Hébreux 3
3
Jésus te ône ootéa Moïse
1Navovo n’anye, ana aTétee n’ami agô mbumu éaNzambé nômabambéô na Nzambé na gô mbumu éedi. Bononi miso manyô na gôndé Jésus, ône amatômu na Nzambé gôéba môsungéyi amôténdéda asô n’anyô, ône ôtôékéda oma. 2Jésus amaba na môvinéné gôémana éyanzee émeetsô angô na Nzambé. Mônongovo dôta Moïse amabaka na môvinéné gôémana éyanzee éedi gô ebee wetso aNzambé. 3Ebee ômasaôuni ôsakumédu. One akuméduni te môseene aangô. T’ebandô Jésus ootéa ékumédu na ôndômba ôvôni na Moïse asakumédu. 4Yeba yetso dindé na asaayie ayangô. Tambô Nzambé te môseene ayôma yetso. 5Moïse va yedi kuka amabaka na môvinéné gôéyanzéa eba aNzambé wetso. Ivô amabaka môyanzi môtévo, gôénigôa éne ématômuku angô na Nzambé. 6Ivô Jésus‐Christ amabaka na môvinéné gô éyanzee éedi. Angô Muana, ameetsô ôtômu na Tétedi gôétôma eba aNzambé wetso. Wa n’anyô te ebedi ôkô tôsamôtsuma paga na tôétsa mitémamie gôndé ône atôténdédani.
Nzambé amakônzéa asi mbumu éedi gévôgiméô
7Oôkôni éne évovo Gédidi SaNzambé. Angô mbe:
Okô nôôkiô deo noo ôgi aNzambé ôvovo n’anye
8Nômbioodeda mitéma mianyô gôémôkina
Gamapanganye émôkina gô tsenge émagasani.
Gône nômamôdeta te g’ôsôbee wanyô.
9Nzambé amavovo mbe: Peeye yanyô amadeta me g’ôsôbee waô na gô pagaye yaô.
Buéyé gameenahngô metso mamayanzéa me ahngô gô nzima dinayi yamipuma.
10T’ebandô me Nzambé nandé n’opisa gôndé omee ane,
Me Nzambé navovo mbe: Abômédu te na mônongoe amatasa maô.
Bandôa va mbeego ahngô asamenya nzéane éami.
11Me Nzambé neena ahngô ôpisa.
Namakina mbe ahngô gôéengéa na gô gévôgiméôge géndé na me‐môge.
12Me, môtendine agésangôge egé, nanôevéda mbe: Wemani mitéma mianyô, anye ana aTéta agô mbumu éaNzambé. Kabaga mine mianyô dôta midenganô n’ebéva na paga gôénôtongéda gôdagôda na Nzambé, Kumu amonyo. 13Kasôgédanani anyene n’anyene pitsi yetso gô ndéô nedué, éne ééndô na Matendeo MaNzambé mbe: deo noo. Na te éne éôkô anye ôgi aNzambé ôvovo n’anye. Gômbe gôsangaba ta na môvo va gatse anyô angasingana na mabégô mabévani gôéba na pogu, na ndiba, na môtéma oodoni gôékina mane manyôngéô Nzambé. 14Endé te nane. V’ebandô wa n’anyô tômavamba na Christ gébé na paga. Okô tôbé nane ngu na v’ekôdéô, tambô tôndé na gô pie n’evamba na vitoo na Christ.
15Oôkôni éne étôbeendu na Matendeo MaNzambé mbe:
Okô nôôkiô deo noo ôgi aNzambé ôvovo n’anye
Nômbioodeda mitéma mianyô gôémôkina
Gamapanganye émôkina gô tsenge émagasani.
Gône nômamôdeta te g’ôsôbee wanyô.
16?Ane amookô ôgi aNzambé na amakékôa angô yandaa? Te muetso ane amakuséda Moïse gô tsenge éEgypte. 17Opisa ômeena Nzambé nzima dinayi yamipuma ?ameena angô gôndé andaa? Te gôndé ane amayanza mabégô mabévani na amawa. Na nzumbiye dimasanéa gô tsenge émagasani. 18Vamakina Nzambé mbe: Ahngô gôéengéa gô gévôgiméô géndé na me, môge ?Nzambé amakina yandaa? Amakina te ane amakékôa ôgie wedi. 19Vane wa n’anyô tôena na vede mbe omeaa asiôngôé éengéa na gô tungu éagévôgiméô, te gô pagaye yaô.
S'ha seleccionat:
Hébreux 3: TSV
Subratllat
Copia
Compara
Comparteix
Vols que els teus subratllats es desin a tots els teus dispositius? Registra't o inicia sessió
Alliance Biblique du Gabon (Bible Society in Gabon) 1983