AMOS 6
6
Israel Siatsuahnak
1Zion ah nuam zetih a ummi le Samaria ah hnangam zetih a ummi, miphun pipa Israel hruaitu mi nasa pawl, Israel misenpi ih bomnak duh ah an pan reromi pawl, nan hmakhua a va pit so! 2Va feh uhla Kalneh khua khi va zohhnik uh. A tum zetmi Hamath#Kalneh, Hamath timi hi Siria ram khua pawl an si. khua le Filistin ram ih Gath khua tla vung zohhnik uh! Hi ram pawl hnakin nannih nan ṭha deuh maw si? Nan ram hi an ram hnakin a kau deuh maw si? 3Siatnak ni thlen ding hi nan theih duh lo khalle nan thil tuahmi in cuih ni cu a naiter sinsin. 4Ihkhun ṭha zetzet parah a ittu le zauṭheng nuam zetzet ah a zau huahhotu, caw note sa le tuu note sa tlaizet ih a eitu nannih pawl nan hmakhua a va pit so! 5David bangin hla phuah le ṭingṭang tum cu nan duhzet. 6Sabit cu hai tumpipi in nan dawk rero ih rimhmui ṭha bik nan hnih aw rero; a sinan Israel a siatral tikah malte hman nan riah a sia lo. 7Curuangah sal ih feh hmaisa biktu nanmah nan si ding. Nan rawl ei puai le nan nomnak puai pawl a cem ding.
8Cungnungbik Bawipa Ziangkimtithei Pathian in hi ralrinnak thu cu a pe zo: “Israel ih hngalnak hi ka hua; an inn tum zetzet khal hi ka mitkem zawng a si. An khawpi bik le a sungih ummi thil hmuahhmuah cu ral kut sungah ka pe ṭheh ding,” tiah a ti.
9Innsang pakhat sungah minung pahra an taang a si khalle an pahra in an thi ding. 10Mithi ih sungkhat mithivui ṭuanvo neitu in miruak cu inn sung ihsin a la suak ding. Cuih a sungkhat cun innsung ih a taanglai mi pakhatkhat hnenah, “Zotal nan um lai maw?” tiah a vun auh ding.
Cutikah aw pakhat in, “Um hlah,” a ti ding.
Cule a sungkhat pa cun, “Daite in um aw! Bawipa ih hmin saal hrimhrim lo dingin na ralring pei,” tiah a ti ding.
11 Bawipa in thu a pek tikah inn tum siseh inn fate siseh siatbal ṭheh an si ding. 12Lungtlep lakah rang an tlan maw? Milai in tifinriat tidai parah cawcang thawn lei an let maw? Asinain nannih in dingnak cu thihsii ah nan canter zo ih a ṭhami cu a ṭha lo ah nan canter. 13“Lodebar#Lodebar ti cu Hebru ṭong in ‘Zianghman lo,’ ti thawn a aw suah a bangrep a si. khua kan lak thei,” tiah nan porh-aw ciamco. “Karnaim#Karnaim ti cu Hebru ṭong in “Ki,” tican a si ih cahnak ti a sawh duhnak a si. lak dingah cun kan cakzet a si,” nan ti.
14Ziangkimtithei Bawipa Pathian amah rori in, “Maw Israel mi pawl, nan ram luahtu dingah ramdang ralkap pawl ka thlah ding. Cuih ralkap cun saklam ah Hamath Tlangkawn ihsin thlanglam ah Arabah phairawn tiang an lo namsuk ding,” a ti.
S'ha seleccionat:
AMOS 6: FCL
Subratllat
Copia
Compara
Comparteix
Vols que els teus subratllats es desin a tots els teus dispositius? Registra't o inicia sessió
Falam Bible Revision © Bible Society of Myanmar, 2002.