Kuitīr Ngāi Sinthō 9
9
Damaska Lampuia Saul a Malung ei Ānthūlna
1Tenchu hava lāi han Saul chu Puma zolāi ngāi āthat ranga anphutna chong aril chian chunga chāizūng ulian khīt kōma a sē na. 2#Isa 17:1; Zer 49:23Hatuka hava Iamna Lampui#9:2 Iamna Lampui: Grika “Lampui” tīna anziak a, Khristian sākhuo ei rilna a ni, “lampui athar” ole “tāituon damna lampui” tīna um anlet thei. azī ngāi ei mu takpei chu nupang pasal asūra ankhit chunga Zerusalem khopuia ei ruoi theina ranga Damaska khuona Sinagog ngāi kōma phalna lekhā a va zong a. 3#1Ko 15:8Hatuka hintin hin a ni zei a. Lampuia a sē lāitak han Damaska khuo avā suok rang vit le han, anlāiseka khuonlek aphuozeka raāng, anvān ātā a ravēl a hong ēl rak a. 4#Isa 6:8Hatuka ama chu phila anbok raka hiva chong hi a riat a: “Saul, Saul, ichanga mo nei na sinsak chachak?” a tī na. 5Hatuka amā'n, “Puma, tū mo nā ni?” a tī na. Pumā'n: “Koi nei na sinsak chachak, Isuo kā ni. Sungtūl anpir chu na ranga āntak kēng,” a tī na. 6#Izk 3:22Hatuka Saul chu annōk a, a rathā a tā na, “Puma, hong mo nei na thō ranga nei zōt?” a tī na. Pumā'n a kōma, “Anthui tānla, khopui sūnga va lūt ro. Hatuka nangin imo nei thō rang hava ha mi angkhatin na lei ril in ti,” a tī na. 7#Dnl 10:7; Zn 12:29Ama bila ei ruoi ngāi chu chongluia anding chian u na. Hē chu a riat u na, tenchu tūtē ei mū u om mak. 8Hatuka Saul phil ātā anthuia a mit a malong a, tenchu tūtē ei mu om mak. Hatuka a kut asūra a maruoi u na, Damaska khuo tianga a ruoi u na. 9Hatuka ama chu nīnthum pei a mit azīnga, Hantin han ītē nēk sāk luia bungoia a om a.
10Hatuka Damaska khuona han a raming Anania a tī na zolāi khat a om a. Pumā'n a kōma ramang anga a hong anlang a: “O Anania,” a tī na a hong pāi a. Hatuka amā'n: “Entā, Puma, hivan kā om,” a tī na. 11Pumā'n a kōma: “Anthui tānla, Lampui anzīk ei ti u lampui tianga sē ro. Hatuka Zuda ina han Tarsa khuona mī a raming Saul chu va thūn ro, asik chu entā, amā'n zār a lei zong lāitak a ni. 12#Mk 5:23Amā'n ramang anga anrālna han mī khat a raming Anania chu ina a hong ālūt a, a mit ei manvār theina ranga a chunga a kut a hong bāng a, a lei mu zei,” a tī na. 13#Rōm 1:7; Efe 1:1; Fil 1:1Hatuka Anania'n a masang a: “Puma, hiva mi rui hi mi tamtak kōm ātā ka lei riat zei a, Zerusalem khopuia na mīnthiang ngāi chunga voi ituk mo asa nōk ei thō a ni zei tī ka riat a. 14Hiva muna nang na raming āpāi ngāi dōra ānkhit ranga chāizūng ulian ngāi kōm ātā ningneina a man kēng a ni zei hile,” a tī na. 15#Rōm 1:1; 11:13; Gal 1:15-16; 1Ti 1:12Tenchu Pumā'n: “Sē pei ro, asik chu ama hi namtei ngāi lē a rēng u ngāi, hanūk chu Israel nam ngāi kōma ka raming anput ranga mangruona kei thang suo kēng a ni zei. 16#2Ko 6:4-10; 2Ti 1:8; 2:3, 9Hanūk chu ka raming sika voi ituk zāt mo antakna ei tiar rang ha manmu ka ti,” a tī na. 17#Lk 1:15Hasikhan Anania chu a sē na, ina a vā lūt a. Saul a chunga a kut a va bāng a: “Ka paruol Saul, Pumā'n a na hong tīr, lampuia nā sē lāia na kōma anlang ha Isuo a ni, nang na mit ei vār theina rang le Rathā Ānthianga nei bit theina ranga na kōma ei na hong tīr,” a tī na. 18Anlāiseka a mit ātā lip anga a chul a, a mit a hong āvārpē len a. Hatuka anthuia Anania'n baptisma a pēk a. 19Hatuka nēk sāk athō suole chu ranak a hong dōn rēt a.
Saul Damaska lē Zerusalem-a
Hatuka Saul chu Damaska khuona zolāi ngāi bila nikhuo tōmtē a om a. 20#Mt 4:3Amā'n Sinagog ngāia han, “Khristā chu Pathian Nāipasal a ni,” tīna a rui āril a phut len a. 21Ama a chong ariat ngāi dōra chu achālaka a boi a dong u na: “Asik chu ama hi Zerusalem khopuia Isuo raming āpāi ngāi chunga ansiatna athō chachak ha ni mak mo? Hiva ngāi akhita chāizūng ulian ngāi kōma aruoi ranga hiva hin āhong kēng hile,” a ti u na. 22#Lk 2:11Tenchu Saul a hong ārāt riam a. Hanūk chu hiva Isuo ngēt hi Khristā tatak a ni ti anthiang vanga a manlang. Damaska khuona Zehudi āom ngāi chu tūtē ānsang thei om u mak.
23Atun chu hintin hin a nī na, nikhuo tam a theng suole han, ama thatna ranga Zehudi ngāi chu rui a mansūk u na. 24Tenchu a rui mansūk u ha Saul-in a lei riat a. Ama ei that thei una ranga asūn azāna khopui rakul suokkhār chu a ngāk chian u na. 25#1Sa 19:12Tenchu zolāi ngāiin zāna a razōn u na, kok alianpa le han khopui ankulna bang tianga a masum u na.
26 #
Gal 1:17-18
Hatuka Zerusalem khopuia Saul a vā tung le zolāi ngāi bila ānchel rang a va zong a. Tenchu alom una a lei āchi u na, asik chu ama hi zolāia a lūt zei ti la iam u mak. 27Tenchu Barnaba'n a kut le a maruoi a, kuitīr ngāi kōma a sēpui a. Lampuia Puma ei mu na a kōma Pumā'n a kōma chong ei ril ngāi a rilpē na. Paul-in Damaska khuona Isuo raminga arāng sabaka chong ei ril ngāi ha a kōm una Barnaba'n a rilpē na. 28Saul Zerusalem khopuia amāni bibila a lūt a, a suok a. 29#2Ko 11:26Puma Isuo raming arāng sabaka chong a ril chachak a. Hatuka, Grik chong āmang Zehudi ngāi le ankhal sabak u na. Tenchu amānī'n āthat ranga ei mansūk u. 30Tenchu ūnāi ngāiin hava ha a riat u na, Kaisaria khuona a ruoi u na, hatuka Tarsa khuona a mansē viak u na.
31Hatuka Zudāi rama, Galili rama le Samari rama kuibing mun tina a om dōra phūkdāia adet riama ānding u na. Puma anchi chunga a lēng u na, Rathā Ānthiang lungngamna le han a pung tir u na.
Aineas lē Dorka
32Hankēng, Peter mun tina ei sē balama han Luda khuona mīnthiang āom ngāi um a va pan a, ei hong en u. 33Hava mun han mī khat a raming Aineas a tī na a om a. Ama hi ei zeng sika kum ariat pei zāmuna azāl chiana a va mū na. 34Hatuka Peter-in a kōma: “Aineas, Isuo Khristā Pathian ruotin a na mandam zei, anthui tānla na mun a zuol ro,” a tī na. Hatuka anlāiseka anthui len a. 35#1Kh 5:16; Sol 2:1; Isa 33:9Hatuka, Luda khuo le Saron phāia āom ngāi dōra chu Aineas a mū u na, Puma tiang a hong ākīr u na.
36 #
Zos 19:46; 2Kh 2:16; Ezr 3:7; Zon 1:3; 1Ti 2:10; Tit 3:8 Zopa khuona zolāi angkhat a raming Tabitha a om a. Grik chonga chu “Dorka” tīna a ni. Hiva nupang hi ei thō ngāi dōra chu sin āsa le mi sanna a ni. 37Hava lāi han ama chu anāna, a thī na. A ruok tī a manbuol suo u le ina tadan ansānga a manzāl u na. 38Luda khuo chu Zopa khuo kōl tak a ni. Hava sika han, sovā son Peter a om ti a riat u na, zolāi ngāiin mī anni a kōma ei tīr u. Amānī'n: “Aliak sōt rei luia koini kōma na hongpē ro ba,” a tī na a va manthēm u na. 39#1Ti 5:3Hatuka Peter anthuia amāni bila a sē na. A vā tung le chunga tadan inchunga a ruoi u na. A kōla ānding arōng ngāi dōra alom una a chap u na. Dorka a bil una a om lāia a kultāi chi le a puon khōng ngāi a manmū u na. 40#Mt 9:25; Lk 7:14; 22:41Tenchu Peter-in alom una in ātā a masuok zit a, khūksabila zār a zong a. Hatuka āthi ruok tiang anhoia: “Tabitha, anthui ta ro,” a tī na. Hatuka a mit a hong āmeng a, Peter a mū le chu ansut a. 41Hatuka Peter-in a kut le a kei a, a mathui a. Hatuka mīnthiang ngāi le arōng ngāi a kui a, adam vanga amāni kōma a pēk a. 42Hava thang ha Zopa khuo pumpuiin a riat u na, mi tamtakin Puma chu a iam u na. 43Peter chu nikhuo tampā Zopa khuona mevun ānchīpū Simon a ina a om a.
Bible in Ranglong, © Bibles International, the Bible society of Baptist Mid-Missions, 2024.