२ कोरीन्थी 9
9
1ओउः यहुदीयाहाङः मुओ ङ्हाम्ओलम्कायः लव्ह्ती बयःसा काम्कोः कुरा कोदीङःती तोसा परल। 2नीङ् बयःसा ग्यातेःनै त चीःती एतलेः मासीदोनीयाकोः मान्तालम्कायः तोआलाङः “लौ ओउः आखया अन्चल्कोः कोरीन्थ सहर्हाङः मुओ ङ्हाम्ओलम् तेह्हाङःसैकोः लव्ह्ती बयःसा रोःओ खेःइतो” त दाय्ह्ती तोआलाङः। नीङ् ओउःच्युक् ग्याओ त अरुलम्इ चीःआक्तीको ओउःमयःमा द्याह् बयःसाकायः रोःती मुनै। 3नीङ् रोःतीलेः मुतेःनै त झ्यान्ते ङाइ तीतस्कुस् वाह्ओलम् नीङ्कःताङ् ल्होक्नाङःसु। ओहाङःसैको ङाइ तोओलो लेखा नीङ्इ द्याह् बयःसाकायः र्ययःती मुसा खाय्तेःनानी। 4ङाकुस् वाङ्सा खेःओ मासीदोनीयालम्पाय् नीङ् र्ययःमाःत मुओ त च्यवःचानी त खेःया ङीमा रास्तो स्याव्चाङी नीङ्मा रास्तो स्याव्तेःचै। दोह् हायःती दाय्ह्सा ङीइ ङ्हालेः ङाःती तोओ कुरापाय् आह्रे स्याव्चाः खेःतो। 5ओउःत झ्यान्ते ङा वाङ्ओकोः ङ्हासै इ अरु ङ्हाम्ओलम् नीङ्कःताङ् ल्होक्सा पेनाः त ताःआलाङः। ओउःमयः आल्ती नीङ्इ तोती गम्ओ बयःसा खेःओ चीस्लम् हुम्ती र्ययःसा खाय्नानी। ओहाङःसैको ङा दाह्ती वाङ्ओ बेलाहाङः नीङ् साय्क्तो बयःती खाय्तेःआकान् त खेःया ओउः चीस्पाय् ङाइ त्याक्सा ह परनाङः नीङ्कः खह्र्तो नोःती तेसा परलाम्।
6यात्ज्योः कुरा मुनाः “सुसुखेइ ब्र्यय्तोलेः वार्नौ ओउःइपाय् ब्र्यय्तोजम्लेः सायःलम् त्युम्ह्नौ सुसुखे दुन्ह्तोलेः वार्नौ ओउःइपाय् दुन्ह्तोच्युक्लेः सायःलम् त्युम्ह्नौ” त तोओलेः मुनाः। 7ओउःत झ्यान्ते सबै मान्ता लयः ल्हुङ् ग्याजम्च्युक्कायःलेः बयःपानी। अरुइ गानाक्ती तोती झ्यान्ते चाक्ओ हावओ ल्हुङ् स्याव्ती बयःलाम्। ग्याती चोङाय्ती बयःओ मान्ताइ परमेस्वर्कायः आन म्रोताक्नाःथै। 8नीङ् राह्ओ चीस्लम् परमेस्वर्इ नीङ्कायः सबै बयःसातेः खाय्तेःनै माः रैस ओउःसै न्हाङ्तोलेः बयःसा खाय्लेःनौ बा। ओउःत झ्यान्ते नीङ्इ गलकायःमा दोह्मातेः राह्माःत अरुकायः सबै पेओ काम्लम् जाङ्ह्सा खाय्तेःनानी। 9“परमेस्वर्इ ह्र्यात्लम्कायः साय्क्तो ल्हुङ्इ बयःनौ। ओउःइ गलकायःमा अरुकायः योनःतीलेः योनौ” त दाय्ह्ती दाय्ह्ओ परमेस्वर्कोः आखरःहाङः लेखती मुनाः। 10परमेस्वर्इपाय् मान्ताकायः वार्सा बीया चोयामा जेःसा आम्ह्मा दोःताक्नौ ओउःइलेः नीङ्इ वार्ओ पेओ कुरामा ब्याव्ताक्नौ ओहाङःसैको नीङ्इ साय्क्तो बयःसा खाय्तेःनानी। 11नीङ्इ एतलेः साय्क्तो बयःसा खाय्ताक्सा थेङालेः परमेस्वर्इ गलकायःमा आन दोःताक्तेःनै ओउःत झ्यान्ते नीङ्इ ल्होक्ओ चीस् ङीइ अरु ङ्हाम्ओलम्कायः बयःती परमेस्वर्कायः ताङ्ह्ताक्नाङःसु। 12दोह् हायःती दाय्ह्सा एत बयःसा काम् जाङ्ह्धार्नालेः ङ्हाम्ओलम्कोः राह्ओकायःमा पाःनाःथास परमेस्वर्कायःमा नाःतोलम्इ ताङ्ह्ताक्ती तोताक्नाःथास। 13“ङीइ ख्रीस्कोः पेओ कुरा ङ्हाम्तीलेः जाङ्ह्नाङःसु” त दाय्ह्ती दाय्ह्तेःनै। नाःतो नाःमालोलम्कायः बयःतेःनानी त खेःया नीङ्इ एत तोओ कुरा दोङ् कुरा लेःआः त ओउःमयःकायः छ्यानःसा खाय्तेःनानी। ओहाङःसैको ओउःमयःकायःमा सबैकायःमा नीङ् ल्हुङ् साय्क्तो मुतेःनै त खेःया परमेस्वर्कायः ताङ्ह्ताक्नानी। 14फेरी परमेस्वर्इ नीङ्कायः गुच्युक् पेतो हायःताक्तेःआकानी त च्यवःती नीङ्कायः आन झाह्तीमा राप्ती झ्यान्ते परमेस्वर्कः आनलेः तेती तोनानी। 15परमेस्वर्इ एतलेः पेतो बयःआकान् त खेःओ ओउःकायः ङीइ च्युता त तोनाङःसु।
S'ha seleccionat:
२ कोरीन्थी 9: CDM93
Subratllat
Copia
Compara
Comparteix
Vols que els teus subratllats es desin a tots els teus dispositius? Registra't o inicia sessió
© 1993 Wycliffe Bible Translators Inc., All Rights Reserved.