Jacques 4
4
?Evamba éatsengene ékegea nayee?
1?Migenye na masaganédana va gatse anyô matubéga nayee? Matubéga te manyima mabévani mayungédanye gô mitéma mianyô. 2Anye nônyôngéô sôma, ivo nôsoongôa édiia sangô. N’anye nônyôngéô éyôha môma gôédiia sangô. Nônyima sôma ivô nôsoongôa édiia sangô. Te vane nôtuba te migaga na migenye. Nôsaba na éne ényôngéô anye te gôsaduka anye Nzambé éangô. 3Nôduka, nôsadiia. Te gôdukanye na matasa mabévani. Ene édukanye te gôndé anyene gôédugéda manyima manyô mabévani. 4Anye nôvamba mavamba mabaé. ?Nôsamenya mbe ône andé n’evamba n’esima éatsengene asaba n’evamba na Nzambé? One andé na vitoo n’esima éatsange nedué akoga te môdudeo aNzambé. 5Nôtasa mbe Matendeo MaNzambé matôbeenda bobo mbe: Nzambé anyôngéô, ti v’ekôdéô ényôngéô, gédidi gémavumbangô gôndé wa n’anyô. 6Buéyé mbe nane, Nzambé atôétsa mene mate mootéa mane. Matendeo MaNzambé matôbeenda mbe: Nzambé agoméa asi nyemo. Ivô eetsa mate gôndé ane asaba na nyemo. 7Sugédani anyene va mbene aNzambé. Kékôani mane mayabédé na angakôndangana na gôdagôda n’anye. 8Weseani na gôndé Nzambé gôévamba n’edi, na angô angawesea na gôndé anye. Ovôakani mogo manyô oma abévani. Gôgédani mitéma mianyô, anye anyepi amiônya. 9Bangôani ébévee éamitéma mianyô. Déani na aamuganani éangô. Koani ékasôga éamitéma mianyô éka gésinganinga. 10Sugédani anyene va mbene aKumu Jésus na angô anganôsangéga.
Onatsundéda môkoo
11Ana aTéta agô mbumu éaNzambé nônatsuavana anyene n’anyene. One eeséda muana aTétee n’edi na atsuava angô, eeséda Matendeo MaNzambé na atsuava mangô. Menya mbe éwe ôtsuava Matendeome éwe ôsaba môneegedi amangô ivô éwe te môkékôyi amangô. 12Môkitsi amige te Nzambé. Na môtsundédine te amuene Nzambé. Te angô Môbunganédi. ?Ewe indaa ôeséda môkoo?
Nômbiaba na nyemo
13Oôkôni me anye nôvovo mbe: Deo noo na mene tôngakea na gô mbôka asimbe na bôkaye. Tôngamana te géma gévo. Tôngeenda ôyôkô na tôngadiia dode yasô. 14?Nôvovo nane nayee? ?Nôsabômu mane mavigani‐a? ?Monyoe wanyô ôndé nayee? Tambô monyo ôndé ga égudé éenanô pesu andéô gô mbéyi na éangô épambôga. 15Oôkôni éne éngavovo anye. Buedi gôévovo mbe: Okô Kumu Nzambé anyôngéyiô tôngadônga na tôngeenda te nani na nane. 16Ivô anye nôndé na nyemo na nôtsokima anyene. Nyemoye dine dindé dibévani. 17One asabômu éénda mane mamisôba ivô aseenda mangô, angô eenda mane mabévani.
S'ha seleccionat:
Jacques 4: TSV
Subratllat
Copia
Compara
Comparteix
Vols que els teus subratllats es desin a tots els teus dispositius? Registra't o inicia sessió
Alliance Biblique du Gabon (Bible Society in Gabon) 1983