याकुब याकुबेन बारामां
याकुबेन बारामां
याकुबेन किताप काजे याकुब नावेन एक माणुस लिखलु छे। हय सके जुत ईसुन भाय हतलु, जु सुरवातीन मंडळी मां एक अगळवाण्यु हतलु ने यरुसलेमेन मट्ली गड़दीन हीस्सु हतलु। नेवताळान काम 15:13 नेवताळु पोलुस तीनाक गलातीयो 2:9 मां मंडळीन खास खांबु बी कह्यु। नीयम काजे जान्ने वाळान मान्नु छे की याकुबेन किताप ईसु मसीन पयदावारीन 50 सेक साल बात लिखायली। काहाकी याकुब यरुसलेमेन मंडळीन अगळवाण्यु हतलु, हय सके चां रय्न हयु ईनी किताप काजे लिखलु।
याकुब आपसान किताप मां नी-यहुदी वाळा माणसे फेलायला बारे कुळ्या माणसेन 1:1 बारामां बताड़े। याकुबेन सीकापण आखा मसी माणसे पर लागु हवे, बाकुन बारे कुल्यान बारामां बुले लिखला सी असो छाचलीन मालम पड़े की याकुब सुदु यहुदी माणसे काजे लिख रवलु। काहाकी जी किताप बन्ने वाळान एक बेसका टुळा लग जाय करीन लिखलु, हयु बेसकी वातेन बारामां बताड़्यु। याकुब भुरसा ने कामेन काजे साते लीन चालनेन बारामां अदु जुर देय। छाचलु भुरसु कामे सी देखाव पड़से। 2:17 हयु लकपती माणसेन 2:1-4 बारामां नानला मटान भेदभाव तीनुक वारु नी कहें ने हामुक बताड़े की जो आपणु करजे तेर बारामां चेतीन रहणे कहें। 3:1-12
बाहरती वात
1. याकुब मां आपसा भन्ने वाळाक वारु छे की करीन पुछे। 1:1
2. तेर बात हयु मसी वाळा काजे हवस देय की जत्यार तुहुंं दुख झेलु ती काठा रहे। 1:2-27
3. अळतेन हयु कहें की कामे सी भुरसु देखायणु जरुड़ी छे। 2:1-26
4. तेर बात हयु कहें की मुंहडा सी नीकळने वाळा बुले कतरा ताकतवाळा हय सके। 3:1-12
5. तत्यार याकुब समजाड़े की कसी भगवानेन अक्कल माणसेन अक्कल सी अलग छे। 3:13—4:10
6. तेर बात हयु आपसा भन्ने वाळा काजे घमट वाळा वळु नी हवणु करीन कहें। 4:11—5:6
7. याकुब ईतरीक वातेन बारामां कय्न किताप काजे लिखणु बंद करे। 5:7-20
S'ha seleccionat:
याकुब याकुबेन बारामां: BSP25
Subratllat
Copia
Compara
Comparteix
Vols que els teus subratllats es desin a tots els teus dispositius? Registra't o inicia sessió
The Bhilali Bible ©The Word for the World International and Bhilali Bhasha Samiti, Warvani, (M.P.) 2025.