Levi 12
12
Ukuhlanjululwa kwabesifazana emva kokubeletha
1INkosi yathi kuMose: 2Tshono ebantwini bakoIsrayeli uthi: Uba owesifazana ethatha isisu, abelethe umfana, uzakuba ngongcolileyo insuku eziyisikhombisa, njengalokhu engcolile nxa esemfuleni. 3Ngosuku lwesificaminwembili umntwana uzakusokwa.#Gen 17:12; Luka 2:21 4Owesifazana uzakuhlala nje insuku ezingamatshumi amathathu lantathu, lize lihlambuluke igazi lakhe, angathinti lutho olungcwele, angangeni endlini engcwele, zize ziphelele insuku zokuhlanjululwa kwakhe. 5Kodwa uba ebeletha inkazana, uzakuba ngongcolileyo amaviki amabili, njengalokhu engcolile nxa esemfuleni; uzakuhlala enjalo insuku ezingamatshumi ayisithupha lesithupha lize lihlambuluke igazi lakhe.
6Lapho seziphelile insuku zakhe zokuhlanjululwa, ngomfana loba ngenkazana, kalethe kumpristi ngasemnyango wethente lokuhlangana iwundlu elilomnyaka munye, libe ngumnikelo wokutshiswa, lejuba loba inkwilimba kube ngumnikelo wesono, 7umpristi akunikele eNkosini, amenzele indlela yokubuyisana; ng’khona ezakuhlambuluka. Lowo ngumlayo omayelana lalowo obeletha umfana loba inkazana. 8Uba esehluleka ukunikela ngemvu, kathathe amajuba amabili loba inkwilimba ezimbili, okunye kube ngumnikelo wokutshiswa lokunye kube ngumnikelo wesono, umpristi amenzele indlela yokubuyisana, ahlambuluke.#Luka 2:24
S'ha seleccionat:
Levi 12: BE1978
Subratllat
Copia
Compara
Comparteix
Vols que els teus subratllats es desin a tots els teus dispositius? Registra't o inicia sessió
Bible Society of Zimbabwe 1978