Be Mochi 24
24
Feli è kpèn Bulu kǝ́n
1Tsǝ chwen chashin, Chu mo ekǝ́n Ananiya è shwa a Kesariya ngge be Atkwentì ya ehwyà tangge ende akan è yi edon a bè fǝ́ anga Tatulu, bè shwa dwakǝ́n mo Bulu a zǝn gomna Feli. 2Atan a bè fǝ́ Bulu dwa kwashi ara ángá, Tatulu è kwa ara kǝ́n mo Bulu edwam a chafya mo gomna jan, “Tì Echa Feli, je no ara zǝno a tswa adgye mo ekpengga àywá a o no chu a bo ángá ngge adi enggaton mbo o bwe ara be mò efwe efwe embo adi eyasǝnsen mo je. 3Tì Feli e dgwa ti ara, je diyi ara ye chagwa chagwa ngge adi egwa egwa mo be efwa binbin, je chwano o anga àywá. 4Tea adia m dgyan m me e fa mbo ra, m bgó o anga, we bon-ekǝ̀n e fo je mo ekpengga nwofyan.
5“Je yi ara adi ebi jan nobǝ ena, a ya fwa etkem, ge tke etkekàn anga a engga mo be ya a Yahuda binbin a tswa zǝnchaje ngge ga chu mo etso mo be nobǝ a be fǝ be anga ya a Nazarati ángá. 6Gè tkyan ge e bwe e mbǝgo èé Àtá mo Ehwya, enona, je fu ye. Jè nda anga be e kpèn ye kǝ́n abu edon mo je jan anga. [ 7Tea ekpondgyen mo yakàn, Lisiya è bwa fkwacha ye a bu mo je.] 8Ano o ká ye eka a bo e chu o, o cha a yi a zǝn ye binbin mo be mò a je tso ye efya a chu mo nó jan ge bwe anga.”
9Be ya a Yahuda hon gaten è twa tan ngge ge, nè no jan anga jan be mò a gè jan anga na no ebi.
10Atan a gomna Feli è tú bu ken a ju Bulu evǝa ge e jan fwa ángá. Bulu è jan, “Adia m yi jan è bwa ekpe, o no ekpenkǝ́n a chu be nobǝ mo sǝnsen ena, enona, ngge tsuruku akan ma janvǝ mam ngge vǝtsen. 11Ano o ká be nobǝ eka, wa yi jan chà twafǝ̀ ye tsǝ gwi chu fà ra, m̀ vǝ́ fen Ehwya a Urishelima. 12Ya e tso m efya anga na, chà ben di m adi efyan etwam ngge ende akan a tswa a Àtá mo Ehwya eno e ra tke etkekàn anga ngge nobǝ akan a zǝn chuefǝnm eno e ra egwa egwa mo zǝn a tswa eten efifi hon ra. 13Be jan a ti mbo mò akan enggasansan nwone a tú jan mò a be tso m efya anga a chu mo nó ángá no ebi ra. 14Tea m chadwa a chafya mbo jan m fen Ehwya mo be ebǝ ata mo je anga abu ende e ba Efwa anga, a be ya a Yahuda fǝ anga etso. M tsǝ́ekǝ̀n a chu egwa egwa mo be mò a edon mo je jan ngge egwa egwa mo mò a be efojan mo Ehwya è bá ángá. 15Yishwa shwa enyim a m no ngge ge a chu Ehwya ángá, a ge hon a be ya ena no ngge nó gaten, e jan be ya ebitete ngge be ya ebgen ne zǝ a bwa angǝ. 16Ena a mò e bwe nogwa nogwa m nne anga a tsuruku mam evǝa me e bwe mò e no esese chafya mo Ehwya ngge binbin mo be nobǝ anga.
17“M̀ ti je embo sangǝ́ m̀ chà twabǝ bwa a Urishelima. M̀ bwa a zǝn evǝa me e dwe ya mbwe m ya ekan edwe ngge me e no Ehwya be mò etinom. 18M̀ no enachacha abu moefì mo je tú anga atan a bè ben m a chuukwa mo Àtá mo Ehwya ángá, m̀ bwe m mò e no efki ángá ra. Be nobǝ efki è fwa be ngge me ra, m̀ tke m etkekàn ra. 19Tea be ya a Yahuda ya ehwyà efa mo Eshiya ya à no chafya mbo ana be e jan a kpevǝ mo be, ano be no ngge fwa akan a chu m. 20Eno e ra be nobǝ e no ana ángá, be e jan edan a m̀ bwe atan a m̀ ywano chafya mo be Atkwentì ángá. 21Kpwà tén fwa ena a m̀ jan adi dwa etànm atan a m̀ ywano a tswa mo be jan, ‘Be nwenjwa m ya, a me ma Farisi, àtá m a Farisi. M no a tswa mo embwadi a chu shwa enyim a chu ezǝbwam mo be ya e fǝ ara ángá.’ ”
22Ekǝnggwa Feli, nwene e yise fwa a chu be ya Efwa ángá, è fu ndnya kǝ́n ekpènm hon nè jan, “Atan a Lisiya ekpondgyen mo yakàn bwa ara, ma kpèn nye kǝ́n mo nye.” 23Gè du chu mo yakàn hon be e dgon Bulu, tea gè jan be e jan e ngga be ende akan a engga mo be shushwa ye ya e dgyan anga, be e bwe e jwa ye ángá ra.
24Beti bishi tsǝ fà, Feli è bwa ngge gwa ye Durusila nwene è no ya a Yahuda ángá. Gè du be e ti Bulu e bwa, bè buton fo ye atan a gè no jan be fwa anga a chu chaebi a chu Yeso Kristi ángá. 25Atan a Bulu è jan fwa anga a chu ebitete, ju efupem ngge kǝ́n ekpènm hon nwone e nyabwa ángá, Feli tsen etsentsen nè jan, “Mbwa ara. Nya ḿ mbo, atan a m ben ara engga ma fǝ́ o dwa.” 26A ge e chu ye atan enò, gè ka anga jan Bulu a vi ye viedu ngge tse, no enona, gè no fǝ́ bwi Bulu dwa anga evǝa be e tkuvǝ eso.
27Je fà chashin, Pokiyo Festu è defǝ́n mo botì mo Feli, tea adia Feli hon è dgyan anga ge e bwe ya a Yahuda esese ángá gè gwa Bulu a tswa àtá ehwyatu hon.
S'ha seleccionat:
Be Mochi 24: ICH
Subratllat
Copia
Compara
Comparteix
Vols que els teus subratllats es desin a tots els teus dispositius? Registra't o inicia sessió
© 2024 Luke Initiative for Scripture Translation
Be Mochi 24
24
Feli è kpèn Bulu kǝ́n
1Tsǝ chwen chashin, Chu mo ekǝ́n Ananiya è shwa a Kesariya ngge be Atkwentì ya ehwyà tangge ende akan è yi edon a bè fǝ́ anga Tatulu, bè shwa dwakǝ́n mo Bulu a zǝn gomna Feli. 2Atan a bè fǝ́ Bulu dwa kwashi ara ángá, Tatulu è kwa ara kǝ́n mo Bulu edwam a chafya mo gomna jan, “Tì Echa Feli, je no ara zǝno a tswa adgye mo ekpengga àywá a o no chu a bo ángá ngge adi enggaton mbo o bwe ara be mò efwe efwe embo adi eyasǝnsen mo je. 3Tì Feli e dgwa ti ara, je diyi ara ye chagwa chagwa ngge adi egwa egwa mo be efwa binbin, je chwano o anga àywá. 4Tea adia m dgyan m me e fa mbo ra, m bgó o anga, we bon-ekǝ̀n e fo je mo ekpengga nwofyan.
5“Je yi ara adi ebi jan nobǝ ena, a ya fwa etkem, ge tke etkekàn anga a engga mo be ya a Yahuda binbin a tswa zǝnchaje ngge ga chu mo etso mo be nobǝ a be fǝ be anga ya a Nazarati ángá. 6Gè tkyan ge e bwe e mbǝgo èé Àtá mo Ehwya, enona, je fu ye. Jè nda anga be e kpèn ye kǝ́n abu edon mo je jan anga. [ 7Tea ekpondgyen mo yakàn, Lisiya è bwa fkwacha ye a bu mo je.] 8Ano o ká ye eka a bo e chu o, o cha a yi a zǝn ye binbin mo be mò a je tso ye efya a chu mo nó jan ge bwe anga.”
9Be ya a Yahuda hon gaten è twa tan ngge ge, nè no jan anga jan be mò a gè jan anga na no ebi.
10Atan a gomna Feli è tú bu ken a ju Bulu evǝa ge e jan fwa ángá. Bulu è jan, “Adia m yi jan è bwa ekpe, o no ekpenkǝ́n a chu be nobǝ mo sǝnsen ena, enona, ngge tsuruku akan ma janvǝ mam ngge vǝtsen. 11Ano o ká be nobǝ eka, wa yi jan chà twafǝ̀ ye tsǝ gwi chu fà ra, m̀ vǝ́ fen Ehwya a Urishelima. 12Ya e tso m efya anga na, chà ben di m adi efyan etwam ngge ende akan a tswa a Àtá mo Ehwya eno e ra tke etkekàn anga ngge nobǝ akan a zǝn chuefǝnm eno e ra egwa egwa mo zǝn a tswa eten efifi hon ra. 13Be jan a ti mbo mò akan enggasansan nwone a tú jan mò a be tso m efya anga a chu mo nó ángá no ebi ra. 14Tea m chadwa a chafya mbo jan m fen Ehwya mo be ebǝ ata mo je anga abu ende e ba Efwa anga, a be ya a Yahuda fǝ anga etso. M tsǝ́ekǝ̀n a chu egwa egwa mo be mò a edon mo je jan ngge egwa egwa mo mò a be efojan mo Ehwya è bá ángá. 15Yishwa shwa enyim a m no ngge ge a chu Ehwya ángá, a ge hon a be ya ena no ngge nó gaten, e jan be ya ebitete ngge be ya ebgen ne zǝ a bwa angǝ. 16Ena a mò e bwe nogwa nogwa m nne anga a tsuruku mam evǝa me e bwe mò e no esese chafya mo Ehwya ngge binbin mo be nobǝ anga.
17“M̀ ti je embo sangǝ́ m̀ chà twabǝ bwa a Urishelima. M̀ bwa a zǝn evǝa me e dwe ya mbwe m ya ekan edwe ngge me e no Ehwya be mò etinom. 18M̀ no enachacha abu moefì mo je tú anga atan a bè ben m a chuukwa mo Àtá mo Ehwya ángá, m̀ bwe m mò e no efki ángá ra. Be nobǝ efki è fwa be ngge me ra, m̀ tke m etkekàn ra. 19Tea be ya a Yahuda ya ehwyà efa mo Eshiya ya à no chafya mbo ana be e jan a kpevǝ mo be, ano be no ngge fwa akan a chu m. 20Eno e ra be nobǝ e no ana ángá, be e jan edan a m̀ bwe atan a m̀ ywano chafya mo be Atkwentì ángá. 21Kpwà tén fwa ena a m̀ jan adi dwa etànm atan a m̀ ywano a tswa mo be jan, ‘Be nwenjwa m ya, a me ma Farisi, àtá m a Farisi. M no a tswa mo embwadi a chu shwa enyim a chu ezǝbwam mo be ya e fǝ ara ángá.’ ”
22Ekǝnggwa Feli, nwene e yise fwa a chu be ya Efwa ángá, è fu ndnya kǝ́n ekpènm hon nè jan, “Atan a Lisiya ekpondgyen mo yakàn bwa ara, ma kpèn nye kǝ́n mo nye.” 23Gè du chu mo yakàn hon be e dgon Bulu, tea gè jan be e jan e ngga be ende akan a engga mo be shushwa ye ya e dgyan anga, be e bwe e jwa ye ángá ra.
24Beti bishi tsǝ fà, Feli è bwa ngge gwa ye Durusila nwene è no ya a Yahuda ángá. Gè du be e ti Bulu e bwa, bè buton fo ye atan a gè no jan be fwa anga a chu chaebi a chu Yeso Kristi ángá. 25Atan a Bulu è jan fwa anga a chu ebitete, ju efupem ngge kǝ́n ekpènm hon nwone e nyabwa ángá, Feli tsen etsentsen nè jan, “Mbwa ara. Nya ḿ mbo, atan a m ben ara engga ma fǝ́ o dwa.” 26A ge e chu ye atan enò, gè ka anga jan Bulu a vi ye viedu ngge tse, no enona, gè no fǝ́ bwi Bulu dwa anga evǝa be e tkuvǝ eso.
27Je fà chashin, Pokiyo Festu è defǝ́n mo botì mo Feli, tea adia Feli hon è dgyan anga ge e bwe ya a Yahuda esese ángá gè gwa Bulu a tswa àtá ehwyatu hon.
S'ha seleccionat:
:
Subratllat
Copia
Compara
Comparteix
Vols que els teus subratllats es desin a tots els teus dispositius? Registra't o inicia sessió
© 2024 Luke Initiative for Scripture Translation