AMOS 2
2
Moab
1 Bawipa in, “Moab mi pawl cu atu le tu an sual ruangah ka hrem tengteng ding. Edom siangpahrang ih ruh cu an ur ciam ṭheh. 2Curuangah Moab ram parah meisa ka run thlak ding ih Kerioth ih inn ṭha pawl a kaang ṭheh ding. Moab mi pawl cu raldo-awk laifang, ralkap pawl an au ciamco lai le tawtawrawt aw a than rero laifangah an rak thi rero ding. 3Moab ram uktu le an ram sungih hotu pawl hmuahhmuah khal ka that ṭheh ding,” tiah a ti.
Judah
4 Bawipa in, “Judah mi pawl cu atu le tu an sual ruangah ka hrem tengteng ding. Ka thuzirhmi an nautat ih ka thukham pawl an thlun lo. An pupa pawl ih rak biakmi pathian deu pawl in an hruai sual a si. 5Curuangah Judah parah meisa ka run thlak ding ih Jerusalem inn ṭha pawl an kaang theh ding,” tiah a ti.
Israel Thuṭhennak A Tuar
6 Bawipa in, “Israel mi pawl cu atu le tu an sual ruangah ka hrem tengteng ding. Mi fel a si khalle leiba a sam thei lotu pawl le kedam tuak khat man a pe thei lotu pawl kha sal ah an zuar. 7Bawmtu nei lo le mi ṭawnṭai pawl leivut lakah an palcih ih mi farah pawl lamzin ihsin an tul hlo. Pa le fa in nunau pakhat an sualpi ih cuti cun ka hmin thianghlim an borhhlawhter. 8Biaknak hmunkip ah mi farah hnen ihsin leiba ai-ih an lakmi puan an phah ih an it. Tangka baaktu pawl hnen ihsin paisa an kuantermi in zu an lei ih an Pathian biakinn sungah an in.
9“Asinain ka miphun pawl, nanmah ih hrangah sokhaw sidar thing bangin a saangmi le sasua thing bangin a hakmi Amor mi pawl ka siatsuah ṭheh. 10Izipt ram ihsin ka lo hruaisuak ih thlaler ramṭhing ah kum sawmli sung ka lo khor. Cule Amor mi pawl ih ram cu nan ta dingah ka lo pek. 11Nan fapa ṭhenkhat pawl profet ah ka hril ih nan mino ṭhenkhat pawl Nazir#Nazir timi pawl hi Pathian an duhnak le a hna an ṭuan duhnak ah zu in lo ding, sam tan lo ding le miruak tham lo dingin thukamnak a tuahtu pawl an si. (Mipum 6.1-8 ah zoh aw.) mi ah ka hril. Asilo nan ti thei ding maw, Israel mi pawl? Bawipa keimah in ka sim zo a si. 12Asinain cuih Nazir mi pawl cu zu nan inter ih profet pawl ka thu aupi lo dingin nan kham. 13Curuangah atu-ah leilung ah ka lo namcih ding ih rawl ritzet a phurtu cawleng awn bangin nan hrum nan ai ding. 14Tlan cakzet pawl hman an luat thei lo ding; mi cakzet pawl an thazaang a ṭum ding ih ralkap pawl hman an nunnak an hum-aw thei lo ding. 15Li le thal a hmangtu pawl hman an ṭang thei lo ding; tlan cak bik hman an luat lo ding ih rangralkap pawl tla an luat ce lo ding. 16Cuih ni ahcun ralṭha bik ralkap hman in an hriamnam an hlonta ding ih an tlan hlo ding,” a ti. Bawipa in a sim zo.
S'ha seleccionat:
AMOS 2: FCL
Subratllat
Copia
Compara
Comparteix
Vols que els teus subratllats es desin a tots els teus dispositius? Registra't o inicia sessió
Falam Bible Revision © Bible Society of Myanmar, 2002.