3 Juan 1
1
1Hikán a Tagapangasiwa u nagsulat ti iye.
Iye a sulat ay para tu pinakamamahal ko a amigu a ti Gayo.
2Mahal ko a Gayo, idáddasal ko a hod ka nakwa ti maganda a kalagayan sakay maganda a pámmamággi a konna tu tukoy ko a maganda mo a biyag a ispirituwal. 3Masayaák a tahod nikuna dimmemát u agum tam a kákkapatkákka sakay imbaheta de nikán a tapat ka tu tatahoden sakay talaga a nabiyag ka ayun ti iye.#1:3-5 Basaán tu 1 Juan 3:18. 4Awan dán ti agum a mas makapangpasaya nikán ni mabaheta ko a nabiyag a ayun tu tatahoden u anak ko hide ti pánnampalataya.
Pinure ti Gayo
5Mahal ko a amigu, u págserbi mo tu kákkapatkákka tam hide sakay maski u awan mo hide matenggi ay nangpatunay a matapat ka.#1:5 Basaán tu Hebreo 13:1-2. 6Ibábbaheta de ti simbaanáy u tungkul tu págmahal mo. Nakwa tulungan mo hide tu kailangan de tu páglakbay de tu paraan a makasaya tu Diyos. #1:6 Basaán tu Filipos 4:14-19. 7Dipo inwahak de u banuwan de para magbaheta tu Maganda a Baheta tungkul ni Cristo. Sakay awan de ugale a tumanggap maski ánya man a tulung tu awan hide mánnampalataya tu Diyos. 8Dapat tam hide a tulungan tánni makatulung kitam nide tu págpakalat de tu tatahoden a toldu.
Ti Diotrefes sakay ti Demetrio
9Nagsulaták tu mánnampalataya hide pero awan pinahalagaan ni Diotrefes u kinagi ko; dipo u gusto na ay siya u tenggiyán a puno.#1:9-10 Basaán tu Santiagu 4:1-3. 10Kanya káddemát ko hina ay iluwas ko u atanan a ginággimet na: u kakabuliyan a kinákkagi na a kontara nikame. Sakay awan padi siya nakontento ti itod, nan awan na pa tanggapán u kákkapatkákka tam a dummemát. Sakay bawalan na pa u masoh hide a mangtanggap nide. Sakay awan na dán hide pakultadan a mákpagipun-ipun tu kákkapatkakka hide ti pánnampalataya ni Cristo.
11Mahal ko a amigu, dyan mo ahigán iye hide a madukás a halimbawa. U ahigán mo ay u maganda, dipo u maggimet ti maganda ay anak nu Diyos; u maggimet ti madukás ay awan palla nakatengge tu Diyos.
12Maganda u kinagi nu kakpalan tungkul ni Demetrio sakay ketan tu matuwid na a kákkabiyag. Ina be u kákkagiyán me sakay tukoy mo a tatahoden iye.
Katapusan nu Sulat
13Makpalák pa nakwa a kagiyán niko pero awan ko dán insulat. 14Umasaák a awan dán magmalay ay magketa kita sakay magkauhon.
15Magkahod ka nakwa ti kapayapaan.
Kumusta ka kan kagi nu amigu tam hide he. Ikumustaák mo be tu atanan a amigu tam hina hide.
S'ha seleccionat:
3 Juan 1: MBJC
Subratllat
Copia
Compara
Comparteix
Vols que els teus subratllats es desin a tots els teus dispositius? Registra't o inicia sessió
Pahanan Agta New Testament © Philippine Bible Society and Wycliffe Bible Translators, Inc., 2017.