ዛረዋ ገሉዋ
ገሉዋ
“ዛረዳ ዎጋ” ጌተትያ ሀ ማጻፋይ፥ እስራኤልያ አሳዉ ሀዋፐ ካሰና ኦደቴዳ ዎጋነ ማራ ዛረ ዛረ ሀሳይስያ ማጻፋ።
“ዛረዳ ዎጋ” ማጻፋን ማዝጎበቲደ ደእያ፥ እት እት ዳሮ ጎእያ የዎቱ ሀዋፐ ካሊደ ጻፈቴዳዋንታ።
1. ሙሴ አዳ ኦይታሙ ላይቱዋ ግዶን ፖለቴዳ፥ ዎልቃማ ዎልቃማ ኦሶቱዋ ሀሳዪደ ኦዴ። ጎዳይ ኡንቱንታ ባዙዋን ዎት ካለደንቶ አሳ ሀሳይሲደ፥ ኡንቱንቱ ጾሳዉ አማነቴዳዋንታ ግዳና ማላነ ሱረ ኦሱዋን አዛዘታና ማላ፥ ኡንቱንታ ቆፍሴ።
2. ሙሴ ታሙ አዛዞቱዋ ዛር ዛሪደ ኦዲደ፥ ሄዋንቱፐካ ኮይሮ አዛዙዋ ብለ ኡንቱንቶ ቆንጭሴዳ። አሳይ ጾሳ ጻላላዉ ጎይናናዳንካ ሀሳይሴ። ሄዋና ኦይደ፥ እስራኤልያ አሳይ ህዶታ ጋድያን አዛዘታናዉ በስያ ዱማ ዱማ ዎጋ ቦች ቦች አኪደ ኦዴ።
3. ሙሴ፥ ጎዳይ ኡንቱንቱና ጫቀቴዳ ጫቁ አይ ማለንቶ ኡንቱንቶ ብሊደ፥ ኡንቱንቱ ሄ ጫቆ ኦራደ አማነታናዳን፥ ቆፍሴ።
4. ኢያሱ ሙሴ ሳኣን ገሊደ ጾሳ አሳ ካለያ አሳ ግዳናዉ ሱንቴ። ሙሴ ጎዳይ አማነትያዋ ግድያዋ ሳባናዉ ከሲደ ማዝሙርያ የጼዳዋፐነ እስራኤልያ ዛርያ ኡባ አንጄዳዋፐ ጉይያን፥ ዮርዳኖሳ ሻፋፐ አዋይ ዉልያ ባጋና ደእያ ሞኣባ ጋድያን ሀይቄዳ።
ማጻፋዉ ሁጰ ቆፋይ ጎዳይ ባረ ሲቅያነ ባረ ዶሬዳ አሳ አሼዳዋነ አንጄዳዋ ኦዴ። አሳይካ ጾሳ አንጁ ኡንቱንቱፐ ሻከተናን ፓጻ ደአናዉ ዳንዳያና ማላ፥ ጎዳይ ኡንቱንቶ ኦዳዋ ኡባ ሀሳይሲደ፥ ኡንቱንቱ ኡባ ዎደካ ጾሳ ሲቃናዉነ አዉ አዛዘታናዉ ኡንቱንታ ኤርሴ።
ማጻፋዉ ዋና ቆፋ ኦይቄዳ ጽቅሰቱ: 6:4-6 ደእያዋንታ ግድያ ዎደ፥ ኡንቱንቱካ፥ የሱስ፥ “አዛዞ ኡባፐ አያ ዎልቃማ አዛዞ” ጊደ ኦዴዳ ቃላቱዋ ኦይቄዳዋንታ። ሄዋንቱነ፥ “ጾሳ ነ ጾሳ ነ ፖሎ ዎዛናፐ፥ ነ ፖሎ ሸምፑዋፐነ ነ ፖሎ ዎልቃፐ ሲቃ” ያግያዋንታ።
ሸምፓቱዋ ኡባቶ እመቴዳ ቃን ቆፋቱዋ
ሀ. ኮይሮ ሙሴ ሃሳያ 1:1—4:49
ለ. ላኤን ሙሴ ሃሳያ 5:1—26:19
1. ታሙ አዛዞቱዋ 5:1—10:22
2. ህግያ፥ ዎጋነ ሴራ 11:1—26:19
ሐ. ካናነ ገላናፐ ካሰቲደ እመቴዳ አዛዙዋ 27:1—28:68
መ. ቃላ ጫቁዋ ኦራጹሳ 29:1—30:20
ሰ. ሙሴ ዉርሰ ሃሳያ 31:1—33:29
ረ. ሙሴ ሀይቁዋ 34:1-12
S'ha seleccionat:
ዛረዋ ገሉዋ: DFBE
Subratllat
Copia
Compara
Comparteix
Vols que els teus subratllats es desin a tots els teus dispositius? Registra't o inicia sessió
The Word for the World Ethiopia