Levi 18
18
Imithetho emayelana lomtshado ongavunyelwayo, lezenzo ezimbi ezithile
1INkosi yathi kuMose: 2Tshono ebantwini bakoIsrayeli uthi: NgiyiNkosi uNkulunkulu wenu. 3Lingenzi njengokwenza kwamaGibithe lapho lalihlala khona, lingenzi futhi njengokwenza kwamaKanani engiliholela kuwo. Lingahambi ngemithetho yabo. 4Gcinani izahlulelo zami lezimiso zami, lihambe ngazo. NgiyiNkosi uNkulunkulu wenu. 5Ngakhoke gcinani izimiso zami lezahlulelo zami; umuntu angaphila ngokwenza njalo.#Neh 9:29; Hez 18:9; 20:11–13; Luka 10:28; Roma 10:5; Gal 3:12
6Kakungasondeli muntu esihlotsheni sakhe ukwambula ubunqunu bakhe. NgiyiNkosi. 7Ungambuli ubunqunu bukayihlo lobunqunu bukanyoko; ungambuli ubunqunu bakhe lokhu engunyoko. 8Ungambuli ubunqunu bomkayihlo, ngoba buyibunqunu bukayihlo.#Levi 20:11; Dute 22:30; 27:20 9Ungambuli ubunqunu bukadadewenu, indodakazi kayihlo loba indodakazi kanyoko, loba ezelwe kini loba ezelwe kwelinye ilizwe.#Levi 20:17; Dute 27:22 10Ungambuli ubunqunu bendodakazi yendodana yakho, loba obendodakazi yendodakazi yakho, ngoba ubunqunu babo yibunqunu bakho. 11Ungambuli ubunqunu bendodakazi bomkayihlo ezelwe nguyihlo, lokhu ingudadewenu. 12Ungambuli ubunqunu bukadadewabo kayihlo, ngoba eyisihlobo sikayihlo.#Levi 20:19–20 13Ungambuli ubunqunu bukadadewabo kanyoko, ngoba eyisihlobo sikanyoko. 14Ungambuli ubunqunu bomfowabo kayihlo; ungasondeli kumkakhe, ngoba eyisihlobo sakho. 15Ungambuli ubunqunu bukamalokozana; ungambuli ubunqunu bakhe lokhu engumkamntanakho.#Levi 20:12 16Ungambuli ubunqunu bomkamfowenu, ngoba kuyibunqunu bukamfowenu.#Levi 20:21 17Ungambuli ubunqunu bowesifazana kanye lobendodakazi yakhe; ungathathi indodakazi yendodana yakhe loba indodakazi yendodakazi yakhe, ukuba uveze ubunqunu bayo; ngoba bayizihlobo zakho, lokho kuyibubi.#Levi 20:14; Dute 27:23 18Ungathathi udadewabo womkakho ukuba wambule ubunqunu bakhe umkakho esekhona.
19Ungasondeli kowesifazana wambule ubunqunu bakhe esangcoliswe yikuba semfuleni.#Levi 20:18 20Ungalali lomkamakhelwana ukuzingcolisa ngaye.#Levi 20:10 21Ungavumi ukuba abantwana bakho banikelwe kunkulunkulu uMoloki, ukuba uhlambaze ibizo likaNkulunkulu wakho. NgiyiNkosi.#Levi 20:1–5 22Ungalali lowesilisa njengowesifazana, ngoba kuyinto embi.#Levi 20:13 23Ungalali lenyamazana, uzingcolise ngayo; futhi owesifazana angazinikeli enyamazaneni, alale layo; lokhu kulihlazo.#Eks 22:19; Levi 20:15–16; Dute 27:21
24Lingazingcolisi ngalezizinto, ngoba izizwe engizixotsha phambi kwenu ziyazingcolisa ngazo. 25Ngalokho ilizwe langcola; ngakho ngatshaya abantu balo, lelizwe labahlanza. 26Kodwa lina gcinani izimiso zami lezahlulelo zami, lingenzi leyodwa yalezozinto ezimbi, loba owokuzalwa ekhaya loba owemzini ohlala phakathi kwenu. 27Ngoba zonke lezizinto ezimbi bazenza abantu balelolizwe ababekhona ngaphambi kwenu, ngakho ilizwe langcola. 28Lingalonakalisi lina, ukuba ilizwe lingalihlanzi njengalokhu lahlanza isizwe esasikhona phambi kwenu. 29Ngoba bonke abantu abenza lezizinto ezimbi bazakukhutshwa ebantwini bakibo. 30Ngakhoke gcinani imilayo yami ukuba lingenzi lalinye lalawomasiko amabi ayesenziwa ngaphambi kwenu, lingazingcolisi ngawo. NgiyiNkosi uNkulunkulu wenu.
S'ha seleccionat:
Levi 18: BE1978
Subratllat
Copia
Compara
Comparteix
Vols que els teus subratllats es desin a tots els teus dispositius? Registra't o inicia sessió
Bible Society of Zimbabwe 1978