नेवताळान काम नेवताळान कामेन बारामां
नेवताळान कामेन बारामां
ईसुन नेवताळान कामेन कितापेन मंडळीन सुरुवातेन काहनी छे, ने जी यरुसलेम सी यहुदीया, सामरीया ने तेरे अघे लग कसी पुग गुय, जसु ईसु हेरा चेला काजे सरगे जाणे सी पेहेलुत बताड़लु 1:8 ईनी किताप काजे लुकु लिखलु, जु लुकान अनसारे खुस-खबर बी लिखलु। चु एक डाक्टर हतलु, ने जसों हयो तसीत वात काजे लिखणे करीन समळीन लिखतेलु, चु हेरा खुस-खबर ने ईसुन नेवताळान कामेन किताप तीना थीयोफीलुस काजे बताड़्यु, चु युनानी बुलीन हतलु, बाकुन कितापेन हय सके की भुरसु करने वाळा माणसे वाटे बी हतलो ने तेरे मां युनानी ने यहुदी दुयु माणसे भेळा हतला। 1:1
ईसुन नेवताळान काम हय सके मसीन पयदा हवणेन 60-64 सालेन ईचमां लिखाय गुयलो, काहाकी किताप जेल जाणे सी लागाड़ीन पोलुसेन जेल मां सी पछु छुटणेन पेहलुत खत्तम हवे। लुकु बी नेवताळान काम पोलुस साते जाणेन टेमे ने हय सके की अन्तकीयान सहर मां नेवताळान कामेन किताप लिखलु हसे। नेवताळान काम लुकान खुस-खबर काजे चालु राखला छे, ने ईसुन सरगे मां जाणेन साते सुरु हवे। ईनी किताप काजे लिखणेन मतलब लुकान पेहल लिखली खुस-खबरेन तसोत छे। लुकु थीयोफीलुस काजे चाहतेलु, ने हेर भेळु भुरसु करने वाळा मसी माणसेन गिन्ती बड़ने सी मालुम पड़े की तीनुक काय सीकाड़ी गुयला, तेरेमां ईसुन जीवाय ने भुरसु करने वाळा मसी माणसेन धरमेन परचारेन एक वारलु किताप लिख्यु।
नेवताळान कामेन किताप हामरे वाटे पेहेल वाळी मंडळीन दाखलु बताड़े, ने ईसु मां भुरसु करीन कसा जीवणु करीन देखाड़े। नेवताळान दाखलु हामु काजे देखाड़े की दीसरा काजे खुस-खबर परचार फेलावणे मां चुखली-आत्मान ताकत पर कसु भुरसु करनु चाहजे।
बाहरती वात
1. पेहेल चुखली-आत्मा चेला पर आवे ने मंडळी बेसकी हवती जाय। 1:1—8:1
2. पछेन मंडळी काजे एला पाड़े ने यरुसलेमेन बाहर फेलतो जाय। 8:2—12:23
3. ने पछेन पोलुस आपसान पेहेली सेवान चाल पर जाय। 12:24—14:28
4. अळी सभा यरुसलेम मां बठक करीन असा वीच्यार करे की नवला भुरसु करने वाळा माणसेन काय जरुवत छे। 15:1-35
5. अळतेन अळी पोलुस हेरी दीसरी सेवान चाल पर जाय। 15:36—18:22
6. पछेन अळी पोलुस हेरी तीसरी सेवान चाल पर जाय। 18:23—20:38
7. तत्यार यरुसलेम मां पोलुस काजे धराय जाय। 21—26
8. आकरी मां हीनाक रोम मां मकली देय। 27—28
S'ha seleccionat:
नेवताळान काम नेवताळान कामेन बारामां: BSP25
Subratllat
Copia
Compara
Comparteix
Vols que els teus subratllats es desin a tots els teus dispositius? Registra't o inicia sessió
The Bhilali Bible ©The Word for the World International and Bhilali Bhasha Samiti, Warvani, (M.P.) 2025.