मत्ति 5
5
इसु आरदाङता पिका आरति
(लुका ६:२०-२६)
1एअ्नि द्याङगेलाइको चेअ्सुमेअ्सुका जेङका तिङतेङ इसु आरदाङता ताङहि रो वा योम्कान्हुअ्सो चात्यागेलाइ वाकोता लोहि। 2कालाउ वा एम्बालाइहेङ बिद्या पिलि तेङहि:
3 “परमेस्वरको आगाता ताइमिहेङ हाइदोङ माको दोअ्तेङ फोमपाकालाइ सहसाम्पा निङकालाइ ज्याङ,
हाइदोनु स्वरगको सारभि एम्बालाइको ज्यावा।
4 सुरता पाकालाइ सहसाम्पा निङकालाइ ज्यावा,
हाइदोनु एम्बालाइ सान्ति निनावा। #
यासाइया ६१:२
5 नोइकालाइ सहसाम्पा निङकालाइ ज्यावा,
हाइदोनु सुमिङता हिका गोताङ चिज एम्बालाइकोङ ज्यावा। #
ले ३७:११
6 धरमकाम पालि इछा पाकालाइ सहसाम्पा निङकालाइ ज्यावा,
हाइदोनु एम्बालाइको इछा पोङघावा। #
यासाइया ५५:१-२
7 दायाकालाइ सहसाम्पा निङकालाइ ज्याङ,
हाइदोनु एम्बालाइ दाया निनावा।
8 सुदो मन हिकालाइ सहसाम्पा निङकालाइ जेनावा,
हाइदोनु एम्बालाइ परमेस्वरहेङ तिनावा। #
ले २४:३-४
9 मिलाप पापिकालाइ सहसाम्पा निङकालाइ ज्यावा,
हाइदोनु एम्बालाइ परमेस्वरको चानचामिन्दिगेलाइ दोअ्न्हावा।
10 धरमकाम पानाङसिङ सान्ताइन्हाकालाइ सहसाम्पा निङकालाइ ज्यावा,
हाइदोनु स्वरगको सारभि एम्बालाइको ज्यावा। #
१ पत्रुस ३:१४
11 “सहसाम्पा निङका नेलाइ, जेलाउ द्याङगेलाइ काङको भाअ्सिङ नेलाइहेङ निन्दा पावा, सान्तायावा रो ढाटाइतेङ नेलाइको खिलापता गोताङ खालको मारेम्का काथा दोअ्तावा। #
१ पत्रुस ४:१४
12कालाउ हेन्जा लेङचासु, हाइदोनु स्वरगता नेलाइको इनाम बारका ज्यावा। हाइदोनु एसादोङ नेलाइखान्तेङ लाम्फासोङ परमेस्वर पाहासो धुइकालाइहेङ बुङ सान्ताइका हिघाखे।#२ इतिहास ३६:१६; साल्तेङ दिङगिल्का ७:५२
देसे रो फाइसालाम्का
(मरकुस ९:५०; लुका १४:३४-३५; ११:३३)
13 “नेलाइ सुमिङको देसे हिसुन्हा, कालाउबुङ देसेको ताइका हानिनु इङको हाइहोइ आरोङ ताइका बान्हाइलि कुनु? इङकोते बाहार थालन्हाका रो खोकोइहोइ याङन्हाका खान्तेङ बो हाइदोङ कामको माज्यावा। #
मरकुस ९:५०; लुका १४:३४-३५
14 “नेलाइ सुमिङको फाइसालाम्का हिसुन्हा। आरदाङता योम्पाका पुर माम्होनावा #
युहन्ना ८:१२; ९:५ 15कालाउ हासु बुङ गेसा जोलाइतेङ पाथिहोइ माथुम्खे। कालाउबुङ चेरादानिता ताअ्खे रो सिता हिका झाराङको भाअ्सिङ इङको फाइसालाम पिखे।#मरकुस ४:२१; लुका ८:१६; ११:३३ 16एन्सा दोङ गेसाको फाइसालाम्का भाइपाङ नेलाइको फाइसालाम्का बुङ द्याङगेलाइको आगाता चिल्काको रो एम्बालाइ नेलाइको रेम्का काम तिनाको, कालाउ स्वरगता हिका नेलाइको आबाहेङ बाखिनाको।#१ पत्रुस २:१२
न्याम मानिलिगोइका बारेता बिद्या
(लुका १६:१७)
17 “मोसाको लेखिका न्याम रो परमेस्वर पाहासो धुइकालाइको बचनहेङ बदर पालि का लोका फोम मापासु। का इङको बदर पालि माको, कालाउबुङ पोङघापालि लोघा। 18हाइदोनु जातिङको का नेलाइहेङ दोअ्खा, जेलाउथिकापा स्वरग रो सुमिङ मुअ्तेङ मान्हावा कालाउथिकापा मोसासो लेखिका न्यामको म्हुइका खान्तेङ म्हुइका काथा बुङ मापोङघासिङ मालाअ्तावा।#लुका १६:१७ 19इदोइभाअ्सिङ जाइ इदोइ हुकुमगेलाइता झाराङखान्तेङ म्हुइकाहेङ मामान्यावा रो द्याङगेलाइहेङ एन्साङ पालि धिरपावा, स्वरगको सारभिता इङको झाराङखान्तेङ म्हुइका जेनावा। कालाउबुङ जाइ इङको हुकुमगेलाइ मान्यावा रो धिरपावा, स्वरगको सारभिता इङको बारका जेनावा। 20का नेलाइहेङ दोअ्खा, नेलाइको धरम मास्टर रो फरिसिगेलाइको पाका धरमाति कामखान्तेङ नेलाइको काम रेम्का माजेङनु नेलाइ हिदिङ बुङ रितसो स्वरगको सारभिता दुल्लि मानिङस्वाना।
चेरको बारेता बिद्या
21 “नेलाइ इस्का दोअ्का हिङका हिसुन्हा, लाम्फाको पहरता द्याङगेलाइहेङ एसा दोअ्का हिघाहि, ‘ना मासेअ्, जाइ सेअ्तावा वा दार भोगिलि गोयावा।’ #
दामालाअ्का २०:१३; न्याम ५:१७ 22कालाउबुङ का नेलाइहेङ दोअ्खा, जाइ ताइको ओनेदोफा चेरताम्पाखे इङको दार भोगिलि गोयावा। जाइ ताइको ओनेहेङ बिजेत पावा, इङको बाराकचहरिता जाबाफ पिलिगोयावा। जाइ ताइको ओनेहेङ ‘ना हाइदोङ मागिका’ दोअ्खे, इङको नरकको मेताङ वानावा।
23 “इदोइभाअ्सिङ ना भोक पिका थामेता ताइको भेटि पिलाउ नाङको ओने नादोफा चेरताम्पाका गिनु, 24ताइको भेटि भोक पिका थामेताङ लाअ्धितेङ लाम्फा ताइको ओनेदोफा मिलाप पा रो इङकोन्हुअ्सो खिनिङ लोतेङ ताइको भेटि पि।
25 “नाङको झागारियादोफा आडाता हानिलाउ दामाताङ मिलाप पा। माकुनु वा नाङको खिलापता निया पाकाकोता उजुर पावा। न्याधिस नासेहेङ सिपाल्हाइको जिम्मा लागाइयावा रो ना थुना निङचाना। 26जातिङको, का नेलाइहेङ दोअ्खा, इङको पहर दारको टाका मातिरिपाधाउ ना इन्तासो खाअ्लि मानिनाना।
कासबिरि मापाका बारेता बिद्या
27 “नेलाइ इस्का दोअ्का हिङकाङ हिसुन्हा, ‘कासबिरि पालि माएल।’ #
दामालाअ्का २०:१४; न्याम ५:१८ 28कालाउबुङ का नेलाइहेङ दोअ्खा, जाइ हिदिङ बेबालहेङ मारेम्का बिचारसो खाङखे, इङको लाम्फासोङ ताइको कोन्धाङता इङकोदोफा कासबिरि पालि दोका हिखे। 29नाङको दाम्पाहाको मिँ नासेहेङ पाप पालि लागाइलि भोखे पानु इङकोहेङ ओल्हिपातेङ थालगिल, हाइदोनु नाङको गोताङ जिउ नरकता थालन्हाकाखान्तेङ भुरुङ नाङको जिउको भाकगेलाइता एलोङ लाअ्लि नाङको भाअ्सिङ रेम्का ज्यावा।#मत्ति १८:९; मरकुस ९:४७ 30एन्सा दोङ नाङको दाम्पाहा खुर नासेहेङ पाप पालि लागाइलि भोनु इङकोहेङ चेतेङ थालगिल। हाइदोनु नाङको गोताङ जिउ नरकता दुल्काखान्तेङ भुरुङ नाङको जिउको भागगेलाइता एलोङ लाअ्लि नाङको भाअ्सिङ रेम्का ज्यावा।#मत्ति १८:८; मरकुस ९:४३
खाति पोका बारेता बिद्या
(मत्ति १९:९; मरकुस १०:११-१२; लुका १६:१८)
31 “एसा बुङ दोअ्का हि, ‘जाइ ताइको बेअ्हेङ लाअ्खे, इङको वासेहेङ खातिपोतेङ लाअ्ताको।’ #
न्याम २४:१-४; मत्ति १९:७; मरकुस १०:४ 32कालाउबुङ का नेलाइहेङ दोअ्खा, जाइ ताइको बेअ्हेङ कासबिरि बाहेक भेनेङ काथासो लाअ्तावा, इङको वासेहेङ कासबिरि बान्हायावा रो जाइ इङको लाअ्का बेबालहेङ चुमावा, इङको कासबिरि पावा।#मत्ति १९:९; मरकुस १०:११-१२; लुका १६:१८; १ कोरिन्थि ७:१०-११
केरा माचाका बारेता बिद्या
33 “आरोङ नेलाइ इस्का दोअ्का हिङका हिसुन्हा, लाङ पहरको द्याङगेलाइहेङ एसा दोअ्का हिघाहि, ‘माजेङका काथाता केरा माचासु रो परमप्रभुको भाअ्सिङ पाका केरा पोङघापासु।’ #
लेबि १९:१२; गान्देका ३०:२; न्याम २३:२१ 34कालाउबुङ का नेलाइहेङ दोअ्खा, केरा माचासु। स्वरगको मिङता केरा माचासु, हाइपानु इङको परमेस्वरको राज पाका थामे।#याकुब ५:१२; यासाइया ६६:१; मत्ति २३:२२ 35सुमिङको मिङता बुङ केरा माचासु, हाइपानु इङको वाको खोकोइ ताअ्का थामे। यरुसलेमको मिङता बुङ केरा माचासु, हाइपानु इङको राजाको पुर।#यासाइया ६६:१; ले ४८:२ 36ताइको पुरिङ साइतेङ बुङ केरा माचासु, हाइदोनु नेलाइ ताइको पुरिङको एलोङ पुसिङ बुङ जेका माकुनु दा:का पालि मादोस्वाना। 37भुरुङ केरा माचासिङ नेलाइको दोअ्का काथाचाहिँ ‘एइ’ नु ‘एइ’, ‘माको’ नु ‘माको’ खिनिङ ज्याको। इदोइखान्तेङ हेन्जाचाहिँ साइतानसो लोखे।
बादाला मार्हुका बारेता बिद्या
(लुका ६:२९-३०)
38 “नेलाइ इस्का दोअ्का हिङका हिसुन्हा, ‘मिँको बादला मिँ रो तासिङको बादला तासिङ।’ #
दामालाअ्का २१:२४; लेबि २४:२०; न्याम १९:२१ 39कालाउबुङ का नेलाइहेङ दोअ्खा, दुरजनदोफा धुम मापासु। जाइ नाङको दाम्पाहा गाल्भुङता चाउर्हियावा, इङकोहेङ भेनेङ गाल्भुङ बुङ धोपिसु। 40जाइ मुदा पातेङ नाङको लोखोन चुमपुलि भोनु, इङकोहेङ नाङको गुअ्का धाबा बुङ पिगिल। 41जाइ नासेहेङ सुम कोस चुमपुलि भोनु, वादोफा तु कोस हानिपि। 42नादोफा र्हेकालाइहेङ पि रो रिन र्हुलि भोकाहेङ माप्याङका मादोअ्।
दुस्मनहेङ बुङ दायासु
(लुका ६:२७-२८,३२-३६)
43 “नेलाइ इस्का दोअ्का हिङका हिसुन्हा, ‘भेरपाकोहेङ माया पासु रो दुस्मनहेङ दिगमिग पासु।’ 44कालाउबुङ का नेलाइहेङ दोअ्खा, ताइको दुस्मनहेङ माया पासु रो नेलाइहेङ सान्ताइकालाइको भाअ्सिङ पारथाना पासु। 45एसा पासुन्हा पानु नेलाइ स्वरगता हिका परमेस्वर आबा भाइपाङ जेङस्वाना। हाइदोनु परमेस्वर दुरजन रो रेम्का न्हेमिहेङ साने पिखे रो धरम रो निठुरि न्हेमिहेङ वाइ लोपापिखे। 46ताइमिहेङ माया पाकालाइहेङ खिनिङ माया पासुन्हा पानु नेलाइ हाइ इनाम निङलि दोस्वाना कुनु? हाइ तिरो ल्होपाकालाइ बुङ एन्साङ मापाखे कुनु? 47नेलाइ ताइगेलाइहेङ खिनिङ मान पासुन्हा पानु बोमिगेलाइ खान्तेङ हेन्जा हाइ पासुन्हा कुनु? हाइ बोजात्यागेलाइ बुङ एन्साङ मापाखे कुनु? 48इदोइभाअ्सिङ स्वरगता हिका नेलाइको परमेस्वर आबा गोताङ काथाता रेम्का हिकाभाइपाङ नेलाइ बुङ गोताङ काथाता रेम्का जेङसु।”#लेबि १९:२; न्याम १८:१३
S'ha seleccionat:
मत्ति 5: DHIM
Subratllat
Comparteix
Copia
Vols que els teus subratllats es desin a tots els teus dispositius? Registra't o inicia sessió
© 2025 by Nepal Bible Society and Wycliffe Bible Translators, Inc.
मत्ति 5
5
इसु आरदाङता पिका आरति
(लुका ६:२०-२६)
1एअ्नि द्याङगेलाइको चेअ्सुमेअ्सुका जेङका तिङतेङ इसु आरदाङता ताङहि रो वा योम्कान्हुअ्सो चात्यागेलाइ वाकोता लोहि। 2कालाउ वा एम्बालाइहेङ बिद्या पिलि तेङहि:
3 “परमेस्वरको आगाता ताइमिहेङ हाइदोङ माको दोअ्तेङ फोमपाकालाइ सहसाम्पा निङकालाइ ज्याङ,
हाइदोनु स्वरगको सारभि एम्बालाइको ज्यावा।
4 सुरता पाकालाइ सहसाम्पा निङकालाइ ज्यावा,
हाइदोनु एम्बालाइ सान्ति निनावा। #
यासाइया ६१:२
5 नोइकालाइ सहसाम्पा निङकालाइ ज्यावा,
हाइदोनु सुमिङता हिका गोताङ चिज एम्बालाइकोङ ज्यावा। #
ले ३७:११
6 धरमकाम पालि इछा पाकालाइ सहसाम्पा निङकालाइ ज्यावा,
हाइदोनु एम्बालाइको इछा पोङघावा। #
यासाइया ५५:१-२
7 दायाकालाइ सहसाम्पा निङकालाइ ज्याङ,
हाइदोनु एम्बालाइ दाया निनावा।
8 सुदो मन हिकालाइ सहसाम्पा निङकालाइ जेनावा,
हाइदोनु एम्बालाइ परमेस्वरहेङ तिनावा। #
ले २४:३-४
9 मिलाप पापिकालाइ सहसाम्पा निङकालाइ ज्यावा,
हाइदोनु एम्बालाइ परमेस्वरको चानचामिन्दिगेलाइ दोअ्न्हावा।
10 धरमकाम पानाङसिङ सान्ताइन्हाकालाइ सहसाम्पा निङकालाइ ज्यावा,
हाइदोनु स्वरगको सारभि एम्बालाइको ज्यावा। #
१ पत्रुस ३:१४
11 “सहसाम्पा निङका नेलाइ, जेलाउ द्याङगेलाइ काङको भाअ्सिङ नेलाइहेङ निन्दा पावा, सान्तायावा रो ढाटाइतेङ नेलाइको खिलापता गोताङ खालको मारेम्का काथा दोअ्तावा। #
१ पत्रुस ४:१४
12कालाउ हेन्जा लेङचासु, हाइदोनु स्वरगता नेलाइको इनाम बारका ज्यावा। हाइदोनु एसादोङ नेलाइखान्तेङ लाम्फासोङ परमेस्वर पाहासो धुइकालाइहेङ बुङ सान्ताइका हिघाखे।#२ इतिहास ३६:१६; साल्तेङ दिङगिल्का ७:५२
देसे रो फाइसालाम्का
(मरकुस ९:५०; लुका १४:३४-३५; ११:३३)
13 “नेलाइ सुमिङको देसे हिसुन्हा, कालाउबुङ देसेको ताइका हानिनु इङको हाइहोइ आरोङ ताइका बान्हाइलि कुनु? इङकोते बाहार थालन्हाका रो खोकोइहोइ याङन्हाका खान्तेङ बो हाइदोङ कामको माज्यावा। #
मरकुस ९:५०; लुका १४:३४-३५
14 “नेलाइ सुमिङको फाइसालाम्का हिसुन्हा। आरदाङता योम्पाका पुर माम्होनावा #
युहन्ना ८:१२; ९:५ 15कालाउ हासु बुङ गेसा जोलाइतेङ पाथिहोइ माथुम्खे। कालाउबुङ चेरादानिता ताअ्खे रो सिता हिका झाराङको भाअ्सिङ इङको फाइसालाम पिखे।#मरकुस ४:२१; लुका ८:१६; ११:३३ 16एन्सा दोङ गेसाको फाइसालाम्का भाइपाङ नेलाइको फाइसालाम्का बुङ द्याङगेलाइको आगाता चिल्काको रो एम्बालाइ नेलाइको रेम्का काम तिनाको, कालाउ स्वरगता हिका नेलाइको आबाहेङ बाखिनाको।#१ पत्रुस २:१२
न्याम मानिलिगोइका बारेता बिद्या
(लुका १६:१७)
17 “मोसाको लेखिका न्याम रो परमेस्वर पाहासो धुइकालाइको बचनहेङ बदर पालि का लोका फोम मापासु। का इङको बदर पालि माको, कालाउबुङ पोङघापालि लोघा। 18हाइदोनु जातिङको का नेलाइहेङ दोअ्खा, जेलाउथिकापा स्वरग रो सुमिङ मुअ्तेङ मान्हावा कालाउथिकापा मोसासो लेखिका न्यामको म्हुइका खान्तेङ म्हुइका काथा बुङ मापोङघासिङ मालाअ्तावा।#लुका १६:१७ 19इदोइभाअ्सिङ जाइ इदोइ हुकुमगेलाइता झाराङखान्तेङ म्हुइकाहेङ मामान्यावा रो द्याङगेलाइहेङ एन्साङ पालि धिरपावा, स्वरगको सारभिता इङको झाराङखान्तेङ म्हुइका जेनावा। कालाउबुङ जाइ इङको हुकुमगेलाइ मान्यावा रो धिरपावा, स्वरगको सारभिता इङको बारका जेनावा। 20का नेलाइहेङ दोअ्खा, नेलाइको धरम मास्टर रो फरिसिगेलाइको पाका धरमाति कामखान्तेङ नेलाइको काम रेम्का माजेङनु नेलाइ हिदिङ बुङ रितसो स्वरगको सारभिता दुल्लि मानिङस्वाना।
चेरको बारेता बिद्या
21 “नेलाइ इस्का दोअ्का हिङका हिसुन्हा, लाम्फाको पहरता द्याङगेलाइहेङ एसा दोअ्का हिघाहि, ‘ना मासेअ्, जाइ सेअ्तावा वा दार भोगिलि गोयावा।’ #
दामालाअ्का २०:१३; न्याम ५:१७ 22कालाउबुङ का नेलाइहेङ दोअ्खा, जाइ ताइको ओनेदोफा चेरताम्पाखे इङको दार भोगिलि गोयावा। जाइ ताइको ओनेहेङ बिजेत पावा, इङको बाराकचहरिता जाबाफ पिलिगोयावा। जाइ ताइको ओनेहेङ ‘ना हाइदोङ मागिका’ दोअ्खे, इङको नरकको मेताङ वानावा।
23 “इदोइभाअ्सिङ ना भोक पिका थामेता ताइको भेटि पिलाउ नाङको ओने नादोफा चेरताम्पाका गिनु, 24ताइको भेटि भोक पिका थामेताङ लाअ्धितेङ लाम्फा ताइको ओनेदोफा मिलाप पा रो इङकोन्हुअ्सो खिनिङ लोतेङ ताइको भेटि पि।
25 “नाङको झागारियादोफा आडाता हानिलाउ दामाताङ मिलाप पा। माकुनु वा नाङको खिलापता निया पाकाकोता उजुर पावा। न्याधिस नासेहेङ सिपाल्हाइको जिम्मा लागाइयावा रो ना थुना निङचाना। 26जातिङको, का नेलाइहेङ दोअ्खा, इङको पहर दारको टाका मातिरिपाधाउ ना इन्तासो खाअ्लि मानिनाना।
कासबिरि मापाका बारेता बिद्या
27 “नेलाइ इस्का दोअ्का हिङकाङ हिसुन्हा, ‘कासबिरि पालि माएल।’ #
दामालाअ्का २०:१४; न्याम ५:१८ 28कालाउबुङ का नेलाइहेङ दोअ्खा, जाइ हिदिङ बेबालहेङ मारेम्का बिचारसो खाङखे, इङको लाम्फासोङ ताइको कोन्धाङता इङकोदोफा कासबिरि पालि दोका हिखे। 29नाङको दाम्पाहाको मिँ नासेहेङ पाप पालि लागाइलि भोखे पानु इङकोहेङ ओल्हिपातेङ थालगिल, हाइदोनु नाङको गोताङ जिउ नरकता थालन्हाकाखान्तेङ भुरुङ नाङको जिउको भाकगेलाइता एलोङ लाअ्लि नाङको भाअ्सिङ रेम्का ज्यावा।#मत्ति १८:९; मरकुस ९:४७ 30एन्सा दोङ नाङको दाम्पाहा खुर नासेहेङ पाप पालि लागाइलि भोनु इङकोहेङ चेतेङ थालगिल। हाइदोनु नाङको गोताङ जिउ नरकता दुल्काखान्तेङ भुरुङ नाङको जिउको भागगेलाइता एलोङ लाअ्लि नाङको भाअ्सिङ रेम्का ज्यावा।#मत्ति १८:८; मरकुस ९:४३
खाति पोका बारेता बिद्या
(मत्ति १९:९; मरकुस १०:११-१२; लुका १६:१८)
31 “एसा बुङ दोअ्का हि, ‘जाइ ताइको बेअ्हेङ लाअ्खे, इङको वासेहेङ खातिपोतेङ लाअ्ताको।’ #
न्याम २४:१-४; मत्ति १९:७; मरकुस १०:४ 32कालाउबुङ का नेलाइहेङ दोअ्खा, जाइ ताइको बेअ्हेङ कासबिरि बाहेक भेनेङ काथासो लाअ्तावा, इङको वासेहेङ कासबिरि बान्हायावा रो जाइ इङको लाअ्का बेबालहेङ चुमावा, इङको कासबिरि पावा।#मत्ति १९:९; मरकुस १०:११-१२; लुका १६:१८; १ कोरिन्थि ७:१०-११
केरा माचाका बारेता बिद्या
33 “आरोङ नेलाइ इस्का दोअ्का हिङका हिसुन्हा, लाङ पहरको द्याङगेलाइहेङ एसा दोअ्का हिघाहि, ‘माजेङका काथाता केरा माचासु रो परमप्रभुको भाअ्सिङ पाका केरा पोङघापासु।’ #
लेबि १९:१२; गान्देका ३०:२; न्याम २३:२१ 34कालाउबुङ का नेलाइहेङ दोअ्खा, केरा माचासु। स्वरगको मिङता केरा माचासु, हाइपानु इङको परमेस्वरको राज पाका थामे।#याकुब ५:१२; यासाइया ६६:१; मत्ति २३:२२ 35सुमिङको मिङता बुङ केरा माचासु, हाइपानु इङको वाको खोकोइ ताअ्का थामे। यरुसलेमको मिङता बुङ केरा माचासु, हाइपानु इङको राजाको पुर।#यासाइया ६६:१; ले ४८:२ 36ताइको पुरिङ साइतेङ बुङ केरा माचासु, हाइदोनु नेलाइ ताइको पुरिङको एलोङ पुसिङ बुङ जेका माकुनु दा:का पालि मादोस्वाना। 37भुरुङ केरा माचासिङ नेलाइको दोअ्का काथाचाहिँ ‘एइ’ नु ‘एइ’, ‘माको’ नु ‘माको’ खिनिङ ज्याको। इदोइखान्तेङ हेन्जाचाहिँ साइतानसो लोखे।
बादाला मार्हुका बारेता बिद्या
(लुका ६:२९-३०)
38 “नेलाइ इस्का दोअ्का हिङका हिसुन्हा, ‘मिँको बादला मिँ रो तासिङको बादला तासिङ।’ #
दामालाअ्का २१:२४; लेबि २४:२०; न्याम १९:२१ 39कालाउबुङ का नेलाइहेङ दोअ्खा, दुरजनदोफा धुम मापासु। जाइ नाङको दाम्पाहा गाल्भुङता चाउर्हियावा, इङकोहेङ भेनेङ गाल्भुङ बुङ धोपिसु। 40जाइ मुदा पातेङ नाङको लोखोन चुमपुलि भोनु, इङकोहेङ नाङको गुअ्का धाबा बुङ पिगिल। 41जाइ नासेहेङ सुम कोस चुमपुलि भोनु, वादोफा तु कोस हानिपि। 42नादोफा र्हेकालाइहेङ पि रो रिन र्हुलि भोकाहेङ माप्याङका मादोअ्।
दुस्मनहेङ बुङ दायासु
(लुका ६:२७-२८,३२-३६)
43 “नेलाइ इस्का दोअ्का हिङका हिसुन्हा, ‘भेरपाकोहेङ माया पासु रो दुस्मनहेङ दिगमिग पासु।’ 44कालाउबुङ का नेलाइहेङ दोअ्खा, ताइको दुस्मनहेङ माया पासु रो नेलाइहेङ सान्ताइकालाइको भाअ्सिङ पारथाना पासु। 45एसा पासुन्हा पानु नेलाइ स्वरगता हिका परमेस्वर आबा भाइपाङ जेङस्वाना। हाइदोनु परमेस्वर दुरजन रो रेम्का न्हेमिहेङ साने पिखे रो धरम रो निठुरि न्हेमिहेङ वाइ लोपापिखे। 46ताइमिहेङ माया पाकालाइहेङ खिनिङ माया पासुन्हा पानु नेलाइ हाइ इनाम निङलि दोस्वाना कुनु? हाइ तिरो ल्होपाकालाइ बुङ एन्साङ मापाखे कुनु? 47नेलाइ ताइगेलाइहेङ खिनिङ मान पासुन्हा पानु बोमिगेलाइ खान्तेङ हेन्जा हाइ पासुन्हा कुनु? हाइ बोजात्यागेलाइ बुङ एन्साङ मापाखे कुनु? 48इदोइभाअ्सिङ स्वरगता हिका नेलाइको परमेस्वर आबा गोताङ काथाता रेम्का हिकाभाइपाङ नेलाइ बुङ गोताङ काथाता रेम्का जेङसु।”#लेबि १९:२; न्याम १८:१३
S'ha seleccionat:
:
Subratllat
Comparteix
Copia
Vols que els teus subratllats es desin a tots els teus dispositius? Registra't o inicia sessió
© 2025 by Nepal Bible Society and Wycliffe Bible Translators, Inc.