Be Mochi 23
23
1Bulu è nggwa be Atkwentì mo be ya a Yahuda fǝzǝn a ju nè jan, “Be nwenjwa m ya, ti bwa anga na, m bwe nya ara mochi mam chafya mo Ehwya a tswa tsuruku akan jan m chà dan m ra.” 2Adi efom enò, Ananiya Chu mo ekǝ́n, è du jan be ya e ywano tenten a zǝn Bulu anga be e bu ye mò a kpevǝ. 3Kǝnggwa Bulu jan ye jan, “Ehwya a kǝn o mò, a bo e no abu ekpe a be kpwà nó no etenten ángá. O chuno ani evǝa we kpèn m kǝ́n abu edon mo Mosa tú anga, tea o dipin edon hon, o du be nobǝ be e kǝn m mò.” 4Be ya e ywano tenten a zǝn Bulu anga jan, “O tsu ende a Ehwya bwe ye ge no Chu mo ekǝ́n, wa tsu ye?”
5Bulu è janfwe be, “Ḿ yi m jan ga Chu mo ekǝ́n ra, adia ge no ebam jan, ‘Ge se ye we jan fwa esera a chu ende e dwatì no a chu be nobǝ mo nye ángá ra.’ ” 6Ekǝnggwa atan a Bulu è yi ara jan ya ehwyà mo be a be Sadosi ngge ya ehwyà a be Farisi ángá, gè tandwa a tswa tem̀ mo be Atkwentì jan, “Be nwenjwa m ya, a me ma Farisi, àtá m a Farisi. M no a tswa mo embwadi a chu shwa enyim a chu ezǝbwam mo be ya e fǝ ara ángá.” 7Atan a gè jan enò ángá, efyan etwam è kwa ara a tswa engga mo be Farisi ngge be Sadosi, kǝnggwa be Atkwentì mo be ya a Yahuda è nggakwa ara. 8(Adia be Sadosi jan ezǝbwam mo nobǝ e fǝ ara ángá, ne fwa mo nó ra. Efwe, be jan maleka ngge engǝ́ ne fwa be ra, tea be Farisi jan binbin mo be mò ena ne no.)
9Efyan etwam echakpokpo mbwibwa a zǝn, ngge etumo mo edon ya ehwyà è no be Farisi ángá, è nyi etkyen nè twa ese echakpokpo jan, “Je di je mò esera a ende ena bwe ángá ra. Nye yi ehwyà a maleka eno e ra engǝ́ jan ye fwa a ge?” 10Atan a efyan etwam hon twafǝ̀ ara chu ángá, ekpondgyen hon è tsen etsentsen nè ka jan be vǝ a ngga Bulu. Gè du be yakàn be e ken e fkwa e cha ye a bu mo be ti twabǝ e vǝ́ a echieno. 11Etsǝ nò eni, Ehwya è bwa ywa tenten a zǝn Bulu nè jan, “Bonshi ekǝ̀n. Abu o jan ara be fwa a chu m a Urishelima na, enò wa jan fwa a chu m a Roma gaten.”
Be ya a Yahuda è té fuchin be e gu Bulu
12Atan a zǝn ngga ara ángá, be ya a Yahuda è pa nè chadwa e sojube ngge efan efanm jan ba ngǝ be ra, ba de be mò akan ra, kpwà tén ano be gu ara Bulu. 13Be ya è senvǝ hon ángá è twafǝ̀ be ndedon gwi ndwe (40) 14Bè ken a zǝn be Ekǝ́n echa ngge be Atkwentì ya ehwyà nè jan be jan, “Je fan ara efan e sojuje jan ja de a didi je mò akan ra kpwà tén ano je gu ara Bulu. 15No enona, a nye ngge be Atkwentì, nye e tson e ken a zǝn ekpondgyen mo yakàn be e jan ye ge e ti Bulu e shwa nye, abu nye nda anga nye e fo e seshi fwa ebi a chu ye. A je, je notsa ara, ja dwa ehu atan a ge chà shwangga ye ra, ja gu ye a efǝ.”
16Tea atan enò, nwen ndedon akan, nwen nwenjin Bulu ndegwa è fo ara abu bè nda anga ba gu Bulu a efǝ ángá, gè ken kwashi a echieno hon nè jan Bulu.
17Bulu è fǝ́ akan mo be nobǝ echa mo yakàn hon dwa nè jan, “Ti ezon-ndedon ena ken a zǝn ekpondgyen, adia ge no ngge mò a ga jan ye ángá.” 18Enona, yakàn hon è ti nwen hon ken a zǝn ekpondgyen.
Ekǝnggwa ekpondgyen hon è jan, “Bulu a be kenpe ye no ana ángá, tson jan be e fǝ́ m dwa, n jan me e ti ezon-ndedon ena e bwa a zǝn o, adia ge no ngge mò a ga jan o ángá.” 19Ekpondgyen hon è fu bu mo ezon-ndedon hon nè ti ye ken a buetkwa nè ká ye eka engǝ̀ntonton jan, “Mò hon a o nda anga we jan m ángá a ano?” 20Gè janfwe ye jan ne, be ya a Yahuda cha ara dwa jan, ba jan o we kpé e ti Bulu e shi a zǝn be Atkwentì, be kpe a tú abu be nda anga be e fo e seshi fwa ebi a chu ye. 21Enona, we cha mbo dwa be tsa o we bwe enò ra, adia be nobǝ e twafǝ̀ gwi ndwe n nda anga ba dwa ye ehu a efǝ. Be fan ara efan jan ba de be ra ba ngǝ be ra, kpwà tén ano be gu ara ye. Asuswana be notsa ara, n no nobà o anga we chadwa ngge ebgo mo be.
22Enona, ekpondgyen hon è du ezon-ndedon hon twabǝ nya nè twa ye echa jan, “We jan e didi mbo nobǝ akan jan o jantu ara m fwa ena ra.”
Bè du Bulu ken a zǝn Gomna Feli a Kesariya
23Ekǝnggwa ekpondgyen hon è fǝ́ be chu mo be yakàn fà dwa nè jan, “Te fuchin mo be yakàn a sǝnsen gwé fà (200), be yakàn a chu enyo gwi chwen a fà (70) ngge be ya yakàn mo tu evǝnm gwé fà (200). Ba ken a Kesariya, tse chwen ndwe mo etsǝ nòmo. 24Nye e no Bulu enyo a ga tón ángá abu nye e ti ye e ken e ngga a tswa adgye a zǝn Gomna Feli.” 25Ekpondgyen mo be yakàn ba adi afketa chí jan,
26Afketa chí ena vǝ a zǝn m, Kaladiyo Lisiya, ti ken a zǝn o,
Nobǝ edgwa Gomna Feli, m bi o fwa anga.
27Be ya a Yahuda è fu nobǝ ena nè nda anga be gu ye, tea m̀ bwa ngge be yakàn mam, m bwa fkwacha ye adia m̀ fo jan ga ya sǝnsen mo Roma ángá. 28Adia m̀ nda anga me e yi edan a bè jan gè bwe ángá, enona, m̀ ti ye shi a zǝn Atkwentì mo be. 29M̀ hwayi jan bè tso ye efya anga a chu fwa, a chu edon mo be, tea gè chà bwe ye mò akan e kengga ra be e gu ye eno e ra be twa ye a àtá ehwyatu ángá ra. 30Atan a bè jan m jan be ya a Yahuda ya ehwyà è té ara fuchin a ba gu ye ángá, m̀ tson ye bwa a zǝn o kè akan. M̀ du ara be ya e tso ye efya ángá, be e bwa e jan o edan a be jan gè bwe ángá a chafya mbo gaten.
31Enona, be yakàn hon è bwe abu bè jan be ángá. Bè ti Bulu ti kengga a eten Antifatiri etsǝ nò eni. 32Zǝn ngga re mo nó, be yakàn a chu enyo è nya ngge Bulu a Kesariya, be ya è dan ángá, è twabǝ ken a echieno mo be. 33Atan a bè bwangga a Kesariya ángá, bè ti Bulu ngge afketa chí hon ti no Gomna. 34Atan a Gomna hon è ká afketa chí hon ángá, gè ká be eka jan Bulu hon na ya efa ani ne. Atan a gè fo jan na ya Kilikiya ángá, 35gè jan, “Ma buton a fo fwa mbo ano be ya e tso o efya anga bwangga ara ana.” Ekǝnggwa gè du jan be e edgon Bulu a tem̀ a Hiridu è mbwe ángá.
S'ha seleccionat:
Be Mochi 23: ICH
Subratllat
Copia
Compara
Comparteix
Vols que els teus subratllats es desin a tots els teus dispositius? Registra't o inicia sessió
© 2024 Luke Initiative for Scripture Translation