मत्ति 6
6
मान्थुकालाइहेङ साघाइलि
1इसु आरोङ दोअ्तेङ हानिहि, “होस पातेङ हिसु, नेलाइ द्याङगेलाइहेङ तिङपालि धरमकाम मापासु। माकुनु स्वरगता हिका नेलाइको आबासो नेलाइ हाइदोङ इनाम मानिङस्वाना।#मत्ति २३:५
2 “इदोइभाअ्सिङ जेलाउ नेलाइ मान्थुकालाइहेङ दान पिलाउ, तिनाको रो हिन्हाको दोअ्तेङ धुतुरु माम्होअ्सु। इस्का ते चिम्काटागेलाइ कि द्याङगेलाइसो बाखिन्का निङलि कचहरिसाअ् रो दामागेलाइता पाखे। जातिङको, का नेलाइहेङ दोअ्खा, एम्बालाइ ताइको इनाम निङलि दोहोइ। 3कालाउबुङ जेलाउ ना दान पिलाउ, नाङको दाम्पाहा खुर हाइ पाखे इङको केपाहा खुर माग्याको। 4ना दान पिलाउ सिकापा पि कालाउ सिकापा पिलाउ तिङका परमेस्वर आबा नासेहेङ इनाम प्यावा।
पारथानाको बारेता बिद्या
(लुका ११:२-४)
5 “जेलाउ ना पारथाना पाखेना कालाउ चिम्काटागेलाइभाइपा माजेङ, हाइपानु एम्बालाइ ते कचहरिसाअ्गेलाइता रो दामागेलाइको कोन्हाता द्याङगेलाइ तिनाको दोअ्तेङ जाअ्तेङ पारथाना पालि मोन्दाताखे। जातिङको, का नेलाइहेङ दोअ्खा, एम्बालाइ ताइको इनाम निङलि दोहोइ। #
लुका १८:१०-१४
6कालाउबुङ ना जेलाउ पारथाना पाखेना, ताइको लिअ्ताको कोठाता दुल रो फिनु गिअ्तेङ नाङको आबाहेङ सिपापा पारथाना पा, कालाउ सिपापा पाका तिङका परमेस्वर आबा नासेहेङ इनाम प्यावा।
7 “पारथाना पालाउ बोजात्यागेलाइ भाइपा बित्थाता माभारभाराइसु। हाइदोनु एम्बालाइ ते र्हिङर्हिङका पारथाना पालाउ खिनिङ जाबाफ निङखे दोअ्का बिचार पाखे। 8नेलाइ एम्बालाइभाइपा माजेङसु। हाइदोनु नेलाइ वाकोदोफा र्हेकाखान्तेङ लाम्फासोङ नेलाइहेङ हाइ हाइ आनेमाने गोइका हि, इङको नेलाइको परमेस्वर आबा गिखे। 9कालाउबुङ नेलाइचाहिँ एसापा पारथाना पासु:
हे स्वरगता हिका केलाइको आबा,
नाङको मिङ पुनित ज्याको।
10 नाङको सारभि ल्वाको,
नाङको इछा स्वरगता जिसिका हि, इन्सिकाङ इदोइ सुमिङता पोङघाको।
11 दिनाङ गोइका चाका आनेमाने केलाइहेङ नानि बुङ पि।
12 केलाइको पाका पापगेलाइ माफ पापि,
जेसापा केलाइ बुङ केलाइको खिलापता पाप पाकालाइहेङ माफ पाका हिन्हाहि।
13 केलाइहेङ जाचता फासेपाका काथागेलाइसो दुरे ताअ्,
कालाउबुङ दुरजनसो बान्चिपा।
[हाइदोनु सारभि, सरबङ रो पारताप दिनाङको भाअ्सिङ नाङकोङ हि, आमेन।] # ६:१३ इदोइ भाग आधे बाइबल स्रोतता मान्थु।
14 “हाइपानु नेलाइ द्याङगेलाइको पाप माफ पापिनु, नेलाइको स्वरगता हिका परमेस्वर आबा बुङ नेलाइहेङ माफ पावा। #
मरकुस ११:२५-२६
15कालाउबुङ नेलाइ द्याङगेलाइको पाप माफ मापानु, नेलाइको परमेस्वर आबा बुङ नेलाइको पाप माफ मापावा।
म्हितुपाङ हिका बारेता बिद्या
16 “जेलाउ नेलाइ म्हितुपाङ हिसुखेना, कालाउ चिम्काटागेलाइभाइपा झामाका र्हाइ मातिङपासु। हाइपानु द्याङगेलाइहेङ म्हितुपाङ हिका तिम्पालि एम्बालाइ ताइको र्हाइ झामा पातेङ हिखे। जातिङको, का नेलाइहेङ दोअ्खा, एम्बालाइ ताइको इनाम निङलि दोहोइ। 17कालाउबुङ नाचाहिँ म्हितुपाङ हिलाउ ताइको पुरिङता चुइति लागाइ रो ताइको र्हाइ झा। 18नाङको म्हितुपाङ हिका द्याङगेलाइ माको, कालाउबुङ मातिङपा हिका परमेस्वर आबा तिनाको रो सिपापा पाका तिङका परमेस्वर आबा नासेहेङ इनाम प्यावा।
स्वरगता जोम्पालि गोइका टाका काउरि
(लुका १२:३३-३६; १६:१३)
19 “ताइको भाअ्सिङ सुमिङता टाका काउरि माजोम्पासु। जेता पेअ्सा लाग्यावा, खिह्या चावा रो खुकालाइ खुतेङ चुमप्वावा। #
याकुब ५:२-३
20कालाउबुङ ताइको भाअ्सिङ स्वरगता टाका काउरि जोम्पासु, जेता पेअ्सा मालाग्यावा, खिह्या माचावा रो खुकालाइ बुङ माचुमप्वावा। 21हाइपानु जेता नाङको ताका ह्यावा, इन्ताङ नाङको मन बुङ ह्यावा।
22 “मिँ जिउको गेसा। इदोइभाअ्सिङ मिँ रेम्का हिनु, नाङको गोताङ जिउ फाइसालाम्तावा। 23कालाउबुङ नाङको मिँ दुलदुल्का हिनु, नाङको गोताङ जिउ कितिकितितावा। इदोइभाअ्सिङ नालिअ्ता हिलिगोइका फाइसालाम्काचाहिँ कितिकितिका जेङनु, इङको कितिकितिका झन हिसिका ज्यावा!#६:२३ यहुदि सामाजता जाइ दानि हिघाहि, इङकोको “मिँ रेम्का हि” दोअ्घाहि, कालाउबुङ जाइ दिअ्का हिघाहि, इङकोको “मिँ मारेम्का हि” दोअ्घाहि।
24 “हासुङ बुङ न्हेलोङ मालिकको सेवा पालि माद्वावा। हाइदोनु इङको एअ्मिहेङ दिगमिग रो भेनेङहेङ माया पावा। माकुनु इङको एअ्मिको दोअ्का मनसोङ साअ्तावा रो भेनेङहेङ खाङलि माकिअ्तावा। एन्साङपातेङ नेलाइ बुङ परमेस्वर रो ताका न्हेमिकोङ सेवा पालि मादोस्वाना।
पिर मापासु
(लुका १२:२२-३१)
25 “इदोङभाअ्सिङ का नेलाइहेङ दोअ्खा, ‘हाइ चाङका, हाइ आमाङका’ रो हाइ लागायाङका दोअ्तेङ ताइको जिबनको भाअ्सिङ पिर मापासु। हाइ जिबन चाकाआनेमानेखान्तेङ रो जिउ धाबाखेन्ताराखान्तेङ मोलहिका माको कुनु? 26आकासता उराइका जिह्याँ जुइलेङहेङ खाङसु। एम्बालाइ ना चालाइ बिअ्खे, ना आनाज चेखे, ना भाकारता सान्तेखे। कालाउबुङ स्वरगता हिका नेलाइको परमेस्वर आबा एम्बालाइहेङ चापाखे। हाइ नेलाइ एम्बालाइखान्तेङ हेन्जा मोलको माहिसुन्हा कुनु? 27नेलाइता हासुचाहिँ पिर पातेङ ताइको बोइसा आतुइसा बुङ र्हिङपालि दोस्वाना कुनु?
28 “कालाउ धाबाखेन्ताराको भाअ्सिङ नेलाइ हाइपालि पिर पासुखेना? चाउरको घासि ल्हेअ्हेङ खाङसु, इङको हेसापा बाराखे। इङको ना काम पाखे, ना सुते फेरखे। 29कालाउबुङ का नेलाइहेङ दोअ्खा, राजा सोलोमन बुङ ताइको टाका काउरि हिकाहिकाताङ वा इङको ल्हेअ्गेलाइ झोको रेम्लि दोका मान्थुघाहि।#१ राजा १०:४-७; २ इतिहास ९:३-६ 30नानि भारका कालाउ जुम्नि दोङ चुअ्तेङ मेता थालन्हाका घासि रो ल्हेअ्हेङ परमेस्वर एसापा सोबाइपाखे पानु हाइ वा नेलाइहेङ झन मासोबाइपावा कुनु? खोइ कुनु नेलाइको खान्धुर?
31 “इदोइभाअ्सिङ ‘हाइ चाङका’, ‘हाइ आमाङका’ रो ‘हाइ होनाङका’ दोअ्तेङ पिर मापासु। 32हाइपानु बोजात्यागेलाइ इदोइ गोताङ सामान भोखे रो स्वरगता हिका आबा नेलाइहेङ इदोइ गोताङ सामान गोइका हि दोअ्तेङ गिखे। 33कालाउबुङ झाराङखान्तेङ लाम्फा वाको सारभि रो वाको हुकुमगेलाइ साअ्सु, कालाउ वा नेलाइको भाअ्सिङ इदोइ गोताङ थपिप्यावा। 34इदोइभाअ्सिङ जुम्निको पिर मापासु, हाइपानु जुम्निको पिर जुम्निहेङ दोङ लाअ्पिसु। नानिको पिर नानिकोङ भाअ्सिङ थेम्का हि।”
S'ha seleccionat:
मत्ति 6: DHIM
Subratllat
Comparteix
Copia
Vols que els teus subratllats es desin a tots els teus dispositius? Registra't o inicia sessió
© 2025 by Nepal Bible Society and Wycliffe Bible Translators, Inc.
मत्ति 6
6
मान्थुकालाइहेङ साघाइलि
1इसु आरोङ दोअ्तेङ हानिहि, “होस पातेङ हिसु, नेलाइ द्याङगेलाइहेङ तिङपालि धरमकाम मापासु। माकुनु स्वरगता हिका नेलाइको आबासो नेलाइ हाइदोङ इनाम मानिङस्वाना।#मत्ति २३:५
2 “इदोइभाअ्सिङ जेलाउ नेलाइ मान्थुकालाइहेङ दान पिलाउ, तिनाको रो हिन्हाको दोअ्तेङ धुतुरु माम्होअ्सु। इस्का ते चिम्काटागेलाइ कि द्याङगेलाइसो बाखिन्का निङलि कचहरिसाअ् रो दामागेलाइता पाखे। जातिङको, का नेलाइहेङ दोअ्खा, एम्बालाइ ताइको इनाम निङलि दोहोइ। 3कालाउबुङ जेलाउ ना दान पिलाउ, नाङको दाम्पाहा खुर हाइ पाखे इङको केपाहा खुर माग्याको। 4ना दान पिलाउ सिकापा पि कालाउ सिकापा पिलाउ तिङका परमेस्वर आबा नासेहेङ इनाम प्यावा।
पारथानाको बारेता बिद्या
(लुका ११:२-४)
5 “जेलाउ ना पारथाना पाखेना कालाउ चिम्काटागेलाइभाइपा माजेङ, हाइपानु एम्बालाइ ते कचहरिसाअ्गेलाइता रो दामागेलाइको कोन्हाता द्याङगेलाइ तिनाको दोअ्तेङ जाअ्तेङ पारथाना पालि मोन्दाताखे। जातिङको, का नेलाइहेङ दोअ्खा, एम्बालाइ ताइको इनाम निङलि दोहोइ। #
लुका १८:१०-१४
6कालाउबुङ ना जेलाउ पारथाना पाखेना, ताइको लिअ्ताको कोठाता दुल रो फिनु गिअ्तेङ नाङको आबाहेङ सिपापा पारथाना पा, कालाउ सिपापा पाका तिङका परमेस्वर आबा नासेहेङ इनाम प्यावा।
7 “पारथाना पालाउ बोजात्यागेलाइ भाइपा बित्थाता माभारभाराइसु। हाइदोनु एम्बालाइ ते र्हिङर्हिङका पारथाना पालाउ खिनिङ जाबाफ निङखे दोअ्का बिचार पाखे। 8नेलाइ एम्बालाइभाइपा माजेङसु। हाइदोनु नेलाइ वाकोदोफा र्हेकाखान्तेङ लाम्फासोङ नेलाइहेङ हाइ हाइ आनेमाने गोइका हि, इङको नेलाइको परमेस्वर आबा गिखे। 9कालाउबुङ नेलाइचाहिँ एसापा पारथाना पासु:
हे स्वरगता हिका केलाइको आबा,
नाङको मिङ पुनित ज्याको।
10 नाङको सारभि ल्वाको,
नाङको इछा स्वरगता जिसिका हि, इन्सिकाङ इदोइ सुमिङता पोङघाको।
11 दिनाङ गोइका चाका आनेमाने केलाइहेङ नानि बुङ पि।
12 केलाइको पाका पापगेलाइ माफ पापि,
जेसापा केलाइ बुङ केलाइको खिलापता पाप पाकालाइहेङ माफ पाका हिन्हाहि।
13 केलाइहेङ जाचता फासेपाका काथागेलाइसो दुरे ताअ्,
कालाउबुङ दुरजनसो बान्चिपा।
[हाइदोनु सारभि, सरबङ रो पारताप दिनाङको भाअ्सिङ नाङकोङ हि, आमेन।] # ६:१३ इदोइ भाग आधे बाइबल स्रोतता मान्थु।
14 “हाइपानु नेलाइ द्याङगेलाइको पाप माफ पापिनु, नेलाइको स्वरगता हिका परमेस्वर आबा बुङ नेलाइहेङ माफ पावा। #
मरकुस ११:२५-२६
15कालाउबुङ नेलाइ द्याङगेलाइको पाप माफ मापानु, नेलाइको परमेस्वर आबा बुङ नेलाइको पाप माफ मापावा।
म्हितुपाङ हिका बारेता बिद्या
16 “जेलाउ नेलाइ म्हितुपाङ हिसुखेना, कालाउ चिम्काटागेलाइभाइपा झामाका र्हाइ मातिङपासु। हाइपानु द्याङगेलाइहेङ म्हितुपाङ हिका तिम्पालि एम्बालाइ ताइको र्हाइ झामा पातेङ हिखे। जातिङको, का नेलाइहेङ दोअ्खा, एम्बालाइ ताइको इनाम निङलि दोहोइ। 17कालाउबुङ नाचाहिँ म्हितुपाङ हिलाउ ताइको पुरिङता चुइति लागाइ रो ताइको र्हाइ झा। 18नाङको म्हितुपाङ हिका द्याङगेलाइ माको, कालाउबुङ मातिङपा हिका परमेस्वर आबा तिनाको रो सिपापा पाका तिङका परमेस्वर आबा नासेहेङ इनाम प्यावा।
स्वरगता जोम्पालि गोइका टाका काउरि
(लुका १२:३३-३६; १६:१३)
19 “ताइको भाअ्सिङ सुमिङता टाका काउरि माजोम्पासु। जेता पेअ्सा लाग्यावा, खिह्या चावा रो खुकालाइ खुतेङ चुमप्वावा। #
याकुब ५:२-३
20कालाउबुङ ताइको भाअ्सिङ स्वरगता टाका काउरि जोम्पासु, जेता पेअ्सा मालाग्यावा, खिह्या माचावा रो खुकालाइ बुङ माचुमप्वावा। 21हाइपानु जेता नाङको ताका ह्यावा, इन्ताङ नाङको मन बुङ ह्यावा।
22 “मिँ जिउको गेसा। इदोइभाअ्सिङ मिँ रेम्का हिनु, नाङको गोताङ जिउ फाइसालाम्तावा। 23कालाउबुङ नाङको मिँ दुलदुल्का हिनु, नाङको गोताङ जिउ कितिकितितावा। इदोइभाअ्सिङ नालिअ्ता हिलिगोइका फाइसालाम्काचाहिँ कितिकितिका जेङनु, इङको कितिकितिका झन हिसिका ज्यावा!#६:२३ यहुदि सामाजता जाइ दानि हिघाहि, इङकोको “मिँ रेम्का हि” दोअ्घाहि, कालाउबुङ जाइ दिअ्का हिघाहि, इङकोको “मिँ मारेम्का हि” दोअ्घाहि।
24 “हासुङ बुङ न्हेलोङ मालिकको सेवा पालि माद्वावा। हाइदोनु इङको एअ्मिहेङ दिगमिग रो भेनेङहेङ माया पावा। माकुनु इङको एअ्मिको दोअ्का मनसोङ साअ्तावा रो भेनेङहेङ खाङलि माकिअ्तावा। एन्साङपातेङ नेलाइ बुङ परमेस्वर रो ताका न्हेमिकोङ सेवा पालि मादोस्वाना।
पिर मापासु
(लुका १२:२२-३१)
25 “इदोङभाअ्सिङ का नेलाइहेङ दोअ्खा, ‘हाइ चाङका, हाइ आमाङका’ रो हाइ लागायाङका दोअ्तेङ ताइको जिबनको भाअ्सिङ पिर मापासु। हाइ जिबन चाकाआनेमानेखान्तेङ रो जिउ धाबाखेन्ताराखान्तेङ मोलहिका माको कुनु? 26आकासता उराइका जिह्याँ जुइलेङहेङ खाङसु। एम्बालाइ ना चालाइ बिअ्खे, ना आनाज चेखे, ना भाकारता सान्तेखे। कालाउबुङ स्वरगता हिका नेलाइको परमेस्वर आबा एम्बालाइहेङ चापाखे। हाइ नेलाइ एम्बालाइखान्तेङ हेन्जा मोलको माहिसुन्हा कुनु? 27नेलाइता हासुचाहिँ पिर पातेङ ताइको बोइसा आतुइसा बुङ र्हिङपालि दोस्वाना कुनु?
28 “कालाउ धाबाखेन्ताराको भाअ्सिङ नेलाइ हाइपालि पिर पासुखेना? चाउरको घासि ल्हेअ्हेङ खाङसु, इङको हेसापा बाराखे। इङको ना काम पाखे, ना सुते फेरखे। 29कालाउबुङ का नेलाइहेङ दोअ्खा, राजा सोलोमन बुङ ताइको टाका काउरि हिकाहिकाताङ वा इङको ल्हेअ्गेलाइ झोको रेम्लि दोका मान्थुघाहि।#१ राजा १०:४-७; २ इतिहास ९:३-६ 30नानि भारका कालाउ जुम्नि दोङ चुअ्तेङ मेता थालन्हाका घासि रो ल्हेअ्हेङ परमेस्वर एसापा सोबाइपाखे पानु हाइ वा नेलाइहेङ झन मासोबाइपावा कुनु? खोइ कुनु नेलाइको खान्धुर?
31 “इदोइभाअ्सिङ ‘हाइ चाङका’, ‘हाइ आमाङका’ रो ‘हाइ होनाङका’ दोअ्तेङ पिर मापासु। 32हाइपानु बोजात्यागेलाइ इदोइ गोताङ सामान भोखे रो स्वरगता हिका आबा नेलाइहेङ इदोइ गोताङ सामान गोइका हि दोअ्तेङ गिखे। 33कालाउबुङ झाराङखान्तेङ लाम्फा वाको सारभि रो वाको हुकुमगेलाइ साअ्सु, कालाउ वा नेलाइको भाअ्सिङ इदोइ गोताङ थपिप्यावा। 34इदोइभाअ्सिङ जुम्निको पिर मापासु, हाइपानु जुम्निको पिर जुम्निहेङ दोङ लाअ्पिसु। नानिको पिर नानिकोङ भाअ्सिङ थेम्का हि।”
S'ha seleccionat:
:
Subratllat
Comparteix
Copia
Vols que els teus subratllats es desin a tots els teus dispositius? Registra't o inicia sessió
© 2025 by Nepal Bible Society and Wycliffe Bible Translators, Inc.