانیسِه گه مِقدّس نینِه و اونانیسِه گه کِفر گِنِنِه؛ اونانیسِه گه شی پیر و مارِ کِشِنِنِه؛ آدمکشِنی سِه، 10زِناکارِن و لواط گَرِنی سِه؛ اونانیگه بَردِه خرید و فِروش کِنِنِه، دِروزَنِن، اونانیگه دردِرو قسم خارِنِه، و هر چی گه دِرِسِ تعلیمی علِیه هَسِّه، 11هون تعلیمی گه طِبقِ، مِوارکِ خِدایی پِرجلالِ اِنجیل گه مِنِه بِسپارِس بَوِه.
مسیح عیسی گِناهکارِنی نِجات هادائنی سِه بیمو
12اَمِه خِداوند مَسیحْ عیسی رِه شِکر کِمِّه گه مِنِه قِوَّت هادا چون مِنِه وفادار دِنِسِه و مِنِه شی خِدمَتی سِه تعیین هاکِردِه. 13با هَینگه پِشتر کِفر گِتِمِه، عذاب داوِمِه و توهین کِردِمِه، ولی مِنِه رَحم بَوِه، چون بی ایمونی ای دِلِه نادونی کِردمِه. 14و اَمِه خِداوندی فیض، هون ایمون و مِحبتی هَمرا گه مَسیحْ عیسایی دِلِه دَرِه، فِراوونی ای هَمرا می سَر بَشِنی بَوِه.
15هَین گَب قابل اعتماد و هر طرفی جا قابلِ قَبولِ، گه مَسیحْ عیسی هَین دِنیایی دِلِه بیمو تا گِناهکارِنِ نِجات هادِه، گه وِشونی دِلِه ای گَت تَرین مِنمِه. 16ولی هَینی خاطری مِنِه رَحم بَوِه تا عیسی مسیح شی کامِلِ صَبرِ میسِه گه گِناهکارنی دِلِه گَتترین وِمِه رِه هَم هادِه، تا اونانیگه اَبَدی زندگی ای سِه وِرِه ایمون اُرِنِه، سَرمَخش بَووم. 17اِسا، هون پادشاهی دوران، اونگه تا اَبَد دَرِه و نِشنِه اونِه بَئیَن، هون یَتّا خِدا، تا اَبَد و تا اَبَد حِرمَت و جلال ووئه؛ آمین!
18می وَچِه، تیموتائوس، هَین حِکمِ طبقِ هون نَبِوَّتهایی گه پِشتر تی خَوَری بُتِه بَوِه وِه رِه، تِرِه اِسپارمِه، تا اونِنی طریق هون خِبِ جنگِ اَنجام هادی، 19ایمون و خِبِ وِجدانِ بَچِسب. چون بَعضیا هَینِنی رَد هاکِردنی هَمرا وِشونی ایمونی کَشتی بِشکِسِه. 20هیمِنائوس و اسکندر هَین دسِّه ای جانِه، گه وِشونِه شِیطانی دَس هادامِه تا یاد بَیرِن گه کِفر نُئِن.
S'ha seleccionat:
اول تیموتائوس 1: WMB
Subratllat
Copia
Compara
Comparteix
Vols que els teus subratllats es desin a tots els teus dispositius? Registra't o inicia sessió
@ 2024 Korpu Company