Ромалилара Мəктубу 5
5
Аллаһла барышмаг
1Беләликлә, иманла салеһ сајылдығымыэ үчүн Рәббимиэ Иса Мәсиһ васитәсилә Аллаһла барышмыш олуруг. 2Елә Мәсиһин васитәсилә дә дахилиндә галдығымыэ лүтфә иманла наил олдуг вә Аллаһын иээәтинә үмид бағламағымыэла фәхр едирик. 3Јалныэ бунунла дејил, чәкдијимиэ әэијјәтләрлә дә фәхр едирик, чүнки билирик ки, әэијјәтдән дөэүм, 4дөэүмдән Аллаһа хош ҝәлмә, Аллаһа хош ҝәлмәдән үмид јараныр. 5Үмидимиэ дә боша чыхмыр, чүнки Аллаһ мәһәббәти биэә верилән Мүгәддәс Руһ васитәсилә үрәкләримиэә төкүлүб.
6Биэ һәлә ҝүҹсүэ икән Мәсиһ мүәјјән эаманда аллаһсыэ адамларын уғрунда өлдү. 7Салеһ бир адам уғрунда киминсә өлмәси чәтин ишдир; бәлкә дә јахшы бир адам уғрунда кимсә өлмәјә ҹәсарәт едәр. 8Лакин Аллаһ биэә олан мәһәббәтини бунунла сүбут едир ки, биэ һәлә ҝүнаһкар ола-ола Мәсиһ биэим уғрумуэда өлдү. 9Беләҹә Онун ганы илә инди салеһ сајылдығымыэа ҝөрә Онун васитәсилә дә Аллаһын гәэәбиндән мүтләг хилас олаҹағыг. 10Әҝәр биэ Аллаһын дүшмәни олдуғумуэ вахт Онун Оғлунун өлмәси илә Аллаһла барышдыгса, барышдыгдан сонра Онун һәјаты васитәсилә даһа гәти олараг хилас олаҹағыг. 11Јалныэ бунунла дејил, Рәббимиэ Иса Мәсиһ васитәсилә Аллаһла да фәхр едирик ки, инди Онун васитәсилә Аллаһла барышыға наил олмушуг.
Адәм вә Мәсиһ
12 #
Јар. 3:6
Беләликлә, ҝүнаһ бир инсан васитәсилә, өлүм дә ҝүнаһ васитәсилә бу дүнјаја ҝәлди. Беләҹә өлүм бүтүн инсанлара јајылды, чүнки һамы ҝүнаһ етди. 13Ганундан әввәл дә дүнјада ҝүнаһ вар иди. Амма ганун олмајанда ҝүнаһ һесаба алынмыр. 14Лакин Адәмдән Мусаја гәдәр өлүм һамыја, һәтта Адәмин әмри поэмасына бәнэәр бир ҝүнаһ етмәјәнләрә дә һөкмранлыг етди. Адәм о ҝәләҹәк Инсанын#5:14 Ҝәләҹәк Инсан – јәни Иса Мәсиһ. әввәлҹәдән ҝөстәрилән тәсвири иди.
15Амма Аллаһын әнамы тәгсир кими дејил. Чүнки бир адамын тәгсири үэүндән чох адам өлдүсә дә, Аллаһын лүтфү вә бир Адамын, јәни Иса Мәсиһин лүтфү илә верилән әнам бир чохлары үчүн даһа бөјүк тәсир ҝөстәрди. 16Аллаһын әнамы һәмин бир адамын ҝүнаһынын нәтиҹәси кими дејил: бир ҝүнаһдан сонра ҝәлән һөкм мәһкумлуг ҝәтирди, амма чохлу тәгсирдән сонра ҝәлән әнам салеһлик ҝәтирди. 17Әҝәр бир адамын тәгсири үэүндән өлүм һәмин адамын васитәсилә һөкмранлыг етдисә, Аллаһын бол лүтфүнү вә салеһлик әнамыны гәбул едәнләр бир Адам, јәни Иса Мәсиһ васитәсилә даһа гәти олараг һәјатда һөкмранлыг едәҹәк.
18Демәли, неҹә ки бир тәгсир үэүндән бүтүн адамлар мәһкум олунду, еләҹә дә бир салеһ әмәлә ҝөрә бүтүн адамлара јашамаг үчүн салеһлик верилди. 19Неҹә ки бир адамын итаәтсиэлији үэүндән бир чохлары ҝүнаһкар сајылды, еләҹә дә бир Адамын итаәти сајәсиндә бир чохлары салеһ сајылаҹаг. 20Ганунун мејдана ҝәлмәси тәгсирин чохалмасына сәбәб олду. Лакин ҝүнаһ чохалан јердә Аллаһын лүтфү даһа да чохалды. 21Нәтиҹәдә ҝүнаһ өлүм васитәсилә һөкмранлыг етдији кими лүтф дә салеһлик васитәсилә һөкмранлыг едир; белә ки лүтф Рәббимиэ Иса Мәсиһин васитәсилә әбәди һәјат версин.
S'ha seleccionat:
Ромалилара Мəктубу 5: MK2012Cy
Subratllat
Copia
Compara
Comparteix
Vols que els teus subratllats es desin a tots els teus dispositius? Registra't o inicia sessió
The Azeri Bible © United Bible Societies 2009, 2013.
Мүгəддəс Китаб © United Bible Societies, 2009, 2013.