Romans 13
13
1လူတိုင်းသည် အစိုးရမင်းတို့၏ အမိန့်အာဏာကို လိုက်နာကြရမည်။ မည်သည့်အစိုးရကမျှ ဘုရားရှင်၏ ခွင့်ပြုချက်မရဘဲ မရပ်တည်နိုင်။ အာဏာရ အစိုးရမင်းသည် ဘုရားရှင်၏ ခွင့်ပြုချက်ရ၍သာ အုပ်စိုးရ၏။ 2မည်သူမဆို အာဏာရအစိုးရမင်းကို ဆန့်ကျင်ဘက်ပြုသူသည် ဘုရားရှင်စီမံခန့်ခွဲတော်မူခြင်းအား ဆန့်ကျင်ဘက်ပြုသူ ဖြစ်သည်။ ထိုသူသည် အပြစ်စီရင်ခြင်းကိုခံရမည်ဖြစ်၏။ 3အကျင့်ကောင်းသူသည် အစိုးရမင်းအား ကြောက်နေစရာလိုပေ။ မကောင်းမှုကို ပြုကျင့်သူသာလျှင် ကြောက်စရာလို၏။ သင်သည် အာဏာရှိသူကို မကြောက်ဘဲနေလိုလျှင် အကျင့်ကောင်းကို ပြုကျင့်လော့။ ထိုသို့ပြုလျှင် သူသည် သင့်အား ချီးမွမ်းလိမ့်မည်ဖြစ်သည်။ 4အဘယ်ကြောင့်ဆိုသော် သူသည် သင့်အားအကျိုးပြုရန်အတွက် ဘုရားရှင် ခန့်ထားတော်မူသည့် အစေခံဖြစ်သောကြောင့်ဖြစ်သည်။ သို့သော် အကယ်၍ သင်သည် မကောင်းမှုပြုသူဖြစ်ပါမူ ထိုသူကို ကြောက်ရ၏။ သူသည် အမှန်ပင်အပြစ်ပေးနိုင်သည့် တန်ခိုးအာဏာရှိသူဖြစ်ပေသည်။ သူသည် ဘုရားရှင်၏ အစေခံဖြစ်၍ မကောင်းမှုပြုသူတို့အား ဘုရားရှင်၏ကိုယ်စား အပြစ်ဒဏ်စီရင်သူဖြစ်သည်။ 5သို့ဖြစ်၍ သင်သည် ဘုရားရှင်အပြစ်ဒဏ်ခတ်တော်မူမည်ကို ကြောက်သောကြောင့်သာမက မိမိ၏ ရှက်ကြောက်တရားစိတ်ကို ထောက်ရှု၍လည်း အစိုးရမင်း၏ အမိန့်အာဏာကို လိုက်နာရမည်ဖြစ်သည်။ 6ဤအကြောင်းကြောင့် သင်တို့သည် အခွန်ကိုပေးဆောင်ရ၏။ အဘယ်ကြောင့်ဆိုသော် အစိုးရမင်းသည် မိမိ၏ တာဝန်ဝတ္တရားများကို ထမ်းဆောင်သောအခါ၌လည်းကောင်း ဘုရားရှင်၏အမှုတော်ကို ထမ်းဆောင်သောအခါ၌ လည်းကောင်း ဘုရားရှင်၏အမှုတော်ကို ထမ်းဆောင်နေသောကြောင့်ပင်ဖြစ်သည်။ 7သို့ဖြစ်၍ အစိုးရမင်းအား သင်တို့ပေးဆောင်ထိုက်သည်ကို ပေးဆောင်ကြလော့။ ပေးဆောင်စရာရှိသမျှသော အခွန်များကို ပေးဆောင်ကြလော့။ အာဏာပိုင်ရှိသမျှတို့အား ရိုသေလေးစားကြလော့။ 8အချင်းချင်းထံမှ မေတ္တာကြွေးမှတပါး မည်သည့်အကြွေးမှ မတင်ပါစေနှင့်။ သူတစ်ပါးအား ချစ်သောသူသည် ပညတ်တရားကို စောင့်ထိန်းသူဖြစ်၏။ 9အဘယ်ကြောင့်ဆိုသော် "အိမ်နီးချင်းအား မိမိကိုယ်မိမိချစ်သကဲ့သို့ ချစ်လော့" ဟူသောပညတ်သည် "သူ၏အိမ်ရာ မပြစ်မှားနှင့်၊ လူ့အသက်ကိုမသတ်နှင့်၊ သူတပါး၏ဥစ္စာကို မခိုးနှင့်၊ သူတပါး၏ ဥစ္စာကို တပ်မက်လိုချင်သော စိတ်မရှိနှင့်" ဟူသောပညတ်များနှင့် အခြားပညတ်ရှိသမျှ၏ အချုပ်ဖြစ်သောကြောင့်သာ ဖြစ်သည်။ 10အိမ်နီးချင်းကို ချစ်သောသူသည် အိမ်နီးချင်းအားမည်သည့်အခါ၌မျှ အကျိုးယုတ်စေလိမ့်မည်မဟုတ်။ သို့ဖြစ်၍ အိမ်နီးချင်းအား ချစ်သောသူသည် ပညတ်တရားအားလုံးကို စောင့်ထိန်းရာရောက်၏။ 11သင်တို့သည် မိမိတို့အိပ်ယာမှ နိုးထရမည့်နေ့ရက်သို့ ရောက်ရှိနေပြီဖြစ်ကြောင်းကို သိကြသဖြင့် မေတ္တာတရားကို ကျင့်သုံးကြရမည်။ အဘယ်ကြောင့်ဆိုသော် ကျွန်ုပ်တို့ ကယ်တင်ခြင်းခံရမည့်နေ့ရက်ကာလသည် အရှင်ယေရှုအား ကျွန်ုပ်တို့ စတင်ယုံကြည်ချိန်ကထက် ပို၍နီးကပ်လာပြီဖြစ်သောကြောင့် ဖြစ်သည်။ 12ည့ဉ်အချိန်သည် ကုန်လုပြီဖြစ်၏။ နေ့အချိန်သို့ရောက်တော့မည်။ သို့ဖြစ်၍ ကျွန်ုပ်တို့သည် အမှောင်နှင့်ဆိုင်သော အလေ့အကျင့်တို့ကို မပြုတော့ဘဲ အလင်းတွင်တိုက်ခိုက်ရန် လက်နက်တို့ကို ယူဆောင်ကြရမည်ဖြစ်၏။ 13ငါတို့သည် အလင်းတွင် ကျင်လည်သူများကဲ့သို့ ကောင်းမွန်လျောက်ပတ်စွာ ပြုမူကျင့်ကြံ နေထိုင်ကြရမည်။ အရက်သေစာသောက်ကြူးခြင်း၊ အကျင့်ဖောက်ပြားခြင်း၊ ကာမဂုဏ်လိုက်စားခြင်း၊ ခိုက်ရန်ဖြစ်ခြင်းနှင့် မနာလိုခြင်းတို့ကို ရှောင်ကြဉ်ကြရမည်။ 14အရှင်ယေရှုခရစ်အား လက်နက်သဖွယ် ယူဆောင်ကြလော့။ ကိုယ်ကာယတပ်မတ်မှုအလိုသို့ လိုက်၍မကျင့်ကြနှင့်။
S'ha seleccionat:
Romans 13: TPV-RV
Subratllat
Comparteix
Compara
Copia
Vols que els teus subratllats es desin a tots els teus dispositius? Registra't o inicia sessió
This translation of the TPV-RV is © 2024 by DMS-Dhamma Mate Swe Association. It may not be reproduced in whole or in part in any form or by any means without the prior written permission of DMS-Dhamma Mate Swe Association.