Be Mochi 25
25
Bulu è jan be e ti kǝ́n mbwe e ken chafya mo Tìbin Kaisa
1Chashin mo tsǝ ta a Festu è bwangga ara a sǝnsen hon ángá, gè gwa Kesariya nè vǝ́ a Urishelima. 2A zǝn, be Ekǝ́n echa ngge be Atkwen nobǝ mo ya a Yahuda ya ehwyà è bwa a zǝn ye nè dwa ye kǝ́n a chu Bulu. 3Bè bgó Festu jan nè bwe e jwa be, nè twa e fwe Bulu zǝn e vǝ́ a Urishelima, adia bè té fuchin anga ba dwa ye ehu a efǝ abu be e gu ye. 4Tea Festu è janfwe be jan, “Be dgon Bulu anga a Kesariya, a me e chu m, m nyashi a zǝn adi tsǝ fà ena.” 5Enona, ge jan, “Ano nye no ngge fwa a chu ye, be atkwen nobǝ mo nye ya ehwyà be e shi ngge me abu be e dwakǝ́n mbwe a chafya mam a zǝn.” 6Chashin, a gè no ara a zǝn ngge be mo tsǝ chwen a ta ti ken gwi ángá, gè shi a Kesariya. Zǝn ngga re mo nó, gè chu a chu botì mbwe nè du, bè ti Bulu bwa a zǝn ye. 7Atan a Bulu è kwashi ara ángá, be ya a Yahuda hon ya è shwa chá Urishelima ángá è bwa ywa ngàhwya ye, nè tso ye efya embo tea bè tú ti be ye jan, mò a bè jan anga a chu ye ángá no ebi ra.
8Bulu, evǝa ge e ti e vǝ chu ye, è jan, “M cha bwe didi m edan akan a chu mo be edon mo ya a Yahuda, eno e ra a chu Àtá mo Ehwya hon, eno e ra, tìbin Kaisa ra.”
9Tea adia Festu è dgyan ángá ge e bwe be ya a Yahuda mò a be dgyan anga, gè ká Bulu eka jan, “O dgyan anga be e ti o e vǝ́ a Urishelima evǝa be e kpèn o kǝ́n hon chafya m a zǝn, a chu be fwa ena?”
10Bulu è janfwe ye, “É yé. Tea ma ywa a chafya mo àtá kǝ́n ekpènm mo Kaisa, zǝn e no ara be e kpèn m kǝ́n ángá. Abo e chu o, o yise mbo jan m chà bwe m ya a Yahuda mò esera akan ra. 11Ano m bwe ara edan nwone e kǝn ara me e fǝ, m se m be e gu m ra. Tea ano kǝ́n a be ya a Yahuda ena dwa anga a chu m ángá, fwa ye ebi ra, nobǝ akan fwa ye ngge echakpo a ge e ti m e du be a bu ra. M bgó anga be e ti kǝ́n mam e ken chafya mo tìbin Kaisa.”
12Chashin a Festu è pa ara pyoro ngge be Atkwentì mbwe ángá, gè janfwe ye jan, “O bgó ara jan be e ti kǝ́n mbo e ken a zǝn Kaisa, wa ken a zǝn Kaisa.”
Festu è nda pyoro mo Tì Echa Agripa
13Beti bishi tsǝ fà, Tì Echa Agripa ngge Bani nwenjin ye ndegwa è bwa a Kesariya abu be e bi Gomna Festu fwa. 14Adia bè no a zǝn mo be tsǝ embo ángá, Festu è jan fwa ngge Tì Echa Agripa evǝa ge e fo tsuruku mbwe a chu fwa mo Bulu. Gè jan, “Feli è gwa nobǝ akan no a àtá ehwyatu ana. 15Atan a m̀ no a Urishelima ángá, be Ekǝ́n echa ngge be atkwen nobǝ mo be ya a Yahuda è dwa m kǝ́n mo nobǝ hon nè tso ye efya, nè bgó jan be e nda anga be e gu nobǝ hon.
16“M̀ janfwe be jan edon mo be ya a Roma a ti nobǝ a no ye be ya e tso ende hon efya anga ra, kpwà tén ano be no ara ye efwa ge jan e ti e vǝ́ chu ye sangǝ́. 17Atan a be ya è tso ye efya anga è bwa ana ngge me abu me e kpèn be kǝ́n hon ángá, m̀ fo ti nyi m enyinm ra, zǝngga re m̀ fǝ́ dwakǝ́n hon, m̀ du bè ti nobǝ hon bwa. 18Atan a be ya e tso ye efya anga è nyi etkyen nè jan fwa ángá, bè jan didi be èé akan mo mò esera a m̀ ka anga jan gè bwe ángá ra. 19Tea mò akan tete a bè twa efyan anga ngge ge ángá è no a chu mo efen efenm mo be ngge a chu nobǝ è fǝ ara, a bè fǝ́ ángá Yeso, tea Bulu è jan anga jan ne chà no angǝ ángá. 20M̀ zhin ara tón a chu abu m ba a se ebi mo kǝ́n hon ángá, enona, m̀ ká ye eka ano ge dgyan anga ge e ken a Urishelima evǝa be e kpèn ye kǝ́n a chu be efya ena a be tso ye anga a zǝn. 21Tea Bulu è bgó ara jan be e ti kǝ́n mbwe e ken chafya mo Tìbin Kaisa. Enona, m̀ du jan be e ke e gwa ye ge e no a àtá ehwyatu, ti a ken atan a m di ge no esese me e du be e ti ye e ken a zǝn tì Kaisa ángá.”
22Kǝnggwa Tì Echa Agripa è jan Festu jan, “Ma dgyan me e fo nobǝ hon a me e chu m.” Festu è janfwe ye, “O kpé a fo ye kpé.”
Bulu è jan fwa ejantu mbwe chafya mo Tì Agripa
23No enona, zǝngga re, Tì Echa Agripa ngge Bani ngge be nobǝ embo ya éè ba be anga è bwa kwashi a àtá kǝ́n ekpènm. Be nobǝ echa echa mo be yakàn ngge be atkwen nobǝ echa a eten efifi hon e no a zǝn èé be. Kǝnggwa, Festu è du bè ti Bulu kwashi a tswa. 24Festu è jan, “Tì Agripa ngge binbin mo nye ya è no ngge je ana ángá, nye di ena a nobǝ, a be ya a Yahuda binbin è dwakǝ́n mbwe a zǝn m a Kesariya ana ngge a Urishelima, ngge dwa etànm jan ge se ye, ge e no angǝ ti bwangga na ra. 25M̀ ben m ye ngge mò a ge bwe e kǝn ara be e gu ye ángá ra. Tea adia gè jan ara a vǝ mbwe jan be e ti kǝ́n mbwe ken chafya mo tìbin Kaisa ángá, m ka jan me e du ye e ken a zǝn tìbin Kaisa a Roma. 26Tea m fwa m ngge fwa akan a m bá a no tìbin echa mo je a chu ye ángá ra. No enona, m ti ye bwa ara a zǝn nye binbin, ngge chìchì mo nó chafya mbo, Tì Agripa, evǝa a chu chuefǝnm ena, ma ben mò a ma bá ángá. 27Adia m ka jan ge se ye me e du ya àtá ehwyatu akan, a m fwa m ngge edan echakpokpo a ge bwe anga ra, e ken a zǝn tìbin Kaisa.”
S'ha seleccionat:
Be Mochi 25: ICH
Subratllat
Copia
Compara
Comparteix
Vols que els teus subratllats es desin a tots els teus dispositius? Registra't o inicia sessió
© 2024 Luke Initiative for Scripture Translation
Be Mochi 25
25
Bulu è jan be e ti kǝ́n mbwe e ken chafya mo Tìbin Kaisa
1Chashin mo tsǝ ta a Festu è bwangga ara a sǝnsen hon ángá, gè gwa Kesariya nè vǝ́ a Urishelima. 2A zǝn, be Ekǝ́n echa ngge be Atkwen nobǝ mo ya a Yahuda ya ehwyà è bwa a zǝn ye nè dwa ye kǝ́n a chu Bulu. 3Bè bgó Festu jan nè bwe e jwa be, nè twa e fwe Bulu zǝn e vǝ́ a Urishelima, adia bè té fuchin anga ba dwa ye ehu a efǝ abu be e gu ye. 4Tea Festu è janfwe be jan, “Be dgon Bulu anga a Kesariya, a me e chu m, m nyashi a zǝn adi tsǝ fà ena.” 5Enona, ge jan, “Ano nye no ngge fwa a chu ye, be atkwen nobǝ mo nye ya ehwyà be e shi ngge me abu be e dwakǝ́n mbwe a chafya mam a zǝn.” 6Chashin, a gè no ara a zǝn ngge be mo tsǝ chwen a ta ti ken gwi ángá, gè shi a Kesariya. Zǝn ngga re mo nó, gè chu a chu botì mbwe nè du, bè ti Bulu bwa a zǝn ye. 7Atan a Bulu è kwashi ara ángá, be ya a Yahuda hon ya è shwa chá Urishelima ángá è bwa ywa ngàhwya ye, nè tso ye efya embo tea bè tú ti be ye jan, mò a bè jan anga a chu ye ángá no ebi ra.
8Bulu, evǝa ge e ti e vǝ chu ye, è jan, “M cha bwe didi m edan akan a chu mo be edon mo ya a Yahuda, eno e ra a chu Àtá mo Ehwya hon, eno e ra, tìbin Kaisa ra.”
9Tea adia Festu è dgyan ángá ge e bwe be ya a Yahuda mò a be dgyan anga, gè ká Bulu eka jan, “O dgyan anga be e ti o e vǝ́ a Urishelima evǝa be e kpèn o kǝ́n hon chafya m a zǝn, a chu be fwa ena?”
10Bulu è janfwe ye, “É yé. Tea ma ywa a chafya mo àtá kǝ́n ekpènm mo Kaisa, zǝn e no ara be e kpèn m kǝ́n ángá. Abo e chu o, o yise mbo jan m chà bwe m ya a Yahuda mò esera akan ra. 11Ano m bwe ara edan nwone e kǝn ara me e fǝ, m se m be e gu m ra. Tea ano kǝ́n a be ya a Yahuda ena dwa anga a chu m ángá, fwa ye ebi ra, nobǝ akan fwa ye ngge echakpo a ge e ti m e du be a bu ra. M bgó anga be e ti kǝ́n mam e ken chafya mo tìbin Kaisa.”
12Chashin a Festu è pa ara pyoro ngge be Atkwentì mbwe ángá, gè janfwe ye jan, “O bgó ara jan be e ti kǝ́n mbo e ken a zǝn Kaisa, wa ken a zǝn Kaisa.”
Festu è nda pyoro mo Tì Echa Agripa
13Beti bishi tsǝ fà, Tì Echa Agripa ngge Bani nwenjin ye ndegwa è bwa a Kesariya abu be e bi Gomna Festu fwa. 14Adia bè no a zǝn mo be tsǝ embo ángá, Festu è jan fwa ngge Tì Echa Agripa evǝa ge e fo tsuruku mbwe a chu fwa mo Bulu. Gè jan, “Feli è gwa nobǝ akan no a àtá ehwyatu ana. 15Atan a m̀ no a Urishelima ángá, be Ekǝ́n echa ngge be atkwen nobǝ mo be ya a Yahuda è dwa m kǝ́n mo nobǝ hon nè tso ye efya, nè bgó jan be e nda anga be e gu nobǝ hon.
16“M̀ janfwe be jan edon mo be ya a Roma a ti nobǝ a no ye be ya e tso ende hon efya anga ra, kpwà tén ano be no ara ye efwa ge jan e ti e vǝ́ chu ye sangǝ́. 17Atan a be ya è tso ye efya anga è bwa ana ngge me abu me e kpèn be kǝ́n hon ángá, m̀ fo ti nyi m enyinm ra, zǝngga re m̀ fǝ́ dwakǝ́n hon, m̀ du bè ti nobǝ hon bwa. 18Atan a be ya e tso ye efya anga è nyi etkyen nè jan fwa ángá, bè jan didi be èé akan mo mò esera a m̀ ka anga jan gè bwe ángá ra. 19Tea mò akan tete a bè twa efyan anga ngge ge ángá è no a chu mo efen efenm mo be ngge a chu nobǝ è fǝ ara, a bè fǝ́ ángá Yeso, tea Bulu è jan anga jan ne chà no angǝ ángá. 20M̀ zhin ara tón a chu abu m ba a se ebi mo kǝ́n hon ángá, enona, m̀ ká ye eka ano ge dgyan anga ge e ken a Urishelima evǝa be e kpèn ye kǝ́n a chu be efya ena a be tso ye anga a zǝn. 21Tea Bulu è bgó ara jan be e ti kǝ́n mbwe e ken chafya mo Tìbin Kaisa. Enona, m̀ du jan be e ke e gwa ye ge e no a àtá ehwyatu, ti a ken atan a m di ge no esese me e du be e ti ye e ken a zǝn tì Kaisa ángá.”
22Kǝnggwa Tì Echa Agripa è jan Festu jan, “Ma dgyan me e fo nobǝ hon a me e chu m.” Festu è janfwe ye, “O kpé a fo ye kpé.”
Bulu è jan fwa ejantu mbwe chafya mo Tì Agripa
23No enona, zǝngga re, Tì Echa Agripa ngge Bani ngge be nobǝ embo ya éè ba be anga è bwa kwashi a àtá kǝ́n ekpènm. Be nobǝ echa echa mo be yakàn ngge be atkwen nobǝ echa a eten efifi hon e no a zǝn èé be. Kǝnggwa, Festu è du bè ti Bulu kwashi a tswa. 24Festu è jan, “Tì Agripa ngge binbin mo nye ya è no ngge je ana ángá, nye di ena a nobǝ, a be ya a Yahuda binbin è dwakǝ́n mbwe a zǝn m a Kesariya ana ngge a Urishelima, ngge dwa etànm jan ge se ye, ge e no angǝ ti bwangga na ra. 25M̀ ben m ye ngge mò a ge bwe e kǝn ara be e gu ye ángá ra. Tea adia gè jan ara a vǝ mbwe jan be e ti kǝ́n mbwe ken chafya mo tìbin Kaisa ángá, m ka jan me e du ye e ken a zǝn tìbin Kaisa a Roma. 26Tea m fwa m ngge fwa akan a m bá a no tìbin echa mo je a chu ye ángá ra. No enona, m ti ye bwa ara a zǝn nye binbin, ngge chìchì mo nó chafya mbo, Tì Agripa, evǝa a chu chuefǝnm ena, ma ben mò a ma bá ángá. 27Adia m ka jan ge se ye me e du ya àtá ehwyatu akan, a m fwa m ngge edan echakpokpo a ge bwe anga ra, e ken a zǝn tìbin Kaisa.”
S'ha seleccionat:
:
Subratllat
Copia
Compara
Comparteix
Vols que els teus subratllats es desin a tots els teus dispositius? Registra't o inicia sessió
© 2024 Luke Initiative for Scripture Translation