Be ya a Roma Fwa ekwafya
Fwa ekwafya
Etsonchi Bulu è bá afketa chí ena a ge no be ya aduwa a eten efifi a Roma, adi je gwi chwen chu chwen a fà (57), chashin a bè mbwa ara Yeso ángá, eno e ra adi ekpengga tenten ngge atan enò. Ehwyà gè bá afketa chí hon a eten a Korinti, adi ekpengga mo kèn mbwe adi e ta a gè ken du edgon a chu Fwa Esese ángá. Bulu è bá afketa chí ena evǝa ge e tú chu ye a zǝn be ya aduwa a Roma sangǝ́ ge e chà ken a zǝn be. Mò ena è bwe enò adia gè chà ken didi ye a zǝn be ya aduwa ya è no a zǝn ángá ra. Be ben chu fwa mo afketa chí ena, a tswa, Be ya a Roma (di: 1:16-17). Afketa chí hon jan, “Fwa Esese hon ena fwa ye mò ebgenju a zǝn m ra, adia ga echakpo mo Ehwya nwone e du nobǝ egwa egwa e tsǝ́ ara ekǝ̀n ángá, ge e ben ega. Adia a chu mo nó, be janse esese hon ena, nwone e vǝ a zǝn Ehwya n chà bwa anga, ngge be ben esese hon anga adi efka mo chaebi, ti ekwafya ken ekǝn-etkyen.” A tswa afketa chí hon ena, bè janse binbin mo mò a be yi adi moetum mo Fwa Esese, ken adi enggasansan. Afketa chí hon tú anga jan, binbin mo nobǝ a tswa zǝnchaje no a tswa echakpo mo ebgen, ngge binbin mo be nda anga be e ben zǝno e fwa ye ngge ebgen ra, chafya mo Ehwya (di: 1:8—3:20). Efwe, ge tú ara adi ebi jan, adi efka mo ekǝ̀n-etsǝ́m a chu Yeso Kristi, nobǝ chà a ben zǝno e fwa ye ngge ebgen ra, chafya mo Ehwya, fwa ye a chu be mochi a nobǝ bwe anga e chu ye ra (di: 3:21—4:25). Afketa chí ena efwe, janse yishwa fukèn e no ara kenm, a chu ya aduwa egwa egwa no a ken anga. Ge twanga janse nó anga efwe a chu abu zǝno enom a tswa echakpo mo Engǝ́ Echanwenwen vǝ edevǝ́m bwa anga a chu zǝno enom a tswa ekǝnjuju ángá (di: 5:1—8:39). Afketa chí hon tú fyanshi abu fuchin a Ehwya è te evǝa ge e ti e vǝ́ be nobǝ ángá, no ḿ mo egwa egwa; tú anga, be ya a Yahuda ngge be ya e fwa be ya a Yahuda ra gaten (di: 9:1—11:36). Ekǝn-etkyen be twa echa a chu abu yishwa zǝno enom mo ya aduwa, chuefǝnm e no a engga mo be nwenjwa, efwe ngge a engga mo be ya aduwa, efwe a engga mo be ya e dwatì no chu sǝnsen ángá (di: 12:1; 15:13).
Be mò ya e dwa a tswa afketa chí ena ángá
Fwa ekwafya 1:1-17
Binbin mo be nobǝ a be ya ebgen 1:18—3:20
Efwa a ba ben ega ángá 3:21—4:25
Nya efwe a tswa mo Kristi 5:1—8:39
Fuchín etem mo Ehwya a chu be ya a Yahuda 9:1—11:36
Yishwa zǝno esese a ya aduwa a no ángá 12:1—15:13
Fwa ekǝn-etkyen ngge fwa ebim 15:14—16:27
S'ha seleccionat:
Be ya a Roma Fwa ekwafya: ICH
Subratllat
Copia
Compara
Comparteix
Vols que els teus subratllats es desin a tots els teus dispositius? Registra't o inicia sessió
© 2024 Luke Initiative for Scripture Translation